Lucas 9:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Ca' so Jesús 'naaco': —¡Ca quena qomyipi sqaica nqai huelec chaqai hualoxonyipi! ¿Tegue' canchaqa lagui viitaque quiyim qamiri iỹaata'pe quiyim ñaqai eec da iualaxavic? Naviquitegue najo ca qachaalqui'.

Lucas 9:41 Iomraidhean Croise

2 Reyes 5:8

Ca co'na' ỹa'den dajo so letaxaỹaxaqui ñi qota'olec leenaxat Eliseo quiyim so nashi nasectaqta'ahi saua loho na' ỹa'ajan aso nelaata, ca so'maxare roỹaxana so'maxare, 'naaco': —¿Chi'neco' ma' nasectaxachira'ahi naua qatoohi'? 'Ñirapega naiquena cajo ỹale, qaiyi ỹa'den quiyim 'ue na qota'olec letaxaỹaxaqui quena Israel.

Éxodo 10:3

Ca' so Moisés chaqai so Aarón querepegue' so Faraón, ca 'neraco': —Ñi qara'gaxala' ñi qota'olec quena hebreoipi 'naac: ¿Chi' laquio' quiyim niñiiquishiñi' caỹim? 'Xañirec na ỹalamaxareteripi, qaiyi nqouagaxainot aỹim.

Jeremías 4:14

Qami' Jerusalén, co'taxachi' añi re'taxanata'e' quena se no'uen, qaiyi rca'llirec ma'le. ¿Chi' laquio' se ỹaqaletentac na rqahiqui' na ra'deenataxanaxaqui' se no'uen?

Números 14:27

—¿Chi' laquio' ñaqai queeta quiyim ña'ñaxateta'piguita naua la'qaatqa na hualoxonyipi llaalqaipi so Israel? Mashic shi'gue sa'xaỹa quiyim se no'uen da ỹa'xat caỹim.

Mateo 11:28

Naguipegue' aỹim qamiá'ogue, ma' mashic rco'chiiuec quena ro'ueenataxanaxaguii chaqai quena ri'ỹaaguii, ca' ỹim ñco'mataxandec qamiri.

Mateo 12:39

Ca' so Jesús 'naaco' quesaua'maxare: —Na qomyipi hualoxonyipi chaqai sqai huelec ñi qota'olec, na'maxare ỹahotaque quiyim qaỹo'uet ca netanec se qaiuanapega. Qam tot qoỹaanem ca netanec, ta'ta'a so netanec na'le viichigui so qota'a letaxaỹaxanqajnec leenaxat Jonás.

Mateo 12:45

Ime, ca' pile'tegue que'ogalo saua siete liỹa' paguec qa'uaiqa queso'maxare. Ca saua'que tarougui so ỹale. Ca na'le, ca' so ỹale paguec la'aaxa dá'maq 'neetari' quecá'maq 'auaxaic no'ueenataxac. Ca' chaqaida 'neeta ma'le najo hualoxonaq qomyipi.

Mateo 16:4

Najo qomyipi hualoxonaq chaqai mashic ca'e ñi qota'olec, na'maxare rashiilaxantaque quiyim qaỹo'uet ca netanec se qaiuanapega. Qam se qoỹaanem ca liỹa netanec, qaisoota so netanec na'le queso Jonás. Ime, ca' no'ueenaqchichiguiñi so qomyipi, ca' eec.

Mateo 17:17

Ca' so Jesús 'naaco': —¡Aicuéra, qamiri ma' sqaica ca viilec, chaqai qamiri hualoxona'! ¿Chi' taỹa'co' dá'maq quiyim shi'gom salequetauguilo qamiri? ¿Chi' taỹa'co' dá'maq quiyim shi'gom ñiualaxaintegueto qamiri? Ñaq naviguiiri' quenajo cá'maq ne'nec.

Mateo 23:36

Ỹaatqajam llic da shinac caqamiri, quiyim ná'ogue na nasauaxaseteripi quená'ogue taalec ma'le najo qomyipi nagui.

Mateo 3:7

Qam co'na' so Juan iuane'ta so 'xoic qomyipi chicqaugui na fariseoipi chaqai ná'maq chicqaugui na saduceoipi nanac ỹahotaque quiyim qanachilaxan, ca' so'maxare 'naaco': —¡Qamiri nanaic llaalqaipi! ¿Nega'ỹo' cá'maq ỹa'ue ra'xaỹaxaguii quiyim 'iichiỹa'piguit cá'maq chalego lecaic nouaxanaxaset na qom nepalata?

