Lucas 9:31 - La'qaatqa ñi qota'olec Qota'olec & Qota'olec Novita Na Qomyipi

³¹ Ỹaatqajam hueesaugui so nqashilegaxa, qaica ca 'nejem lauaq. Ca' retaqasapigui da 'neeta ca lelauaxa so Jesús ma' ỹovita yi Jerusalén.

Lucas 9:31 Iomraidhean Croise

Lucas 9:22

Chaqai 'naac: —Najo ỹale llaalec ỹaatqajam 'xoic ma'le ca le'xoric, chaqai se qaicoñiguit quena qo'xoiquipi, chaqai na lashillipi na letaxaỹaxanqajanqaipi na qomyipi quena' qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi, chaqai qaỹalauat ma'le. Qam ma' ỹovirerec caua tres na'xata', ca' liỹa nca'leuec.

Lucas 9:30

Ca' quiyi, ca re'xoi' saua dos qomi' retaqata'pegueto so'maxare. Qa' chaqaisauo' saua Moisés chaqai so Elías.

Juan 1:29

Ca' queso liỹa na'xa'a, ca' so Juan idaana'guit so Jesús naataxaso'ma so'maxare. Ca' so'maxare 'naaco': —Ñaqa 'ajñii, najo ná'maq ỹale ỹaanec ma'le ñi qota'olec, 'neeta'gue meca qagreta llaalec, ná'maq rouootaxana'gue ná'ogue na nasauaxaseteripi quena 'laua.

2 Corintios 3:18

Vichiguiño' qomá'ogue mashic tot qaica ca lapooque' na qarashic, ca shinqatari' aca na'ỹoxolate quiyim re'qoota na lauaq so qara'gaxala', ca' ñoquiicqatauec quiyim shinqatam so Cristo, ma' noquiiquetauec dá'maq lauaq so'maxare coqomi'. Qam dajo ỹo'uet só'maq qara'gaxala', ma' Espíritu Santo.

Filipenses 3:21

So'maxare ỹadalaxat ma'le na qaroshicmaxa ma' tai'a quiyim ileu, qaiyi shinqata só'maq chi loshicmaxa so'maxare 'ue da lauaq. Qam ỹo'uet ma'le, ỹahote'e dá'maq chi lquesaxanaxa quiyim ỹoiquentac ná'ogue nanchaqaina.

Colosenses 3:4

Ma' chaqaiso so Cristo só'maq ỹaatqajam qarca'laxa. Ca ma' liỹa novi' nachaxan, ca' qamiri qai'neeta re'xoi' ma'le queso'maxare, ca' nouañiỹau'a da lauaq so'maxare.

Hebreos 11:22

So José qai'neeta, ma' 'uo' da lpi'ỹaxac, ca ra'qaataxanem so lqaỹaripi liỹa llaalqaipi so Israel quiyim inoxonec ca'e ma'le yi 'laua Egipto, chaqai no'ueenaqtañi da la'qaatec quecá'maq qohinta'que ma'le caua lpi'naqa.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.

2 Pedro 1:15

Qam ỹaatqajam yiuogoq, qaiyi ma' ime quiyim yileu, qai'neete' qamiri se neme o'lliinchitapigui nauajo.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.