Lucas 7:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ma' aỹim se ra'ñiigui na iuel quiyim yipaca'a quiyim se'guena'a qami'. Vichiguiño' no'uen quiyim chaqaicaata ca ra'qaachiqui' 'ỹaañirec, ca' ñi ilaatec chaqa'ma' imeuec.

Lucas 7:7 Iomraidhean Croise

Salmos 107:20

nela' so la'qaatec, ca' ỹomatec; ¡ca' nca'laxatec queso nelauaxa!

Salmos 33:9

Ma' ñi'maxare na' retaqa, ca ná'ogue 'ue; chaqai na' ỹaanec da la'qaatec, ca ỹomat na lo'ueenatqaipi.

Marcos 1:27

Ca sá'ogue so qomyipi no'daxatec. Ca' chi nenatetecta': —¿Negue' cá'maq 'neeto' dajo? ¿Nega'ỹo' dá'maq dalaxaic napaxaguinataxanaxac? ¡Dajo ỹale 'ue da lquesaxanaxa quiyim ilarec vire'ta na ne'ec lecmaxaic, chaqai na'maxare na'xaỹaxane'ta da'maxare!

Lucas 4:36

Ca' sá'ogue so qomyipi ỹaatqajam 'ue da lqolonaxa. Ca retaqatecta', 'naac: —¿Nega'ỹo' dá'maq na'qaatec? ¡Ma' dá'maq ỹale ỹaatqajam 'ue da 'negue, chaqai 'ue da lquesaxanaxa da la'qaatec, ma' quena' ilarec na ne'ec lecmaxaic, ca na'maxare chaqa'ma' eec!

Lucas 5:13

Ca' so Jesús ipootau'a so'maxare, ca' 'naapega, 'naac: —Ajá'a, seshit. Nagui, ca' qami' remi'rec. Ca co'na' naauec da la'qaatec, ca' so nalolaxa ca'e na loshicmaxa so ralolaxaic.

Lucas 7:6

Ca' so Jesús nauequetecto saua'maxare. Qam co'na' mashic qaipalatau'a ca la'a' so nashi, ca' so'maxare ilate' saua nauochaxaua' quiyim 'nerapega so Jesús, 'nerac: —Qami' ỹa'gaxala', se ishit quiyim ỹapacauec ca rquelolaxa'e', ma' sa'deena'a quiyim ỹaatqajam sqa 'iichiguit quiyim noxoñirougui na iuo'.

Lucas 7:8

Ma' ỹim qai'neeta seueta'ñot da lelaataxanaxac na nashillipi, ca' ỹim qai'neeta 'ue na ñalliripi selaretac. Ca' quiyim 'ue ca shinapega ca 'óna quena'maxare quiyim eec, ca' eec. Chaqai no'm 'ue ca shinapega ca 'óna quena'maxare quiyim shinac: “naiquena”, ca' anac. Ca 'nejem quiyim 'ue ca selarelec ca ilaatec, ca' ỹo'uet.

1 Samuel 2:6

Ñi qara'gaxala' ishit rouootaxana'gue da chaalataxac chaqai ishit ỹa'ue; ñi'maxare ỹo'uet quiyim qareleu, chaqai ñi'maxare ishit quiyim qarca'laxatec.