Lucas 9:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ma' ¿negue' ca 'negue queca qom no'm laueguec ná'ogue na hueetalec na 'laua, qam na'laañi, loqo'm chi nasauaxatalta'?

Lucas 9:25 Iomraidhean Croise

Mateo 13:48

Ca' quiyim no'xagui cajo naleguec, ca cá'maq noqoinaxanyipi ỹauecta'a ca lqodoc ca huaxaỹaq. Ca' nqa'xanñi, nca'agui na nallin. Ca ná'maq no'uen, ca' ỹa'maxat caca lahi', ca' inaxauec ná'maq se no'uen.

Mateo 13:50

Ca' qainaxañigui ná'maq hualoxonyipi cá'maq nqatelaxanqa' norec. Ca' yi hua'ñi, ca noỹen chaqai iquishquinta' naua louee quena nqui'ic.

Mateo 16:26

Ma' ¿negue' quet ca 'negue queca qom quiyim laueguec ná'ogue na hueetalec na 'laua, qam na'laxatañi dá'maq chi nachaalataxac? loqo'm ¿ỹote' quet aca ishiueten ca qom quiyim rapilaxat dá'maq chi nachaalataxac?

Marcos 8:36

Ma' ¿negue' quet cá'maq 'negue queca qom quiyim ỹomata'ta' ná'ogue na hueetalec na 'laua, qam na'laxatañi da nachaalataxac?

Hechos 1:18

Qam so'maxare mashic eec, chaqai reshiujnaxana ca 'laua, reshiuetenaxana aso laseuete so Jesús co'na' imen. Qam na'le, ca najñi, ỹadoochiguiñi na lqahic, ca' rachipigui, ca nemerauec naua lauelese'.

Hechos 1:25

Ca' qoỹanagui da na'laxatañi na'le lo'ueenatec so relaachiqui' Judas, ma' 'ue da lasauaxaset, ca re'oq dá'maq ỹaatqajam taigue nqohin.

1 Corintios 9:27

Chaqaidaata quiyim souaxan na chi ỹoshicmaxa, ma' sahotaque sashaxantac, qaiyi se ishit quiyim se qayalecqajno ma' ime quiyim sapaxaguin na liỹaripi.

Hebreos 10:34

Chaqai qamiri 'ue da re'xorenataxanaxahi quená'maq qaicoñiretari', chaqai vire'ta quiyim 'ue da netoonaxaguii quiyim na'ñaxachiiguit quiyim qarouootaxanegue ca roviñiguii, ma' qamiri 'yiiñita quiyim 'ue ca hueeta'gue da piguim roviñiguii paguec loyac chaqai sqaica lqodoc.