Lucas 8:43 - La'qaatqa ñi qota'olec Qota'olec & Qota'olec Novita Na Qomyipi

⁴³ Ca' queso qomyipi ỹalequetauguio' aso 'aalo 'ue so le'ne'. Aso'maxare mashic ỹovi' doce ñaxari da le'xoric quiyim naqueta'pe naua leuo'. Chi ỹomatetaho' quena natarenataxanyipi sá'ogue so louenqaipi, qam sqaica ca ishit ỹomatec.

Lucas 8:43 Iomraidhean Croise

Job 13:4

Qamiri pohilec dá'maq lliqueta queda ra'maachiguii; qamiri natarenataxana', qam qaica ca machiuec.

Isaías 2:22

Totaxan pi'iitapega na qom, ma' sham qaica quet cá'maq 'negue. Ma' da nachaalataxac na qom 'ec quiyim chi qanauec ca nacat. (3.1—4.6 Nouaxanaxaset na nemaqajnaxairipi chaqai sauaqhuaiquipi. Qaỹachaxantac da na'maxa chaqai quiyim pilchigui nqohin dá'maq 'au 'neetari' yi Israel.)

Marcos 12:44

Ma' ná'ogue na'maxare inaxañi aná'maq naauec li'ỹoqote, qam ada'maxare quedá'maq le'xoric, qam ỹaano sá'ogue asó'maq louenec laseuete.

Marcos 9:18

Ma' quecá'maq canchaqaica hueeta'ñi, ñi le'ec lecmaxaic quena' naqajñi, ca nenaxañi. Ca' nac nqai'en na ro'i na lap, chaqai iquishquinta' nqai'ne' naua louee, ca vire'ta quiyim tot qaica ca la'ñaxac. Shi'gue sashiilo'oto naua rapaxaguinataxahi' quiyim naqate' ñi ne'ec lecmaxaic, qam se ishite'.

Lucas 13:11

Ca' ỹalequetaho' aso 'aalo mashic ỹovi' dieciocho ñaxari queso le'ne'. 'Uo' so le'ec lecmaxaic qoyimigui nqai'en, ca' aso'maxare se ishit nalamaxajñi.

Lucas 13:16

Qam cadajo 'aalo ma' llaale so Abraham, ca' so na'ỹaapec coñiretari' ada'maxare quedajo nalolaxa nagui mashic ỹovi' dieciocho ñaxari, ca' ¿se ỹa'maxaño' quiyim qaỹosouec quedajo ralolaxa queca na'xa'a co'mataxaqui?

Lucas 8:27

Ca co'na' chi ỹovijta so Jesús quiyijo 'laua, ca naco' so ỹale chicqaugui yi na'a'. Sojo ỹale mashic 'vio' saua ñaxari quiyim 'uo' so le'ec lecmaxaiquipi, ca' totqa ỹañiñi naua loho. Chaqai totqai naugui ca 'imec. Qaicaata hueeta'oga ca napalyipi.

Lucas 8:42

Ma' so'maxare 'uo' aso 'oono'lli' llaale. Aso'maxare mashic ỹovite' doce ñaxari, chaqai aso'maxare mashic ileuetac. Ca co'na' eec so Jesús, ca ỹaatqajam 'xoic na coỹaretaho, ca vire'ta quiyim qanpataxagui.

Lucas 8:44

Ca' aso'maxare noquiiga'a so Jesús quena lelaq. Ca ipootau'a na lahi so napoxoqui. Ca chaqa'ma' so neuo' naquetac 'miguit.

Juan 9:1

Ca co'na' 'ue yi queetetegue, ca so Jesús iuane'to' so ỹale quiyim co'na' ne'qaañi chaqa'ma' naca'ogue' da lqai'laxa.

Juan 9:21

Qam se sa'deenaq cá'maq 'neeta quiyim nagui ishit neuanñi, chaqai se sa'deenaq negue' cá'maq ỹomaterec naua nqote' da'maxare. Ca 'maxaraic quiyim chaqai nachii da'maxare, ma' mashic ỹi da'maxare, chaqai ishit quiyim chaqaida da'maxare ra'qaataxanema qamiri.

Hechos 3:2

Saua'que saua na'xata' neeta'ño' quen yí so ỹale. So'maxare co'na' chi ne'qaañi chaqa'ma' se ra'ñiiguelo naua lichil. Qaỹodou'o' quen añi no'ueenaxanaxaqui, ca qailla'ñi ñi lasom leenaxat Lo'yaxana, lashiilaxanqa' quená'maq inoxono quiñi'maxare.

Hechos 4:22

Ma' so ỹale só'maq qaỹomatec, só'maq qailliichigui dajo netanec lodegaxat, mashic napacalgoto cuarenta ñaxari.