Lucas 7:47 - La'qaatqa ñi qota'olec Qota'olec & Qota'olec Novita Na Qomyipi

⁴⁷ Ca' vichiguiño' nagui shiñirapegaxaua', cañi'maxare queda lodegaxat le'xorenataxanaxa chicqochigui quiyim 'xoic ca lasauaxaset qaỹapalaxat; ma' ca qom quiyim sqailligueme' ca lasauaxaset qaỹapalaxat, ca' chaqai 'nejem sqailligueme' re'oq ca le'xorenataxanaxa.

Lucas 7:47 Iomraidhean Croise

Isaías 1:18

Ñi qara'gaxala' 'naac: Nahiquena, ñaq setaxaỹaxagui dajo. 'Eno'm ca rasauaxashichii 'ec ca ỹaatqajam togaxaraic, qam ỹim lalagaxaic nqaishin, 'ec nqaishin ana loñi nacañi; chaqai 'eno'm 'ec aca lepate nqo'leguese quena naue' letogaxa, qam ỹim lalagaxaic nqaishin, 'ec na qagreta laue.

Ezequiel 16:63

Ca' qami' ma' 'yiiñira'a, ca' chalego ma'le ca rayiloxo'e' chaqai nemanachichi', ca' totqai huachirigui ma'le na qadapi' quiyim taxahi', ma' ỹim sapalaxat ná'ogue ná'maq se no'uen 'viichi'sac. Ỹim na'gaxala', se'taxajñi da ỹa'qaatec. (17.1-24 Qaraloqojnaxañigui aso 'uva lashi chaqai qaraloqojnaxañigui so o'ic.)

Mateo 10:37

Cá'maq ỹapacqajnauec ca lqo'iichi queca leta'a, loqo'm caca late'e caỹim, ca'maxare sqa taiguit quiyim ỹalamaxaret. Chaqai cá'maq ỹapacqajnauec ca lqo'iichi queca llaalec, loqo'm caca llaale caỹim, ca ca'maxare sqa taiguit quiyim ỹalamaxaret.

Lucas 7:39

Ca co'na' ỹauanchigui dajo so fariseo só'maq lalecsec so Jesús quiyim lqui'ỹaxaua, ca' ra'deenataxantac, 'naaco': “Ñijo ỹale quiyim ỹaatqajam llic la'qaataxanqajnec ñi qota'a, ca' ishit ỹa'den añi 'aalo ipooteta'pe naua lichil, ma' añi'maxare nanatqa lo'o'.”

Lucas 7:46

Chaqai sqai cochirigui na ỹaqahic quena coraxat, qam añi'maxare ỹocorelgoto naua ipiaate' queso coraxat lo'daxaraic lahita.

Lucas 7:48

Ime, ca 'naapega aso 'aalo, 'naaco': —Na rasauaxashichi' nagui ná'ogue mashic qaỹapalaxat.

Hechos 5:31

Qam ñi qota'olec ỹaueguegue da piguim, ca ỹana'gue da loic, chaqai ỹanagui quiyim nashi chaqai nca'laxaqui. Ma' ñi'maxare ỹahotaque ledaaqa' quiyim netacocha, ca ỹalate' naua lanatqa na Israel laseripi, qaiyi qaỹapalaxate' naua lasauaxasete'.

Romanos 5:20

Ma' na naqataxaquipi novi', qam paguec re'qoota nqai'en na nasauaxaseteripi. Qam co'na' nqo'neuec na nasauaxaset, ca' da lqouagaxa ñi qota'a pagueco' lecaic na'le.

2 Corintios 5:14

Da le'xorenataxanaxa so Cristo ỹaatqajam qarela', ma' ỹaatqajam sa'deenqata quiyim 'oonoqui' so ileualec ná'ogue na qomyipi, vichiguiño' ná'ogue na'maxare 'ec ileu.

Gálatas 5:6

Chaqai no'm ña'daqatau'a so Cristo Jesús, ca' qaica quet cá'maq 'negue ca qom quiyim 'ue ca netanec na loshicmaxa, loqo'm sqaica. Qam dá'maq paguec 'ue ca 'negue quiyim 'ue ca qarpi'ỹaxac, chaqai quiyim dajo qarpi'ỹaxac ỹo'uet quiyim ñi'xorenaqta'.

Efesios 6:24

Ca' ñi qota'a ỹaanem ma'le ca no'uen llicyaxac cá'maq nqo'ta so qara'gaxala' Jesucristo quiyim se ỹoỹoota'a cá'maq lqo'iichi queso'maxare. Ajá'a, ca' chaqaida 'neeta dajo.

Filipenses 1:9

Ca quena' ñqouagaxaintac, ca sashiilaxantac quen quiyim nqo'neuec dá'maq ne'xorenataxanaxa hueetauguilo qamiri quiyim 'xoic ca ra'deenaxanaxahi qaiyi ná'ogue 'yiiñii,

1 Timoteo 1:14

Vichiguiño' da lqouagaxa so qara'gaxala' ỹaatqajam 'xoic lecaic caỹim, chaqai liỹa da npi'ỹaxac chaqai da ne'xorenataxanaxa hueetauguilo qomi', ma' ña'daqatau'a so Cristo Jesús.

1 Juan 1:7

Qam no'm seuqataugui cá'maq re'qojlec, shinqatari' ñi qota'a ma' re'qojlec ca hueeta'ñi, ca hueeta'ñi, ca quiñi 'óna coqomi' ỹaatqajam na'deeta'guit ca liỹa, ca' saua leuo' so llaalec Jesucristo co'taxate' qomi' quená'ogue na qarasauaxaset.

1 Juan 3:18

Qamiri ỹaalqolqa, quedajo qare'xorenataxanaxa 'neeto' chi nodaachiriñi naua qara'qaatqa. Ta'ta'a quiyim ỹaatqajam 'chichiguiñi ne'xorenataxanaxa quiyim re'qoota nqaishinaq cá'maq so'ueetaq.

1 Juan 4:19

Qomi' se'xorenaq ñi qota'a, ma' ñi'maxare 'au qare'xoren.

1 Juan 5:3

Ma' dá'maq ne'xorenataxanaxa quiñi qota'a, chaqaida dá'maq quiyim qana'xaỹaxane'talo naua lelaataxanaxaco. Chaqai naua'maxare se qalachi.