Lucas 9:39 - La'qaatqa ñi qota'olec Qota'olec & Qota'olec Novita Na Qomyipi

³⁹ 'Uo' so le'ec lecmaxaic quena' ỹovitot, ca' ỹaualqachit chaqai ileueta nqai'en. Ca nac nqai'en na ro'i quena lap. Ỹaatqajam 'ue da lqa'viic, chaqai sqai ỹaxanec.

Lucas 9:39 Iomraidhean Croise

Marcos 9:18

Ma' quecá'maq canchaqaica hueeta'ñi, ñi le'ec lecmaxaic quena' naqajñi, ca nenaxañi. Ca' nac nqai'en na ro'i na lap, chaqai iquishquinta' nqai'ne' naua louee, ca vire'ta quiyim tot qaica ca la'ñaxac. Shi'gue sashiilo'oto naua rapaxaguinataxahi' quiyim naqate' ñi ne'ec lecmaxaic, qam se ishite'.

Marcos 9:20

Ca' qaỹauega'a so'maxare so ne'nec. Ca co'na' so ne'ec lecmaxaic iuane'ta so Jesús, ca ileueta nqai'en so ne'nec, ca so'maxare huaañi naqalcqotegueri', ca' naauec nqai'en na ro'i na lap.

Marcos 9:26

Ca' so ne'ec lecmaxaic ỹaualaq, ca' ileueta nqai'en so ne'nec. Ca inoxonec, qam 'ec ileu nqai'en. Ca' queda, ca 'xoic na 'neetapega mashic ileu so'maxare.

Lucas 4:35

Ca' so Jesús nelaxa so ne'ec lecmaxaic, 'naac: —¡Re'maqaite', chaqa'ma' yí, oquire'e nagui najo ỹale! Ca' sojo ne'ec lecmaxaic, ca' huaañi nqai'en so ỹale, tatouguilo nqai'en saua'maxare. Ime, ca' ca'e so ỹale, qam sqaica ca loqopiaqset nqai'en.

Lucas 8:29

So'maxare 'naac dajo, ma' só'maq Jesús ỹo'deetapeguec so le'ec lecmaxaic quiyim ca'e so ỹale. Chaqai 'xoico' quen natot so ỹale so le'ec lecmaxaic. Ca' na qomyipi nollaaño' quen so'maxare, ca qaicoñite'o' quen naua laua' chaqai naua lichil quena caréna, qaỹahotaque quiyim qanollaañi. Qam qaiyiita ỹachipiaxate'. Ca' sojo ne'ec lecmaxaic i'guenec nqai'en quenaua hua'ñi qaica qom.

Lucas 9:38

Ca 'uo' so ỹale 'maqachiguiñigui so qomyipi, retaqa, netenegue da la'qaatec, 'naaco': —Qami' napaxaguinataxanaq, ñaq qouaquiric 'ajñi' yi ỹaalec. Ma' ỹaatqajam qaiyiita 'oonoqui' ỹaalec.

Lucas 9:40

Qam mashic shi'gue ñi'xoresene'toto daua rapaxaguinataxahi' quiyim ỹo'derauec, qam se ishite'.

Juan 8:44

Ỹaatqajam qamiri lalamaxarete' llaalqa so na'ỹaapec, ma' viitaque 'viichii dá'maq ỹahotaque so'maxare. So na'ỹaapec ỹaatqajam lauataxanaxai, chicqotañi na' llaqai chita'gue qaỹo'uet na 'laua. Se ỹauanapega ỹouen da lliqueta, chaqai se ỹa'xat ca lliqueta. Quena' ỹa'xate' naua la'maachico, retaqa, qam chi na'xateteguelta'. Ma' so'maxare ỹaatqajam 'maatqaic, chaqai chaqaiso só'maq leta'a na na'maachic.

1 Pedro 5:8

Chaqai ỹaatqajam na'deenaxanqachiñii chaqai nelohitec, ma' so npa'guenaxauahi na'ỹaapec ronoqota'pegue', 'neetari' meca sauaxaic leta'a idaantaque quiyim 'ue ca loxonec.

Apocalipsis 9:11

Ca' aso piñaipi 'ue so lashi só'maq neloxoỹaq queca lapooqo' na lqui'i na leuaxaiquipi. Sojo nashi leenaxat quenaua hebreo la'qaatqa Abadón. Chaqai quena griego la'qaatqa Apolión, loqo'm lauataxanaxai.