Lucas 8:18 - La'qaatqa ñi qota'olec Qota'olec & Qota'olec Novita Na Qomyipi

¹⁸ Vichiguiño' ỹaatqajam na'xaỹaxañita, ma' cá'maq 'ue ca hueeto'ot, ca qanoquigaxatec ca qoỹaanem; qam cá'maq qaica ca hueeto'ot, ca' qanouora'gue vire'ta cá'maq 'neetapigui lauel quiyim hueeto'ot.

Lucas 8:18 Iomraidhean Croise

Mateo 13:12

Ma' cá'maq 'ue ca hueeto'ot, ca qanoquigaxatec ca qoỹaanem, qaiyi ỹaatqajam qaica ca ỹouentaque. Qam cá'maq qaica ca hueeto'ot, ca vire'ta cá'maq cocho'qui' hueeto'ot qarouootaxana'gue.

Mateo 25:29

Ma' cá'maq 'ue aca hueeto'ot, ca' paguec aca qoỹaanem, ca' paguec ma'le acá'maq hueeto'ot. Qam cá'maq qaca aca hueeto'ot, ca 'eno'm cocho'lli' aca hueeto'ot, qam qaiyiita qarouootaxana'gue.

Marcos 13:14

So letaxaỹaxanqajnec ñi qota'a, leenaxat Daniel, na' ỹiriñi quiyim quecá'maq ỹo'uet cá'maq se qanqo'ta chaqai sogui nqai'en; ca ma' huañiỹa dajo qailla'ñi ca se loma'—ca cá'maq retaqalec najo, ca 'maxaraic quiyim ỹaatqajam ỹa'deenta—, ca ná'maq hueeta'ñi yi Judea i'guinshi'meguelo naua quemaralgoto ladocahi.

Lucas 19:26

Ca só'maq nashi 'naaco': “Aỹim shinapegalo qamiri quecá'maq 'ue ca hueeto'ot, ca' ca'maxare ỹapacauec nqohin ca qoỹaanem; ca cá'maq qaica ca hueeto'ot, vire'ta quiyim qarouootaxana'gue cá'maq qaica ca nishaaque hueeto'ot.

Lucas 9:44

—Ñaqai ỹaatqajam na'xaỹaxañii'ta dajo, chaqai se couahi'e quiyim najo ỹale llaalec qoỹaanougui ma'le na qomyipi, ca na'maxare ỹoiquentac ma'le.

Juan 15:2

Ñi'maxare ichaxauec acanchaqaca quená'maq ỹasotellipi no'm sqaca aca la, chaqai no'ueenaxategue chaqai co'taxat acá'maq lasote 'ue aca la, qaiyi paguec aca la.

Hechos 10:33

Ca vichiguiño' chaqa'ma' selaataxane quiyim qoyique qami'. Ca' nagui chalego la'maxa quiyim nanaqui'o'. Ca' nagui qomá'ogue seuqate'e najo reloqota'ñi ñi qota'olec. Ma' qomi' sahoqotaque quiyim ña'xaỹaxanaxa qami' quecá'maq ỹaanem qami' ñi'maxare quiyim 'qaataxañitema qomi'.

Hechos 17:11

Ca' sojo judioipi paguec 'xaỹaxanqachaqaiquipi, sqai 'nejem yi na'ñi yi Tesalónica. Ma' so qomyipi ỹaatqajam paguec nqo'ta na'xaỹaxana da na'qaatec. Vichiguiño' naua'que naua na'xata' qaỹa'ajanta'pe naua ñaua'pe nerecse' la'qaatqa ñi qota'a quiyim chaqaido' da qaỹa'xatetac.

Romanos 12:3

Ma' quedá'maq lqouagaxa ñi qota'a caỹim, ca yilarelec dajo ỹo'ueenataxanaxac, ca shinac dajo caqamiá'ogue quiyim qaica quet cá'maq ỹoiquentac quiyim napacqajan queca chi la'deenataxanaxac. Ta'ta'a quiyim quiñi 'óna ỹa'maxate'tegue ca la'deenataxanaxac quecá'maq laloqo' ca lpi'ỹaxac qoỹaanem quiñi qota'a.

1 Corintios 14:37

No'm 'ue ca pe'taxantaque quiyim mashic la'qaataxanqajnec ñi qota'a, loqo'm pe'taxantaque quiyim mashic icoñiguit so Espíritu Santo, ca 'maxaraic quiyim ỹa'deena'a dá'maq seretegueñi caqamiri, ma' da'maxare laqataxac so qara'gaxala' Jesús.

1 Corintios 3:18

Qam qaica ca nayinteguelta'. Quiyim 'ue ca ipeeta'a quiyim ỹa'den da llicyaxac da na'deenec huelecna, ca'maxare no'uen quiyim naconaque quiyim 'ec qaica ca ỹa'den, qaiyi ỹaatqajam llic 'ue ca ỹa'den.

1 Corintios 8:2

No'm 'ue ca pe'taxantaque quiyim 'ue ca ỹa'den, ca' saqa'leca ca ỹa'den quecá'maq 'neeta quet cá'maq ỹaatqajam la'deenaxanaxa.

Filipenses 3:4

'Eno'm ỹim qai'neeta 'ue quet cá'maq 'neeta quiyim spe'eetapegalo nauajo, ma' qaica quet cá'maq napacalec aỹim quiyim spe'eetapegalo naua'maxare.

Hebreos 2:1

Ca vichiguiño' qomi' ỹaatqajam paguec sa'maxatqa'tegue quet da qana'xaỹaxanaxac quedá'maq sa'xaiqachigui, qaiyi se qarelamqauec.