Lucas 9:20 - La'qaatqa ñi qota'olec Qota'olec & Qota'olec Novita Na Qomyipi

²⁰ Ca lot inate' saua'maxare, 'naaco': —Qam qamiri ¿negue' ca 'ñiỹac caỹim? Ca' so Pedro 'naaco': —Qami' chaqaqami' na' qami' nashi nca'laxaqui, chicqoiro'ot ñi qota'olec.

Lucas 9:20 Iomraidhean Croise

Mateo 22:42

ca' so Jesús renataxano', 'naaco': —¿Negue' cá'maq 'neeta ca ra'deenataxanaxaguii quecá'maq nashi nca'laxaqui? ¿Negue' llaalec ca'maxare? Ca' so fariseoipi 'naaco': —Llaalec so qarashi David.

Mateo 26:63

Qam so Jesús se retaqa. Co'na'le, ca' so lashi na netaxaỹaxanqajanqaipi 'naaco' queso'maxare: —Soỹaxanot nagui ñi qota'olec ñí'maq nca'leetauec quiyim ỹa'ue ca nouaxanaxashichi' no'm sqai llic ca ra'qaachiqui'. Nichoxochite' no'm qami' ná'maq nashi nca'laxaqui, qami' llaalec ñi qota'olec.

Mateo 5:47

Chaqai no'm qainaata na rqaỹahi niquiñi'e', ¿nega'ỹo' cá'maq no'uen 'viichitac? Ma' vire'ta ná'maq se ỹauanapega ñi qota'olec qai'neeta 'ne'tegue dajo.

Marcos 14:61

Qam so'maxare qaica ca ỹa'xat, ca' chaqaida 'neetari' i'maqatam. Ca' so lashi so na'gaxalateripi lotqai liỹa inat so'maxare, 'naaco': —¿Chaqaqami'o' ná'maq qami' nashi nca'laxaqui, llaalec ñi qota'olec ñí'maq qaremaqajnatec?

Marcos 8:29

Ca so'maxare inate'o' saua'maxare, 'naaco': —Qam qamiri, ¿negue' cá'maq 'ñiỹac negue' aỹim? Ca' so Pedro 'naaco' na'le: —Qami' ná'maq qami' nashi nca'laxaqui.

Lucas 22:67

—'Qaataxañitema qomi' quiyim ¿chaqaqami' ná'maq nashi nca'laxaqui? Ca' so'maxare 'naaco': —No'm shinapegalo qamiri ajá'a, chaqaỹim, qam qamiri sqai viilec aỹim.

Lucas 9:19

Ca saua'maxare 'neraco': —'Ue na qom 'naac qami' Juan nachilaxanataxanaq, chaqai na liỹa 'naac qami' Elías, chaqai 'ue na liỹa 'naac sqoue quiyim 'ue ca nca'leuec quesaua 'auaxaiqa la'qaataxanqajanqaipi ñi qota'a quiyim liỹa nca'leuec.

Juan 1:41

Ca' so Andrés chaqa'ma' idaanaque so lqaỹa Simón, ca 'naapego': —Mashic sauanaxa ñí'maq qohinac Mesías —qam dajo leloxoỹaxac da neenaxat 'neetasa' Cristo, loqo'm ca qaỹa'xateta'guit nashi nca'laxaqui.

Juan 1:49

Ca' so Natanael 'naaco': —Qami' napaxaguinataxanaq, chaqaqami' ná'maq llaalec ñi qota'olec, chaqai qami' lashi na Israel.

Juan 11:27

Ca aso'maxare 'naaco': —Ajá'a, qami' ỹa'gaxala', ỹim seuelec quiyim qami' ná'maq qami' nashi qarca'laxaqui, ma' qami' llaalec ñi qota'olec, ná'maq shi'gue qaỹa'xateta'guit nai'a na 'laua.

Juan 20:31

Qam nauajo qohichiñi, ma' qaỹahotaque quiyim qamiri viilec so Jesús quiyim chaqaiso só'maq nashi nca'laxaqui, llaalec ñi qota'a, chaqai qaiyi 'ue ca rca'laxahi quiyim viilec so'maxare.

Juan 4:29

—Ỹalahi, ñaqa 'ajñii da ỹale mashic ỹa'xachim ná'ogue ná'maq shi'gue so'uet. ¿Mesqaido' dá'maq qaỹa'xateta'guit nashi nca'laxaqui?

Juan 4:42

Ca na'le, ca qohinapego' aso 'aalo: —Nagui, ca' seuaqlec mesqaidaata dá'maq 'ñirapegalo qomi', ma' qai'neeta qomi' sa'xaỹaxa dá'maq la'qaatec so'maxare. Ca sa'deenaq quiyim chaqaiso só'maq qaỹa'xateta'guit nashi nca'laxaqui, só'maq nca'laxatec na qomyipi quena 'laua.

Juan 7:41

Chaqai na liỹa 'naaco' quen: —Chaqaida dajo dá'maq nashi nca'laxaqui. Qam 'uo' quen na liỹaripi 'naac: —¿Chi'negue queta' chicqochi'ñi yi Galilea ca nashi nca'laxaqui?

Hechos 17:3

Ca ỹacona aso nerecse' la'qaatqa ñi qota'a, ca ichoxotetapeguem quiyim: “Ca ñauaanqataque qarashi qarca'laxaqui ỹovirau'a yi le'xoric, chaqai qaỹalauat, ime, ca lotqai nca'leuec.” Ca 'naaco' so Pablo: —Ca' sojo Jesús só'maq sa'xatetapeguema qamiri, chaqaiso' só'maq ñauaanqataque nashi nca'laxaqui.

Hechos 8:36

Ca co'na' ỹovijta yí'maq hua'ñi 'ue na huaxaỹaq, ca' so nelaatec 'naaco': —Quenajo 'ue na huaxaỹaq, ¿tegue' chi ỹa'maxaño' quiyim qayachilaxan?

Hechos 9:22

Qam so Saulo lama'xa ra'qaataxan, noquiiquetauec da lquesaxanaxa, ichoxotetac so Jesús quiyim chaqaiso só'maq qaỹa'xateta'guit nashi nca'laxaqui, chi ỹovireta'a tot ỹa'den ca 'neeta so judioipi na'ñi yi Damasco.

1 Juan 5:1

Ná'ogue ná'maq 'ue ca lpi'ỹaxac quiyim so Jesús chaqaiso só'maq nashi nca'laxaqui, ca' llaalec ñi qota'a. Chaqai quiyim qai'xoren ca neta'a, ca' qai'xoren qai'neeta na llaalqaipi cajo neta'a.