Lucas 8:22 - La'qaatqa ñi qota'olec Qota'olec & Qota'olec Novita Na Qomyipi

²² Ca 'uo' so na'xa'a, ca so Jesús renojñigui aso qom lahi' huaxaỹaqse, liỹaata'pe saua lapaxaguinatqa. Ca 'naapegalo, 'naaco': —Qolaq, saqta'gue da laseego ana latogot late'ogue'. Ime, ca' que'.

Lucas 8:22 Iomraidhean Croise

Mateo 14:22

Ca na' ime, ca' so Jesús 'naapegalo saua lapaxaguinatqa quiyim renojonyigui aso qom lahi' huaxaỹaqse 'auesa'ta'gue queda lahi aso latogot late'ogue'. Ca so'maxare no'ueenañi, niquinta'pegue' so qomyipi.

Mateo 8:18

Ca co'na' so Jesús iuane'ta so 'xoic qomyipi lapoỹaho queso'maxare, ca 'naapegalo saua nale' quiyim tareta'gue da liỹa lemanaxa aso latogot late'ogue'.

Marcos 5:21

Co'na' liỹa pilta so Jesús, neetañigui aso qom lahi' huaxaỹaqse, chicqa'ta'gue da laseego añi latogot late'ogue', ca 'xoic na qomyipi novita yí'maq hueeta'ñi so'maxare. Ca so'maxare hua'e yi lqodoc yi huaxaỹaq.

Marcos 6:45

Ca co'na' ime dajo, ca' so Jesús ỹa'auaxane' saua lapaxaguinatqa, nerañigui nqai'ne' aso qom lahi' huaxaỹaqse, paquera'ta aso latogot late'ogue', taareta'gue yi na'a' Betsaida. Ca' so'maxare no'ueenañi, niquinta'pegue' so qomyipi.

Marcos 8:13

Ca' so Jesús ca'e so qomyipi, ca liỹa renojñigui aso qom lahi' huaxaỹaqse, ca taita'gue da laseego aso latogot late'ogue'.

Lucas 5:1

Ca 'uo' so na'xa'a so Jesús hueeto'ot yi tocot aso latogot late'ogue' hua'ñi yi Genesaret. Ca' ỹaatqajam 'xoic so qom novita, vire'ta npataxata', ma' so'maxare ỹahotaque quiyim na'xaỹaxana ca la'qaatec ñi qota'a.

Lucas 8:23

Ca co'na' ỹapaquesa'ta aso latogot, ca' so Jesús laqo'. Ca' chi re'laqataxanta aso latogot quiyim 'uo' so nonot quesaxanaxaic. Ca' vire'ta sham i'paxañigui aso lahite' quena huaxaỹaq, chaqai mashic sham iyinñi.

Lucas 8:33

Ca' sojo ne'ec lecmaxaiquipi ca'e so ỹale, ca' taugui so cooshipi. Ca' sá'ogue i'guinñigui, chicqo'tot so lemanaxa, taañigui aso latogot late'ogue', ca' homac.

Juan 6:1

Ca' co'na' ime dajo, ca' so Jesús taita'gue da laseego aso latogot late'ogue' quiyi Galilea, ca' chaqaso aso ỹovira'ta'gue yi na'a' Tiberias.

Hechos 27:2

Ca yinotaxaugui aso qom lahi' huaxaỹaqse chicqota'gue da ñigaxasom Adramitio, tai'a yi ñigaxasomipi quiyi Asia. Chaqai qai'neeta ỹalequetauguilo qomi' so Aristarco, na'ñi yi na'a' Tesalónica, huaugui yi 'laua Macedonia.