Lucas 8:28 - La'qaatqa ñi qota'olec Qota'olec & Qota'olec Novita Na Qomyipi

²⁸ So'maxare co'na' iuana so Jesús, ca ỹa'chi'iñi naua le'cootal quiyi reloqota'ñi so'maxare, ỹaualqatari': —¿Chi'negue ma' nishichirau'a aỹim, qami' Jesús, llaalec ñi qota'olec ma' ñí ỹapacauec? Qami' ñi'xoresene'tot nagui quiyim se qa'vi'rahic.

Lucas 8:28 Iomraidhean Croise

Mateo 8:29

Ca' ỹaualaxai', 'nerac: —¿Chi'negue ma' 'isapegueu'alo qomi', qami' Jesús, qami' llaalec ñi qota'olec? ¿Peeta'a na'itquena quiyim vite ca qanouaxanaxaset quiyim saqa' ỹovita ca laloqo'?

Lucas 8:27

Ca co'na' chi ỹovijta so Jesús quiyijo 'laua, ca naco' so ỹale chicqaugui yi na'a'. Sojo ỹale mashic 'vio' saua ñaxari quiyim 'uo' so le'ec lecmaxaiquipi, ca' totqa ỹañiñi naua loho. Chaqai totqai naugui ca 'imec. Qaicaata hueeta'oga ca napalyipi.

Lucas 8:29

So'maxare 'naac dajo, ma' só'maq Jesús ỹo'deetapeguec so le'ec lecmaxaic quiyim ca'e so ỹale. Chaqai 'xoico' quen natot so ỹale so le'ec lecmaxaic. Ca' na qomyipi nollaaño' quen so'maxare, ca qaicoñite'o' quen naua laua' chaqai naua lichil quena caréna, qaỹahotaque quiyim qanollaañi. Qam qaiyiita ỹachipiaxate'. Ca' sojo ne'ec lecmaxaic i'guenec nqai'en quenaua hua'ñi qaica qom.

Santiago 2:19

Qami' ỹaatqajam 'ue da rpi'ỹaxaqui' quiyim virelec 'oonoqui' ñi qota'a. Ca' dajo ỹa'maqachiguiñi. Qam dajo qai'neeta huelec na lelaatqaipi so na'ỹaapec, qam i'loxol quena lqolonaxa.

2 Pedro 2:4

Ma' ñi qota'a se ishit i'xoren só'maq lelaatqaipi piguim laseripi co'na' 'ue da lasauaxaset. Ta'ta'a quiyim inaxa'ña yi ncopatqo' na sauaqhuaiquipi, chaqai coñirañi queca napalaxa loma', ca' nauaanta'guit nqai'en ca na'xa'a quiyim qaimit ná'ogue najo.

1 Juan 3:8

Qam cá'maq ñaqai queetalec na lasauaxaset, cá ca'maxare lalamaxaret so na'ỹaapec. Ma' só'maq na'ỹaapec sauaqhuaic shi'gue na' ñaqai chita'gue qaỹo'uet na 'laua. Ca' chaqaido' dá'maq 'neeta quiyim novi' so llaalec ñi qota'a, ma' ỹahotaque ỹosogui dá'maq ỹo'ueeto' na'le so na'ỹaapec.

Apocalipsis 20:10

Ca só'maq na'ỹaapec rayinaxantaco' quen queso'maxare, ca' qainaxañigui so norec lodegaxat lavigaxat na quiquiaxaic, yí'maq qainaxanquio' na'le so isecỹac lodegaxat chaqai só'maq chaqai 'naaco' quen letaxaỹaxaqui ñi qota'a. Ca' hua'ñi, ca' 'ue da le'xoric sqaica lqodoc quenaua'que naua na'xata' chaqai naua piri.