Lucas 8:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ca' aso liỹa nanecse tajlec yi ỹaatqajam lo'yaxanec 'laua. Ca co'na' ñaxat, ca ỹaatqajam 'xoic ana la. 'Uo' ana ỹovi' cien ana la co'na' qanaqat. Ca co'na' ime da la'qaatec so Jesús, ca' ỹaatqajam nelamaxaren, 'naaco': —No'm qamiri 'vii caua rque'lahi lauaco, ca' 'xaiỹo'.

Lucas 8:8 Iomraidhean Croise

Génesis 26:12

Ca danaxano' na'le queso ñaaxa so Isaac queso 'laua, ca' chalego loyac na' lapoon so lanec ala, ma' ñi qara'gaxala' no'ueenaxat so lanec.

Mateo 11:15

Ca cá'maq ỹa'den da na'xaỹaxanaxac, ca no'uen quiyim ỹa'maxate'tegue da na'xaỹaxanaxac.

Mateo 13:23

Qam aso nanecse ala tajlec yi lo'yaxanec 'laua, ca chaqaina ná'maq ỹa'maxate'tegue da na'xaỹaxanaxac chaqai ỹa'den da leloxoỹaxac, ca' lo'yaxanec da laỹaxac quiyim qanaqat. Chaqai 'ue ná'maq 'nejem aso nanecse ỹovi' cien ana la cañi 'oono'lli', chaqai 'ue na liỹa 'nejem aso ỹovi' sesenta ana la, loqo'm 'nejem asó'maq ỹovi' treinta ana la.

Marcos 4:20

Qam 'uo' na 'xaỹa da na'qaatec, ca' icoñiguit, ca ỹaatqajam 'xoic da laỹaxac, ca 'nejem aso nanecse ala tajlec yi lo'yaxanec 'laua. Ca 'uo' ana 'nejem aso nanecse ala ỹovi' aca treinta ala añi 'oono'lli', chaqai 'uo' ana ỹovi' sesenta, chaqai cien.

Marcos 4:23

Ca cá'maq 'vii caua lque'laa lauaco quiyim na'xaỹaxan, ca 'maxaraic quiyim ỹa'maxate'tegue da na'xaỹaxanaxac.

Marcos 4:8

Ca' aso liỹa nanecse tajlec yi lo'yaxanec 'laua, ca' aso'maxare ỹaatqajam lo'yaxanec da llaqtaxac. Ca 'uo' ana ỹovi' treinta ala añi 'oono'lli', chaqai 'uo' ana ỹovi' sesenta, chaqai 'ue ana ỹovi' cien.

Marcos 7:16

Ma' qamiri 'vii naua rque'lahi lauaco, ca 'maxachi'tegue ca na'xaỹaxanaxaguii.

Lucas 14:35

Ca' tot qaica ca taiguit, vire'ta sqa taiguit quiyim qainaxaguit na 'laua, loqo'm quiyim qaỹalecqajñiguit cá'maq qainaxalec ca nanaxanqa'. Qaidaata quiyim qaỹalat. Cá'maq 'vii caua lque'laa lauaco, ca' na'xaỹaxan.

Lucas 8:15

Qam asó'maq nanecse tajlec yi lo'yaxanec 'laua, ca 'nejem ca qom lo'yaxana aca le'taxanata, ca ỹa'maxate'tegue da na'xaỹaxanaxac, chaqai huelec da na'qaatec, chaqai quejlec. Se qoshiiuec, ca' ỹaatqajam 'ue da loquigaxac da laỹaxac.

Lucas 8:7

Ca 'uo' aso liỹa nanecse tajlec yi 'xoic ana le, ca' sqai ñaxat, ma' qaỹapolec cana le naquetashi'megue' na' ñaxat.

Efesios 2:10

Ma' qomi' lo'ueenatqa ñi qota'a, chaqai ñaxata'alo nqai'ne' qomi' so Cristo Jesús, ma' ỹahotaque quiyim so'ueetaq cá'maq no'uen. Ma' ñi'maxare shi'co' ỹahotaque quiyim so'ueetaq.

Colosenses 1:10

Qaiyi shichii quiyim na'maxachita ma' chaqaida 'neetari' ná'maq lalamaxaret so qara'gaxala', quiyim se neme 'viichitac ná'maq ỹa'maxarenta so'maxare. Ca re'oq nqai'ñii dá'maq 'ñiitari' quená'ogue ná'maq no'uen 'viichitac, chaqai quiyim paguec 'yiiñita ñi qota'a.

Apocalipsis 13:9

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxanchiguiñi.

Apocalipsis 2:11

Cá'maq ỹa'den ca na'xaỹaxanaxac, ca' 'maxaraic na'xaỹaxana da la'qaatec so Espíritu Santo 'neetapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca' se ỹovira'a ca le'xoric queca co'uaataxanaxaic nelauaxa.”

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 3:13

Cá'maq ỹa'den ca na'xaỹaxanaxac, ca' no'uen quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec.”

Apocalipsis 3:6

Ca cá'maq ỹa'den ca na'xaỹaxanaxac, ca no'uen quiyim na'xaỹaxana da la'qaatec so Espíritu Santo quená'maq mashic icoñiguit da na'qaatec.”