Lucas 8:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca' só'maq nanecse tajlec yi 'laua 'xoic na lalegue' qa', ca 'nejem ca qom quiyim na'xaỹaxantapega da na'qaatec, ca' 'ue da netoonaxac. Qam sqai 'chi'iñi caua lpa'yii da na'qaatec. Cocho'qui' huelec, qam quena' ỹovita ca ne'guenaxac, ca rashiiuec.

Lucas 8:13 Iomraidhean Croise

Job 19:28

na' sa'xaỹalo qamiri quiyim 'ñiỹac: “¿Negue' quet cá'maq 'neeta quiyim socanqatac quet? Ma' so lpa'a' dá'maq se no'uen chaqaiñi ñí'maq hueetagui.”

Isaías 58:2

Naua'que na'xata' idaantaque aỹim, ca ỹa'maqachigui lauel ma' ỹa'den da ñayicyaxac, 'ec ca qom ỹo'ueetetac ca ỹa'maqachiguiñi chaqai 'ec quiyim se napacalgoto naua ilaataxanaxaco; ỹahotaque quiyim saanem ca 'maxaraic ỹaqataxac chaqai 'ue da netoonaxac ma' sqoỹoqaque caỹim.

Oseas 6:4

Ca' ñi qara'gaxala' 'naac: ¿Nega'ỹo' ca shinta'gue qami' Efraín? ¿Nega'ỹo' ca shinta'gue qami' Judá? Dá'maq rqo'iichii caỹim, 'ec na neue' quiyi nete'eta, 'ec ana 'ỹa' quiyi na'xa'atac, ma' palac quiyi nete'etam.

Marcos 6:20

Ma' so Herodes ỹa'deenta quiyim so Juan ỹaatqajam 'maxaraic da llicyaxac, chaqai co'teeta, ca no'chaalec. Vichiguiño' sqai ỹaxanegue aso'maxare quiyim 'ue ca 'ne'tegue so Juan. So Herodes, 'eno'm sqailligueme' quiyim ỹaatqajam ỹa'yiinchigui da ỹa'xatetac so Juan, qam nqo'ta quiyim na'xaỹaxantapega.

Lucas 8:12

Qam aso nanecse tajlec na lahi so nayic, 'nejem ca qom quiyim na'xaỹaxantac. Qam anac so na'ỹaapec, ca rouootaxana'gue so na'qaatec hueetagui añi le'taxanata, ca sqai huelec nqai'en, qaiyi se nca'leuec.

Lucas 8:14

Ca' asó'maq nanecse tajlec yi 'laua 'xoic ana le, ca' 'nejem ca qom na'xaỹaxantapega da na'qaatec. Ime, ca' queetalec, qam shi'gom, ca qaỹapolec da na'qaatec sauaxat quiyim ỹapacqajnauec na hueetalec na 'laua, chaqai da nesallaxa, chaqai dá'maq lqo'itaxanqachic quená'ogue nanchaqaina se no'uen. Ca sqaica ca laỹaxac nqai'en da na'qaatec.

Juan 15:2

Ñi'maxare ichaxauec acanchaqaca quená'maq ỹasotellipi no'm sqaca aca la, chaqai no'ueenaxategue chaqai co'taxat acá'maq lasote 'ue aca la, qaiyi paguec aca la.

Juan 15:6

Ma' cá'maq se na'deetau'a ỹim, ca' qainaxauec, ca' ỹaso, 'nejem aná'maq lasote quena' qalapoon, ca' qaỹavigaxat queca norec.

Juan 5:35

So Juan na'le 'neetari' aca ncoỹeraxanaxaqui quena' ỹaviquetaugui ca coỹeraxan, ca' qamiri netooñita'gue da lauaq, qam sqoỹoxouec da netoonaxaguii.

1 Corintios 13:2

Chaqai no'm sa'xateta'pe naua la'qaatqa ñi qota'a, chaqai sa'den ná'ogue nanchaqaina se re'xogui, chaqai somata'ta' ná'ogue na na'deenaxanaxa, chaqai queda ipi'ỹaxac mashic ỹovita quiyim seshit ñqo'naxat aca ladocai quemaralec, qam quiyim qaica ca i'xorenataxanaxa, qaiyiita qaica ca shinegue.

1 Corintios 15:2

Chaqai chicqochigui dajo na'qaatec quiyim qanca'laxaterec qamiri, no'm quiijlgoto nauá'maq sa'xatema qamiri, chaqai no'm sqai 'ñiỹa'guesa' ca rpi'ỹaxaguii.

