Lucas 9:1 - La'qaatqa ñi qota'olec Qota'olec & Qota'olec Novita Na Qomyipi

¹ So Jesús lapoonta' saua doce lapaxaguinatqaipi, ca ỹaanem da la'ñaxac chaqai da lquesaxanaxa quiyim ỹo'daauec ná'ogue nanchaqaina ne'ec lecmaxaiquipi, chaqai quiyim ỹomatec na ỹoreta'oguit nalolaxaseteripi.

Lucas 9:1 Iomraidhean Croise

Mateo 16:19

Ca' ỹim saanem qami' ma'le aca nauatqate da no'ueenataxanaxac queda piguim. Ca cá'maq 'maxariñite' ma'le quena 'laua, ca ca'maxare qai'neeta qaỹa'maxarenta queda piguim. Chaqai cá'maq sqa 'maxariñi', qai'neeta se qaỹa'maxaren ma'le queda piguim.

Mateo 4:24

Ca ỹovira'gue da na'qaataxac so Jesús yá'ogue yi 'laua Siria. Ca qanoda'a so'maxare ná'maq 'ue na iuetetac ỹoreta'oguit na ralolaxa, ná'maq 'ue na le'ec lecmaxaic, chaqai ná'maq chita'gue lotqai ileueta, chaqai na se ra'ñiigue. Ca' so Jesús ná'ogue ỹomatec.

Mateo 8:9

Ma' ỹim qai'neeta seueto'ot da lelaataxanaxac na nashillipi, chaqai 'ue na ñalliripi selaretac. Ca' quena' 'ue ñi sela', ca' eec. Chaqai no'm soỹaxana, ca chaqa'ma' anac. Chaqai ca ilaatec, no'm 'ue ca selarelec, ca chaqa'ma' ỹo'uet.

Lucas 10:1

Ca co'na' ime dajo, ca' so qara'gaxala' nca'au'alo saua liỹa' setenta, ca ilate', qam dooseta'pe nqai'en, 'aueta'gue da taata'gue so'maxare quiyim queetagui ná'ogue na na'aateripi chaqai ná'maq hua'ñi quiyim que'tegue ma'le so'maxare.

Lucas 10:19

Aỹim saanema qamiri da nquesaxanaxa, qaiyi co'viigui na nanaiquipi chaqai na pa'lotoxoiquipi, chaqai quiyim naviguii ná'ogue na lquesaxanaxa so pa'guenaxantac, chaqai sqaica ca que'maqachite' qamiri.

Juan 14:12

Ỹaatqajam llic da shinac caqamiri, quiyim quecá'maq huelec aỹim, ca ishit ỹo'uet qai'neeta dá'maq so'uet, chaqai paguec lecaic ma'le ca ỹo'uet, ma' ỹim shicpegue' ñi qota'a.

Hechos 1:8

Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

Hechos 3:16

Ca' queda leenaxat so Jesús, só'maq sa'xatetac, loqo'm quiyim qaipi'ỹa'a da leenaxat, chaqaida dá'maq ỹa'ue da lquesaxanaxa najo ỹale huañiỹa chaqai 'yiiñii. Dajo npi'ỹaxac queso Jesús, chaqaida dá'maq ỹaatqajam ỹomatec. Ca' qamiá'ogue qamiri nagui 'ajñitac.

Hechos 4:30

chaqai ỹomaterec na ralolaxaic quedá'maq rquesaxanaxa'e', chaqai ỹo'ueete' na netanqaipi chaqai na se qaiuanapega, quiichigui da leenaxat so co'teeta qachaalqui' Jesús.

Hechos 9:34

Ca' so Pedro 'naapego': —Eneas, Jesucristo romachirec nagui. Ne'laxachirishiguim, nañireta' na qacanqui'. Ca' so Eneas chaqa'ma' ne'laxashiguim.