Lucas 9:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca co'na' mashic vit, ca saua doce lapaxaguinatqa noquiictot so Jesús. Ca' qohinapega so'maxare: —Pilaxachi' na qomyipi, qaiyi pil, ca' nco'matec ma'le. Chaqai idaanaque ca loq quenaua na'aate', loqo'm quena sqoỹoqaque, ma' quena seuqate'e ỹaatqajam sqaica canchaqaica.

Lucas 9:12 Iomraidhean Croise

Ezequiel 34:25

Ca' sa'ue ca ña'deenaxac ma'le quena'maxare, ca' 'chiñi nqaishin ca la'maxa. Na'laañi nqaishin ma'le na isecỹac toxonaxai quenajo 'laua, qaiyi i'maqajlem ana ilo qagreta quena no'ueenaxa chaqai quiyim laqaugui na 'oochi.

Mateo 14:13

Ca co'na' so Jesús ỹa'den dá'maq qohine'tegue so Juan, ca' ca'e yi'maxare, renojñigui aso qom lahi' huaxaỹaqse, paca'ta so huaxaỹaq, qaisoota noỹootetec. Qam co'na' qaỹa'den queso qomyipi, ca chicqau'a na na'aateripi, ca' quepegue' quiyi hueetalec 'laua.

Mateo 15:23

Qam so Jesús sqa saata aso'maxare. Ca' saua lapaxaguinatqa ne'xoresente' queso'maxare, 'nerac: —Vite cá'maq ỹahotaque, ma' na'maxare coỹaretaho coqomi' ỹaualqata'guit.

Mateo 15:32

Co'na'le, ca' so Jesús roỹaxanalo saua lapaxaguinatqa. Ca 'naaco': —Ỹaatqajam 'ue da i'xorenataxanaxa quena qomyipi, ma' mashic ỹovite' tres na'xata' quiyim hueete'e najo, qam qaica cá'maq ỹa'ic. Ca' se sa'maxaren quiyim pil, se que'e, 'neeto' 'ue ca ileueta quena nayic.

Lucas 9:11

Qam co'na' qaỹa'den dajo queso qomyipi, ca co'uaataxan. Ca' so Jesús ỹacoñi'chiguit sá'ogue, ca ra'qaataxantapeguem queda 'neeta ñi qota'olec chaqaiñi ỹoiquentac ná'ogue najo, chaqai ỹomatec so ralolaxaiquipi.

Lucas 9:13

Qam so Jesús 'naapegalo': —Qamiri 'ỹaañim cá'maq loq na'maxare. Ca saua'maxare 'neraco': —Qaica ca liỹa qonoq. Qainauate' naua cinco paañi' chaqai naua doosolqai' nalliñi'. Qaidaata no'm qomi' seshiujnaxanqaque ca na'ic, qaiyi que'e ná'ogue najo qomyipi.

Juan 6:1

Ca' co'na' ime dajo, ca' so Jesús taita'gue da laseego aso latogot late'ogue' quiyi Galilea, ca' chaqaso aso ỹovira'ta'gue yi na'a' Tiberias.

Filipenses 1:19

ma' ỹim sa'deenta quiyim qaicanqaida ma'le queda ñachaalataxac, ma' qamiri nqouagaxaiñitalec aỹim chaqai da lotaanaxanaxac caỹim so Espíritu Santo neetaquio' na'le so Jesucristo.