Lucas 7:44 - La'qaatqa ñi qota'olec Qota'olec & Qota'olec Novita Na Qomyipi

⁴⁴ Ca' so Jesús ra'ỹo'ot aso 'aalo. Ime, ca' 'naapega so Simón, 'naaco': —¿Qami' peeta'a ra'iisa'a ñijo 'aalo? Cana' ñinoxonougui na qauochi', qam se nañaañi' ca huaxaỹaq lquiỹoqte' naua ichil. Qam añí'maq ñijo 'aalo quiỹo' naua ichil, quiỹoxonalo naua lachi', chaqai ỹashiviaqte', ỹahote'e na laue.

Lucas 7:44 Iomraidhean Croise

Génesis 18:4

No'm 'maxariñite', ca' sashiilaxanaque ca huaxaỹaq, qaiyi quiỹohi' naua qapiaachiri. Ime, ca' nco'machiuec quena la'al ada qo'paq.

Génesis 19:2

Ca 'naaco': —Qamiri ỹa'gaxalate', ñaq qouaguiic quiyim via'ñi quena pe yi la'a' na relaachiguii. Ca' quiyi ma'le, ca quiỹohi' naua qapiaachiri. Ca' nete'e ma' nete'etam, ca lotqai liỹa quii quecá'maq 'iỹa'gue. Qam saua'maxare 'neraco': —'E', yí, qana'aachic. Chi selaxasqo' quena nayic quena pe.

Génesis 43:24

Ime, ca sá'ogue ỹaueguec queca la'a' so José. Ỹa'ue ca huaxaỹaq, qaiyi quiỹo' naua lapiaate', chaqai ỹa'ue qai'neeta ca loq so 'ashinyipi.

2 Samuel 11:8

Ime, ca' qohinapega pile'oga ca la'a', ca' quiỹo' naua lapiaate'. Ca co'na' ime inoxonec so Urías queso 'imec lodegaxat, ca' so nashi ilarec so no'uen na'ic lachitaxanataxanaxat.

Lucas 7:38

Ca noỹentac quena lichil so Jesús, ca' quiỹota'pe, quiỹoxonalo naua lachi'. Ime, ca' ỹashiviaqte' naua lichil so'maxare, ỹahote'e na laue. Ca qo'goqota'pe chaqai ỹocorelgoto queso coraxat lo'daxaraic lahita.

Lucas 7:43

Ca' so Simón 'naaco': —Peeta'a só'maq ỹale só'maq ỹapaguec aca qaỹapalaxat. Ca' so Jesús 'naaco': —Ajá'a, llic da 'ñirac.

Juan 13:5

Co'na'le, ca ỹocorigui so quiỹoxoqui queso huaxaỹaq, ca' quiỹo' naua lapiaate' saua lapaxaguinatqa, ca ỹashiviaxate' naua lapiaate' queso shiviaqataxat nosaatetagui.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

Santiago 2:6

Qam qamiri viitaque na layiloxo na 'xoraiquipi. ¿Peeta'a mesqaino' na nesallaxanqaipi ná'maq ỹa'ue da re'xoriguii? ¿Mesqaino' ná'maq ỹahoglentau'alo qamiri na nashillipi?

1 Samuel 25:41

Ca' aso Abigail ỹa'chi'iñi naua le'cootal, ỹoviraxata'guit na latap na 'laua. Ca 'naaco': —Aỹim chaqaỹim lelaata ca David, qaica ca shinac quiyim squiỹo' naua lichil na lelaatqaipi quiyim chaqaica cá'maq David cá'maq 'naapiguiỹa'.