Lucas 9:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ 'Uo' so na'xa'a co'na' so Jesús nqouagaxaintac, nodaatec, ca' saua lapaxaguinatqa liỹareta'pe co'na'le. Ca inate', 'naaco': —¿Negue' ca 'naaco' quen na qom quiyim negue' aỹim?

Lucas 9:18 Iomraidhean Croise

Mateo 14:23

Ca na' ime npoyiguinta'pegue' so qomyipi, ca' so Jesús taashi'megue aso 'laua quemaralec, ma' ỹahotaque nqouagaxain qaisoota. Ca co'na' mashic pe so Jesús qaisootam.

Mateo 26:36

Co'na' so Jesús chaqai saua lapaxaguinatqa ỹovijta yi 'laua leenaxat Getsemaní. Ca 'naaco' quesaua'maxare: —Nqa'xañiñi quenajo, ca' ỹim shicpegue' yijo ñqouagaxain.

Lucas 11:1

'Uo' so na'xa'a so Jesús 'uo' ca hueeta'ñi, nqouagaxaintac. Ca co'na' ỹomat da nqouagaxainaxac, ca 'uo' so lapaxaguinatec 'naapego': —Qarapaxaguiñi' queca shinqa'tegue ca qanqouagaxainaxac, 'nejem da 'ne'tegue so Juan co'na' ỹapaxaguin so lapaxaguinatqaipi.

Lucas 3:21

Ca co'na' saqa' qaicoñi' so Juan, ca so'maxare nachilaxantac ná'ogue na qomyipi, chaqai so Jesús qai'neeta qanachilaxan. Ca so'maxare co'na' ñaq nqouagaxaintac, ca na piguim huachigui.

Lucas 6:12

Ca 'uo' so na'xa'a, ca' so Jesús taashi'megue aso qoỹoqoshi'megue 'laua, ca' nqouagaxain, sá'ogue so 'óna pe nqouagaxaintacot ñi qota'a.

Lucas 9:19

Ca saua'maxare 'neraco': —'Ue na qom 'naac qami' Juan nachilaxanataxanaq, chaqai na liỹa 'naac qami' Elías, chaqai 'ue na liỹa 'naac sqoue quiyim 'ue ca nca'leuec quesaua 'auaxaiqa la'qaataxanqajanqaipi ñi qota'a quiyim liỹa nca'leuec.

Lucas 9:28

Ca co'na' mashic ỹovi' ocho na'xata' ỹa'xat dajo so Jesús, ca quishi'megue aso qa' ladocai, ca nqouagaxain, liỹareta'pe saua Pedro, Jacobo, chaqai so Juan.

Lucas 9:29

Ca co'na' so Jesús nqouagaxaintac, ca ỹoqa'a da no'ueenataxac, na lashic chaqai saua loho ỹañigui, qashilec da lalacqa'.