Lucas 9:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Qam co'na' qaỹa'den dajo queso qomyipi, ca co'uaataxan. Ca' so Jesús ỹacoñi'chiguit sá'ogue, ca ra'qaataxantapeguem queda 'neeta ñi qota'olec chaqaiñi ỹoiquentac ná'ogue najo, chaqai ỹomatec so ralolaxaiquipi.

Lucas 9:11 Iomraidhean Croise

Isaías 61:1

Ñi ne'espíritu ñi qara'gaxala' hueetalec aỹim, ma' ñi qara'gaxala' ỹim lca'acsec, ca' yila' quiyim sa'xatem da no'uen la'xaỹaxac na 'xoraiquipi, sotauan ná'maq 'ue na leuogoxo, sa'xat quiyim qaỹosouec na ncoñiitecseripi;

Mateo 12:15

Ca co'na' ỹa'den dajo so Jesús, ca' ca'e yí'maq hueete'e. Ca 'xoic so qomyipi coỹare'tegue, ca so Jesús ỹomatec ná'ogue na ralolaxaiquipi.

Mateo 14:14

Ca co'na' renotec so Jesús caso lahi', ca iuane'ta so 'xoic qomyipi. Ca 'ue da le'xorenataxanaxa queso'maxare, ca ỹomatec na ralolaxaiquipi qanodou'a so'maxare.

Mateo 21:31

Ca' quesaua dos ¿nega'ỹo' cá'maq ỹo'ueeto' cá'maq ỹahotaque so leta'a'? Ca saua'maxare 'neraco': —Só'maq 'auaxaic. Co'na'le, ca' so Jesús 'naaco': —Ỹaatqajam llic da shinac caqamiri, quiyim ná'maq icona'piguit ana nishiuete so nashi chaqai ana nedequenaxai 'au inoxona'a ma'le da lo'ueenataxanaxac ñi qota'olec caqamiri ma' ỹoiquentac ná'ogue najo.

Mateo 21:43

Ca vichiguiño' shinac caqamiri quiyim qarouootaxana'gue ma'le da lo'ueenataxanaxac ñi qota'olec caqamiri, ca qoỹaanem ma'le na qomyipi quená'maq ỹaanem ma'le ipacqajanchigui nqai'en dá'maq laỹaxac dajo no'ueenataxanaxac.

Lucas 1:53

Chaqai ná'maq 'xoic ca louenaxanaxa, ca ỹaanem quiyim qaica ca ỹouen nqai'en, qam na nesallaxanqaipi lotqai co'taxachichiguilo naua laua', ca' ilarec.

Lucas 5:31

Ca' so Jesús 'naaco': —Se ỹouen ca natarenataxanaq ca qom quiyim no'uenta, chaqaicaata ca ralolaxaic maq ỹouen.

Lucas 8:1

Ca co'na' mashic shi'gom dajo, ca' so Jesús 'xoic na queetagui na'aateripi chaqai na qoỹoqote'ogalo na'aate', ra'qaataxantac, ỹa'xatetac quiyim ñi qota'olec ỹoiquentac ná'ogue najo. Nauequetecto saua doce lapaxaguinatqa.

Lucas 8:10

Ca so'maxare 'naaco': —Ñi qota'olec ỹa'deenaxanaxanque qamiri ná'maq se re'xogui leloxoỹaxac da lo'ueenataxanaxac. Qam na liỹaripi sahote'e ỹaloqojnaxanaxat, qaiyi na'maxare quená'maq iuana, qam 'ec se reuanaxan, chaqai 'qaatac, qam se ỹa'den ca 'neeta cá'maq qaỹa'xat.

Lucas 9:10

Co'na' so lapaxaguinatqaipi so Jesús mashic rapil, ca qara'qaataxantapeguem quedá'maq lo'ueenatqaipi. Ca' so'maxare nodaqajantec so qomyipi quiyim ỹauega yi 'laua sqoỹoqaque quiyi na'a' Betsaida.

Lucas 9:12

Ca co'na' mashic vit, ca saua doce lapaxaguinatqa noquiictot so Jesús. Ca' qohinapega so'maxare: —Pilaxachi' na qomyipi, qaiyi pil, ca' nco'matec ma'le. Chaqai idaanaque ca loq quenaua na'aate', loqo'm quena sqoỹoqaque, ma' quena seuqate'e ỹaatqajam sqaica canchaqaica.

Lucas 9:2

Ca' ilate' quiyim ỹa'xate' quiyim ñi qota'olec ỹoiquentac ná'ogue najo, chaqai quiyim ỹomatec na ralolaxaic.

Juan 4:34

Qam so Jesús 'naaco': —Dá'maq noq chaqaida dá'maq quiyim so'uet cá'maq ỹahotaque ñí'maq yila', chaqai quiyim somat da lo'ueenataxanaxac.

Juan 6:37

Ná'ogue ná'maq nañaañim ñi ita'a nacpegue' aỹim; chaqai ná'maq nacpegue' aỹim, se so'da'guit.

Hechos 28:31

Ca ỹa'xatetac da lo'ueenataxanaxac ñi qota'a ma' ỹoiquentac ná'ogue najo, chaqai rapaxaguinataxanta'pegue so qara'gaxala' Jesucristo. Qam qaica ca quepaxat.

Romanos 10:14

Qam ¿negue' quet cá'maq 'neeta quet quiyim nqouagaxainot, no'm sqai huelec so'maxare? Chaqai ¿negue' quet cá'maq 'neeta quiyim 'ue ca huelec, no'm sqaica cá'maq qara'xaỹa ỹa'xatetac so'maxare? Chaqai ¿negue' quet cá'maq 'neeta quiyim qara'xaỹa, no'm sqaica cá'maq ỹa'xat da na'qaatec?

Romanos 10:17

Ca' chaqaida, ma' da npi'ỹaxac chicqochigui da 'xaỹaxanaxac, qam dá'maq qana'xaỹaxantapega chaqaida dá'maq na'qaataxac so Cristo.

Romanos 15:3

Ma' vire'ta so Cristo se nemaqachinalta'; ta'ta'a quiyim ipaquichiguilo naua naneresañi la'qaatqa ñi qota'a, 'neracsa': “Dá'maq lishiuenaxanaxac ná'maq rishiviñi'sac, taalec aỹim.”

2 Timoteo 4:2

quiyim ỹaatqajam 'xachi' da na'qaatec, nquipichira'pegue' quiyim 'ue ca redaaqachi' chaqai 'eno'm qaica ca redaaqachi'. Vire'ta quiyim shichi' ca qom, chaxañi' ca lo'maxac, qachita, chaqai ỹaatqajam neualaxaviñire'e' quiyim paxaguiñi'.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.