Lucas 7:42 - La'qaatqa ñi qota'olec Qota'olec & Qota'olec Novita Na Qomyipi

⁴² Ca' saua'maxare se ishite' ishiuetene' aso la'uale'. Ca' so na'ualaxanaxala' i'xorene' saua'maxare, ca' ỹapalaxat aso la'uale'. Ca' nagui, ca 'xachi', ¿nega'ỹo' ca quesaua'maxare paguec ca lqo'iichi?

Lucas 7:42 Iomraidhean Croise

Salmos 103:3

Chaqaiñi ñí'maq sqai caapeguem ná'ogue na se no'uen so'ueetetac, ñí'maq ỹomaterec naua'que naua i'neete',

Isaías 43:25

Qam ỹim, ma' ỹim qota'olec caqami', ca' sapalaxat na se no'uen 'viichi'sac, chaqai tot so'leente ná'ogue na rasauaxashichi'.

Mateo 18:27

Ca' so na'co' ỹaatqajam 'ue da le'xorenataxanaxa queso'maxare. Ca' ỹapalaxat sá'ogue aso la'uale so'maxare, ca' ỹaxanec.

Mateo 18:34

Ca' so a'co' ỹaatqajam ro'o. Ca' relaataxanlec quiyim qaỹa'ue ca nouaxanaxaset so'maxare, chi ỹovireta'a quiyim ỹomachigui sá'ogue aso la'uale so'maxare.

Mateo 6:12

Chaqai palaxachi' ca qarasauaxaset, chaqai 'nejme' qomi' sapalaxataq cá'maq se no'uen qohine'teguelo qomi'.

Lucas 7:43

Ca' so Simón 'naaco': —Peeta'a só'maq ỹale só'maq ỹapaguec aca qaỹapalaxat. Ca' so Jesús 'naaco': —Ajá'a, llic da 'ñirac.

Romanos 3:24

Qam quedá'maq lqouagaxa ñi qota'a, ca ỹo'uet quiyim qaicoñi'chiguit quiñi'maxare. Qaca aca laseuete nqai'en, ma' nca'laxatec, chicqochigui nqai'en so Cristo Jesús.

Romanos 5:6

Ma' na' se seshitaq quiyim chi ñca'laxatqalta', ca' so Cristo ileualec na hualoxonyipi, na' ỹovita ca laloqo' nqai'en ñi qota'olec.

Gálatas 3:10

Ná'maq illiitagui da lpi'ỹaxac ná'maq naqataxaquipi chicqo'ot so Moisés, na'maxare tai'a dá'maq chalego lecaic nouaxanaxaset. Ma' naua naneresañi la'qaatqa ñi qota'a 'nerecsa': “Ná'ogue ná'maq se ipacqajñigui ná'ogue ná'maq naneretalec aso lere naneraxalate na naqataxaquipi, ca na'maxare hueetalec na chalego lecaic nouaxanaxaset quiñi qota'a.”

Efesios 1:7

Quedá'maq chalego lecaic le'xorenataxanaxa, ca' ñi qota'a nca'laxaterec qomi', chicqochigui nqai'en da lelauaxa so llaalec, ca ỹapalaxate' caua qarasauaxasete'.

Efesios 4:32

Ta'ta'a quiyim qamiri 'xorenataxanaxaiqa chaqai huagaxaraqa. Ca' quiñi 'óna i'xoren ca liỹa quiyim 'ue ca lasauaxaset, 'nejem dá'maq 'ne'tegue na'le ñi qota'a na' i'xorene' qamiri chicqochigui nqai'en so Cristo.

Colosenses 3:13

Chaqai ỹaatqajam 'ue da reualaxaviguii queca riỹahi, chaqai sqai caapeguem no'm 'ue ca se no'uen qohine'tegue queca liỹa. Ca dá'maq 'ne'tegue so Cristo quiyim i'xorene' qamiri, ca' chaqaida 'ñii'tegue qamiri qai'neeta.