Lucas 9:40 - La'qaatqa ñi qota'olec Qota'olec & Qota'olec Novita Na Qomyipi

⁴⁰ Qam mashic shi'gue ñi'xoresene'toto daua rapaxaguinataxahi' quiyim ỹo'derauec, qam se ishite'.

Lucas 9:40 Iomraidhean Croise

2 Reyes 4:31

Ca só'maq Giezi 'aueta quesaua'maxare. Ca co'na' ỹovi', ca' illilec na lashic so noctoqui' aso nashilete. Qam so'maxare qaica quet cá'maq netanec quiyim liỹa quet nca'leuec. Ca' so Giezi pilliguit so Eliseo. Ca co'na' ỹovichiguit, ca 'naaco': —Yí'maq noctoqui' tot liỹa nca'leuec.

Mateo 17:20

Ca' so Jesús 'naaco' quesaua'maxare: —Ma' qamiri cocho'qui' da rpi'ỹaxaguii. Ỹaatqajam llic da shinac caqamiri, quiyim 'ue ca rpi'ỹaxaguii, 'en quet chi lecaata ana la ana mostaza, ca' 'ñiỹapega anajo quemaralec late'ogue': “Quire'e najo, ca' ỹoqa'a ca 'iri'ñi”; ca cajo quemaralec late'ogue' ca'e cá'maq na'ñi. Ca' qaica quet cá'maq qalañiỹac quiyim ỹaatqajam 'ue ca rpi'ỹaxaguii.

Lucas 9:1

So Jesús lapoonta' saua doce lapaxaguinatqaipi, ca ỹaanem da la'ñaxac chaqai da lquesaxanaxa quiyim ỹo'daauec ná'ogue nanchaqaina ne'ec lecmaxaiquipi, chaqai quiyim ỹomatec na ỹoreta'oguit nalolaxaseteripi.

Lucas 9:39

'Uo' so le'ec lecmaxaic quena' ỹovitot, ca' ỹaualqachit chaqai ileueta nqai'en. Ca nac nqai'en na ro'i quena lap. Ỹaatqajam 'ue da lqa'viic, chaqai sqai ỹaxanec.

Lucas 9:41

Ca' so Jesús 'naaco': —¡Ca quena qomyipi sqaica nqai huelec chaqai hualoxonyipi! ¿Tegue' canchaqa lagui viitaque quiyim qamiri iỹaata'pe quiyim ñaqai eec da iualaxavic? Naviquitegue najo ca qachaalqui'.