Marcos 10:14

Ca co'na' so Jesús iuanchigui dajo, ca' ro'o. Ca 'naaco' quesaua'maxare: —Ñaqai 'xañiỹac na ñaaqaipioqui' ñaqa nacpegue' aỹim, sqai quepaqchita'piguit, ma' da lo'ueenataxanaxac ñi qota'olec quená'maq hueetagui, chaqaina ná'maq neneequesenaxai 'neetari' meca noctoqui'.

Marcos 10:49

Co'na'le, ca' so Jesús hua'e, ca 'naaco': —Ñaq oỹaxañiỹa ñi'maxare. Ca' qaroỹaxano' na'le so qai'laq, ca qohinapego': —Na'ñaxachi', ne'laxachirishiguim, ma' da'maxare roỹaxana qami'.

Marcos 9:19

Ca' so Jesús 'naaco': —¡Ỹaatqajam qaica ca huelec najo qomyipi! ¡Canchaqai taỹa'co' quiyim salequetapouguilo qamiri, chaqai canchaqai taỹa'co' quiyim ñiualaxaintegueto qamiri! Ñaq naviguiiri' quenajo ñí'maq ne'nec.

Lucas 8:25

Ime, ca 'naapegalo saua lapaxaguinatqa, 'naaco': —¿Chi negue' ca 'neeto' ca rpi'ỹaxaguii? Qam saua'maxare ỹaatqajam no'chi', chaqai ỹaatqajam 'ue da le'laqa'. Ca chi nenatetecta', 'nerac: —¿Nega'ỹo' dá'maq dajo ỹale? ma' quena' ila' na nonot chaqai na huaxaỹaq, ca chaqa'ma' na'xaỹaxan.

Lucas 9:40

Qam mashic shi'gue ñi'xoresene'toto daua rapaxaguinataxahi' quiyim ỹo'derauec, qam se ishite'.

Lucas 9:42

Qam co'na' noquiigo so ne'nec, ca' so le'ec lecmaxaic nenaxañi quena 'laua, ca lotqai ileueta nqai'en. Qam so Jesús nelaxa so le'ec lecmaxaic, ca imeuec nqai'en so ne'nec. Ime, ca ỹopilaxatot so leta'a.

Juan 14:9

Ca' so Jesús 'naaco': —Felipe, shi'gom iỹareta'pe qamiri, ¿qam saqa' huañirapiguiỹa'o'? Cá'maq iuana ỹim, ca' iuana ñi qota'a. Ca' ¿chi'negue ma' yashiila'isac quiyim huañita ñi qota'a?

Juan 20:27

Ime, ca 'naaco' queso Tomás: —Shichiro quenajo ana rpalaaqachi'i', chaqai 'ajñi' ana ñapoquena. Quitot ana napoquena'e', ca' shichiro quena ỹahi. Totqai qollictaxañite', ta'ta'a quiyim virelec.

Hechos 13:18

Ñi qota'olec na'ñaxachiguita naua'que naua se no'viiñi queso qomyipi na' neetalec yi 'laua qaica qom quesaua cuarenta ñaxari,

Hechos 2:40

Ca' quedauajo la'qaatqa so Pedro chaqai 'vii saua liỹa' ỹa'xate', ca' qata so qomyipi, 'naaco': —'Iichiguit ca nouaxanaxaset na qomyipi sqaica huelec, qaiyi rca'lliuec.

Romanos 2:4

Ca ¿peeta'a liỹoqoira'piguit da sqaica lqodoc lqouagaxa chaqai da leualaxavic ñi qota'a, qam se retañi' quiyim chaqaida dajo nqouagaxa ỹahotaque quiyim netogochigui na qavilli'?

Hebreos 3:19

Ca' sa'deenaq quiyim se inoxono' na'le, ma' se na'xaỹaxan.

Hebreos 4:11

Ca' ña'ñaxataq, qaiyi senoxonaxau'a cajo co'mataxac, 'neeto' lotqai 'ue ca queetalec da 'neetari'o' na'le so qomyipi se na'xaỹaxan.

Hebreos 4:2

Ma' qai'neeta mashic qaỹa'xatema qomi' da na'qaatec chicqaugui da nca'laxa, 'nejem qomi' na'le so'maxare na' qara'qaataxanem. Qam queso'maxare 'ec qaica ca 'negue da na'qaatec, ma' 'qaatapega, qam sqai huelec.

Hebreos 7:25

Vichiguiño' ishit quiyim qaica lqodoc nqai'en da lca'laxa ná'maq ỹachigoxochichigui so'maxare quiyim nqo'neu'a ñi qota'a, ma' so'maxare tot ileu, ca rashiilaxanlec quiñi qota'a na'maxare.