Lucas 9:47 - La'qaatqa ñi qota'olec Qota'olec & Qota'olec Novita Na Qomyipi

⁴⁷ Qam so Jesús ỹa'den da la'deenataxanaxac saua'maxare. Ca' ỹacone'oga so noctoqui', ca nauaxaỹaxane'e'.

Lucas 9:47 Iomraidhean Croise

Salmos 139:2

qami' 'yiiñi' ná'ogue ná'maq so'uet; chaqai ñaq qoỹoqo'ta aỹim chaqa'ma' 'yiiñi' da ỹa'deenataxanaxac.

Salmos 139:23

Qami' qota'olec, ya'ajñi', 'yiiñira'a añi i'taxanata; yi'guiñi', 'yiiñira'a da ỹa'deenataxanaxac;

Mateo 12:15

Ca co'na' ỹa'den dajo so Jesús, ca' ca'e yí'maq hueete'e. Ca 'xoic so qomyipi coỹare'tegue, ca so Jesús ỹomatec ná'ogue na ralolaxaiquipi.

Mateo 9:4

Qam ma' so Jesús ỹa'den dá'maq la'deenataxanaxague' saua'maxare, ca 'naaco': —¿Chi'negue ma' se no'uen da ra'deenataxanaxaguii?

Lucas 5:22

Qam so Jesús ỹa'den da la'deenataxanaxac so qomyipi. Ca 'naaco': —¿Chi'neco' ma' ra'deenataxanaxaguii dá'maq dajo?

Juan 16:30

Ca' nagui, ca seuanaxa quiyim ná'ogue nanchaqaina 'yiiñi', chaqai sqo viñi' quiyim qarenachi'. Ca' quedajo, ca seuaqlec quiyim chicqoiro'ot ñi qota'olec.

Juan 2:25

Se ipaquetaque quiyim 'ue ca ra'qaataxanem so'maxare quedá'maq 'neeta ná'maq qomyipi, ma' so'maxare ỹa'den ná'ogue na la'deenataxanaxac na qomyipi.

Juan 21:17

Ca lotqai liỹa renataxan, 'naaco': —Qami' Shimoñi', qami' llaalec so Jonás, ¿rqo'chiriua'? Ca ỹaatqajam 'ue da lachicoxo so Pedro, ma' mashic tres qainat quiyim nqo'ta so'maxare. Ca 'naaco': —Qami' ỹa'gaxala', qami' ná'ogue 'yiiñi'. Qami' 'yiiñi' quiyim yqo'chiraxaua'. Ca' so Jesús 'naaco': —Cha'regue cochi'ta ana iloipi qagretaipi.

1 Corintios 14:20

Qamiri ỹaqaỹa', quecá'maq ra'deenataxanaxaguii 'neeto' 'ñiitari' ca noctoqui'. Coñiỹa quiyim 'ñiitari' ca noctoqui' quená'maq se no'uen, qam 'ec qamiri qo'xoiqa quecá'maq ra'deenataxanaxaguii.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.