Gálatas 3:1

¡Aicuéra caqamiri Galacia lase', ỹaatqajam qaico' ca ra'deenataxanaxaguii! ¿Nega'ỹo' cá'maq ỹachi'iñi qamiri quiyim sqai viilec dá'maq na'qaatec ỹaatqajam lliqueta? Ma' quesó'maq 'avichiguiñi qara'qaataxanaxac ỹaatqajam sachaxanqa'tema qamiri so Jesucristo na' qaipateno queso qo'paq.

Gálatas 3:4

Ca ¿qaico' ca 'negue dá'maq 'em quiyim 'xoic da re'xoriguii? ¡Saxanchi' chaqaiyi quiyim 'ue quet ca 'negue caqamiri!

Efesios 3:17

qaiyi so Cristo hueetauguilo naua re'taxanatahi chicqochigui da rpi'ỹaxaguii, qaiyi ra'ñi'iñi qamiri na'yiitalec da ne'xorenataxanaxa,

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

Colosenses 2:7

'ec 'vii lpa'yii da nachaalataxaguii na'yiitalec so'maxare, chaqai queda rpi'ỹaxaguii 'ec no'xoñiitalec so'maxare. Ma' chaqaida dá'maq qaỹapaxaguinguelo qamiri na'le, ca' se neme 'ỹaañitacot da na'aachicyaxaguii ñi qota'a.

1 Tesalonicenses 3:5

Vichiguiño' ỹim, ma' mashic tot yalo'guit dajo, ca' sela' so Timoteo quiyim renataxanalo qamiri negue' ca 'neetari' ca rpi'ỹaxaguii, ma' mashic 'ue da itelaxa quiyim so na'ỹaapec ỹayine' qamiri queca se no'uen chaqai quiyim qaica ca ñigui nqai'en da qaro'ueenataxanaxac.

1 Timoteo 1:19

Ma' mashic 'ue na ilamqauec, ca'e da lpi'ỹaxac, ma' sqai quelec lauel dá'maq ỹa'maqachiguiñi la'deenataxanaxac.

Hebreos 10:39

Qam qomi' sqai shinqata ná'maq pilec, ca' qaỹopoxoỹaxachigui. Ta'ta'a quiyim shinqata ná'maq 'ue da lpi'ỹaxac, qaiyi qaỹa'maxatetac da qanachaalataxac.

Santiago 2:26

Ca' chaqai 'nejem na qaroshicmaxa quena' qaica na lacat, ca ileu, ca da npi'ỹaxac qai'neeta 'ec ileu quena' qaica ca re'oq ỹa'maqachiguiñi lo'ueenataxanaxac.

2 Pedro 2:20

Ma' ná'maq mashic iuana so qara'gaxala' chaqai qarca'laxaqui Jesucristo, ca' chaqaida ñiichigui quiyim qohitauec quena se no'uen quena 'laua, ime, ca no'm liỹa lepateta'piguita naua se no'viiñi, ca no'm liỹa ỹapacqajandauec que'ueque, ca' da no'ueenataxac ca'maxare paguec la'aaxa quecá'maq 'auaxaic.

2 Pedro 2:22

Qam ỹovita quiyim ipaquichigui só'maq na'qaatec quesaua'maxare: “Ca pioq pilac ỹa'ic ca lesalaxat, chaqai aca cos chita'gue qaiquiỹootac, lotqai pilac liỹa novinñigui ca nishaaxa.”

1 Juan 2:19

Saua'maxare inoxondec chicqotouguilo qomi', qam llic quiyim mesqai ỹaatqajam qariỹa'. Ma' quetqai ỹaatqajam qariỹa', ca' se noỹooterec quet coqomi'. Qam dajo 'neeta, qaiyi ỹaatqajam re'qoota quiyim ná'ogue mesqai qariỹaripi.

Judas 1:12

Ỹaatqajam nayiloxo lahite' quena' ỹalequesauguilo qamiri quenaua rqui'ỹaxagohi quena' nouañitagui na qanoxohi. Quena' raỹaacosalec da lqui'ỹaxague' chaqai da ne'taxague', qaica ca na'xairaque, se ỹa'maxata'que naua la'qaatqa. Chaqai na'maxare 'ec cá'maq na'gaxala' chi netelteguelta', qam 'nejem ca naueguelec sqai chicqaugui ca huaxaỹaq, chi qaỹaỹoxonaxateta quena nonot, chaqai 'ec aca qo'paq qaca aca la quiyim ỹovita ca laloqo', ỹaatqajam ỹasootam, ca' ỹovita qanaqat.