Lucas 9:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ỹaatqajam llic da sa'xat caqamiri 'vio' caua quená'maq hueete'ena nagui ỹalequetaho saqa' ileu iuanchigui ma'le ñi qota'olec ỹoiquentac ná'ogue najo.

Lucas 9:27 Iomraidhean Croise

Mateo 16:28

Ỹaatqajam llic da shinac caqamiri, 'vii ma'le caua caqamiri lliguitaho nagui quiyim saqa' ileue', chi ỹovireta'a quiyim iuanta najo ỹale llaalec naquetaugui da lo'ueenataxanaxac quiyim nashi.

Marcos 14:25

Ỹaatqajam llic da shinac caqamiri, quiyim tot liỹa ñi'chigui najo li'i ana uva, toco' ma' ỹovita ca na'xa'a quiyim ñi'chigui ca dalaxaic lataxa, ma' ỹovita ca lo'ueenataxanaxac ñi qota'olec ma' ỹoiquentac ná'ogue najo.

Marcos 9:1

Ca' so Jesús qai'neeta 'naaco': —Ỹaatqajam llic da shinac caqamiri, quiyim 'vio' caua quená'maq ỹalequesaho nagui saqa' ileue', ca' iuanchirigui ma'le da lo'ueenataxanaxac ñi qota'olec chaqai da lquesaxanaxa ma' ỹoiquentac ná'ogue najo.

Lucas 2:26

Ca chaqaiso so ỹa'deenaxanaxanegue quiyim se imeho da nachaalataxac quiyim saqa' iuana ca nashi nca'laxaqui cá'maq nela' ñi qara'gaxala'.

Lucas 22:18

Ma' ỹim shiñiỹapegaxaua' totqo pilac liỹa ñi'chigui najo li'i ana 'úva, toco' ma' ỹovita ca laloqo' quiyim ñi qota'a ỹoiquentac ná'ogue najo.

Juan 14:2

Ma' yi la'a' ñi ita'a ỹaatqajam 'xoic na na'aateripi. Ma' quet mesqaida, ca shi'gue quet shinapegalo qamiri. Aỹim shic, qam sa'maxajñi ca ra'aari.

Juan 16:7

Qam llic dá'maq shinac caqamiri: ma' paguec la'maxa quiyim ỹim shic. Ma' no'm sqa shic, ca se novitalo qamiri cá'maq rotauañii chaqai ra'ñaxachii, qam no'm shic, ca ñila' ma'le.

Juan 8:59

Ca' quiyi, ca qaiconapego' na qa', ma' qaỹahotaque qainaq so Jesús. Qam so'maxare nañoxojñi, ca' ca'e añi no'ueenaxanaxaqui, queetougui so qomyipi, ca' eec.

Hebreos 2:9

Qam qomi' seuanaxa so Jesús só'maq ñi qota'a paguec nqo'ñiichiguiñi nqai'en quena lelaatqaipi piguim laseripi, qam se ladoguec. Ca quedá'maq le'xorenataxanaxa ñi qota'a, ca ỹo'uet quiyim ileualec ná'ogue; ca' nagui qoỹanagui da lecaic chaqai da lemaqachic, ma' ỹovirau'a da le'xoric na' ileu.