Lucas 8:32 - La'qaatqa ñi qota'olec Qota'olec & Qota'olec Novita Na Qomyipi

³² Qam 'xoico' aso cooshipi que'eetac, neetalec aso quemarelec. Ca' sojo ne'ec lecmaxaiquipi ne'xoresentac quiyim qaỹasenta taugui sojo cooshipi. Ca' so Jesús ỹasene'tem taugui so'maxare.

Lucas 8:32 Iomraidhean Croise

1 Reyes 22:22

Ca' so nelaatec piguim le'ec 'naaco' quiyim na'majan nqai'en na netaxaỹaxaquiripi queso nashi. Ca' ñi qara'gaxala' 'naaco' queso'maxare quiyim ỹo'uet da na'maachic. Ca 'naaco' queso'maxare quiyim eec ỹo'uet da'maxare.

Job 1:10

Ma' qami' qaica ca ỹoviro'ot nqai'ñi'; 'ootaxañiseguelec ñi'maxare chaqai na llaalqaipi. Ca' qaica ca ỹovira'a, chaqai no'ueenaxachi' ná'ogue ná'maq ỹo'uet. Chaqai ñi'maxare paguec nesallaxanec nqai'ñi' quena lalo quená'ogue na 'laua.

Job 1:12

Ca' ñi qara'gaxala' 'naaco' queso na'ỹaapec só'maq viraqataxanaxai: —Ỹa'maqachiguiñi. Cha'regue, 'viiquiñi'sac quecá'maq 'ñi'sa'gue ná'ogue ná'maq louenqaipi ñi Job. Qam ñi'maxare, ca' 'xañisac, se qa'vi'ra'gue. Ca co'na'le, ca' so na'ỹaapec ca'e ñi qara'gaxala'.

Job 2:6

Ca' ñi qara'gaxala' 'naaco' queso na'ỹaapec: —Hua', ỹa'maqachiguiñi. Nagui 'viiquiñi'sac ñi'maxare quecá'maq 'ñi'sa'gue, qam sqai huooquirau'a da nachaalataxac.

Mateo 7:6

Sqai 'ỹaañim na pioqripi cá'maq nouenec se ishit qaiualaxain. Ma' no'm na'maxare ỹopilaxajalgoto, ishit ỹasectaqta'pe qamiri. Chaqai sqai naxaiu'a aca no'ueetqachii leenaxat perla aca cos, 'neeto' co'vigui.

Lucas 8:31

Ca' sojo ne'ec lecmaxaiquipi ne'xoresene'tot so Jesús quiyim se ilari'ña ca nqa'viinqa' na sauaqhuaiquipi.

Lucas 8:33

Ca' sojo ne'ec lecmaxaiquipi ca'e so ỹale, ca' taugui so cooshipi. Ca' sá'ogue i'guinñigui, chicqo'tot so lemanaxa, taañigui aso latogot late'ogue', ca' homac.

Juan 19:11

Ca' so Jesús 'naaco': —Qami' qaica quet cá'maq rquesaxanaxa'e' quiyim sqai ỹaañiraxarom ñi qota'olec, quiyim shichi' 'ue ca 'ñiisa'gue aỹim. Qam cá'maq yayaano caqami', ca'maxare ỹaatqajam paguec ca lasauaxaset, sqai 'nejem qami'.

1 Juan 4:4

Qamiri ỹaalqolqa, qamiri lalamaxarete' ñi qota'a, chaqai mashic qadoxoñiguii na 'maatqaiquipi. Ma' ñi qota'a ñí'maq neetaguilo qamiri paguec lquesaxanaxa quesó'maq na'ỹaapec ỹoiquentac na qom hueetalec ana 'laua.

Apocalipsis 20:7

Ca na' ime ỹoxe'ueque saua mil ñaxari, ca' lotqai qaỹosouec so na'ỹaapec queda ncoñiitaxac.