Lucas 8:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ime, ca 'naapegalo saua lapaxaguinatqa, 'naaco': —¿Chi negue' ca 'neeto' ca rpi'ỹaxaguii? Qam saua'maxare ỹaatqajam no'chi', chaqai ỹaatqajam 'ue da le'laqa'. Ca chi nenatetecta', 'nerac: —¿Nega'ỹo' dá'maq dajo ỹale? ma' quena' ila' na nonot chaqai na huaxaỹaq, ca chaqa'ma' na'xaỹaxan.

Lucas 8:25 Iomraidhean Croise

Mateo 14:31

Ca' so Jesús chaqa'ma' icoñiguit da lqai'laxat. Ca 'naapego': —¡Ỹaatqajam cocho'qui' da rpi'ỹaxaqui'! ¿Chi'neco' ma' sham qollictaxañi'?

Mateo 17:20

Ca' so Jesús 'naaco' quesaua'maxare: —Ma' qamiri cocho'qui' da rpi'ỹaxaguii. Ỹaatqajam llic da shinac caqamiri, quiyim 'ue ca rpi'ỹaxaguii, 'en quet chi lecaata ana la ana mostaza, ca' 'ñiỹapega anajo quemaralec late'ogue': “Quire'e najo, ca' ỹoqa'a ca 'iri'ñi”; ca cajo quemaralec late'ogue' ca'e cá'maq na'ñi. Ca' qaica quet cá'maq qalañiỹac quiyim ỹaatqajam 'ue ca rpi'ỹaxaguii.

Mateo 6:30

Ca' no'm ñi qota'olec 'ne'tegue nqai'en dajo da no'ueetaxac ana peue hueetalec na no'ueenaxa, qam queca liỹa na'xa'a, ca qaỹavigaxat qaỹouen quiyim 'ue ca qaiqatel, ca' ¿huose'quet sqai paguec nqai'en ca no'ueetaxaguii, qamiri ma' cocho'qui' da rpi'ỹaxaguii?

Mateo 8:10

Ca co'na' so Jesús 'xaỹa dajo, ca 'uo' da le'laxa. Ca 'naaco' quecá'maq liỹaripi: —Ỹaatqajam llic da shinac caqamiri, quená'ogue na Israel qaica ca seuana qom 'xoic ca lpi'ỹaxac 'nejem dajo ỹale.

Mateo 8:26

Ca' so Jesús 'naaco' quesaua'maxare: —¿Chi'negue ma' 'xoic na rqolonaxahi? ¡Ỹaatqajam cocho'qui' da rpi'ỹaxaguii! Ca co'na'le, ca ne'laxashiguim. Ca' nelaxa so nonot chaqai aso huaaxai, ca chaqa'ma' sá'ogue nayaarichiguiñi.

Marcos 4:35

Ca' chaqaiso' so na'xa'a co'na' mashic pe, ca' so Jesús 'naaco' quesaua lapaxaguinatqa: —Saqta'gue da laseego ana latogot late'ogue'.

Lucas 12:28

Ma' no'm ñi qota'olec ỹa'ue na no'ueetaxat ana peue quiyim nagui hueetalec na no'ueenaxa, ca nete'e, ca qaỹavigaxat qainaxaugui ca nqatelaxanaxaqui, ¡huose'quet se ỹa'ue ca no'ueetaxachii, qamiri cocho'qui' ca rpi'ỹaxaguii!

Lucas 8:24

Ca qoyicpegue' so Jesús, ca qanqo'xon. Ca' qohinapega: —Qami' napaxaguinataxanaq, mashic sham iyiñiñi qomi'. Ca' so Jesús ne'laxashiguim, ca nelaxa so nonot, chaqai so lo'paxa so huaxaỹaq. Ca qaguiguit sá'ogue, ca ipaque'tegue quiyim nayaarichiguiñi.

Lucas 8:26

Ca co'na' qaỹovita yi 'laua Gadara yi hua'ta'gue da liỹa lemanaxa aso latogot late'ogue', nalo'ojta'a yi Galilea.

Juan 11:40

Qam so Jesús 'naaco' caso'maxare: —¿Mesqai shi'gue shinac caqami' quiyim vi'relec, ca' huañita ca se qaiuanapega lo'ueenataxanaxac ñi qota'olec?