Lucas 8:37 - La'qaatqa ñi qota'olec Qota'olec & Qota'olec Novita Na Qomyipi

³⁷ Ca sá'ogue so qomyipi chi la'a' yi Gadara, ca ne'xoresene'tot so Jesús quiyim ca'e yi'maxare, ma' ỹaatqajam 'xoic da lqolonaxa. Ca' so Jesús lotqai renojñigui aso qom lahi' huaxaỹaqse, ca' eec.

Lucas 8:37 Iomraidhean Croise

1 Reyes 17:18

Ca co'na'le, ca' aso pa'ỹe 'naaco' queso Elías: —¿Negue' cá'maq shinto' caqami', qami' nale ñi qota'olec? ¿Qa' novichi'o' quiyim yo'leentaxanaxañi' quena ỹasauaxaset, chaqai quiyim 'viichi' ileu yi ỹaalec?

Mateo 8:34

Ca sá'ogue so qomyipi na'ñi yi na'a' nacpegue' yi hueete'e so Jesús. Ca co'na' ỹovita, ca ne'xoresene'tot quiyim ca'e yi la'a' so'maxare.

Marcos 5:17

Co'na'le, ca qane'xoresene'tot so Jesús quiyim ca'e yi 'laua neetalec so qomyipi.

Lucas 10:16

Qam ca na'xaỹaxanalo qamiri, ca' chaqaỹim na'xaỹaxana. Qam ca se ỹacoñiguita qamiri, ca' chaqaỹim se ỹacoñiguit. Qam ca se ỹacoñiguit aỹim, ca' chaqaiñi ñí'maq yila' ñi se ỹacoñiguit.

Lucas 5:8

Ca co'na' iuana dajo so Simón, ca' ỹa'dooto naua le'cootal so Jesús. Ca' 'naapega, 'naaco': —Noỹoochirec caỹim qami' ỹa'gaxala', ma' ỹim ỹaatqajam aỹim ỹale sauaqhuaic.

Lucas 8:28

So'maxare co'na' iuana so Jesús, ca ỹa'chi'iñi naua le'cootal quiyi reloqota'ñi so'maxare, ỹaualqatari': —¿Chi'negue ma' nishichirau'a aỹim, qami' Jesús, llaalec ñi qota'olec ma' ñí ỹapacauec? Qami' ñi'xoresene'tot nagui quiyim se qa'vi'rahic.

Lucas 8:36

Ca' ná'ogue ná'maq ỹauanchigui da 'neeta so ỹale, ca so qomyipi ra'qaataxantac, ỹa'xatetac da 'neeta co'na' qaỹomatec so ỹale 'uo' so le'ec lecmaxaiquipi.

Lucas 8:38

Ca' so ỹale só'maq chicqaugui so lecmaxaiquipi ne'xoresentacot so Jesús quiyim qaỹa'maxarenta eec, quegue so'maxare. Qam so Jesús 'naapega quiyim no'ueenañi, ca 'naaco':

Lucas 9:5

Qam ca hua'ñi quiyim se qaicoñiỹaxaguit, ca' oquiỹa'e ca na'a'. Ca chigoxohi na lamoxoỹaxa quenaua qapiaachiri. Ca' chi netanec quiyim chi nasauaxaseteguelta' so'maxare.

Lucas 9:56

Ma' najo ỹale llaalec mesqa naque quiyim na'laxatañi na nachaalataxac na qomyipi. Chaqaidaata quiyim ỹahotaque nca'laxatec. Ime, ca' que', querepegue' ca liỹa na'a'.

Hechos 16:39

Ca' saua'maxare querepegueto saua Pablo chaqai so Silas, rashiilaxane' quiyim qai'xorene', ma' 'uo' da lasauaxasete'. Ca co'na' ime, ca qaỹosoorec so Pablo chaqai so Silas, qam qohinapegalo quiyim quere'e yi na'a'.