Lucas 7:39 - La'qaatqa ñi qota'olec Qota'olec & Qota'olec Novita Na Qomyipi

³⁹ Ca co'na' ỹauanchigui dajo so fariseo só'maq lalecsec so Jesús quiyim lqui'ỹaxaua, ca' ra'deenataxantac, 'naaco': “Ñijo ỹale quiyim ỹaatqajam llic la'qaataxanqajnec ñi qota'a, ca' ishit ỹa'den añi 'aalo ipooteta'pe naua lichil, ma' añi'maxare nanatqa lo'o'.”

Lucas 7:39 Iomraidhean Croise

2 Reyes 5:20

ca' so Giezi só'maq lelaatec só'maq qota'olec letaxaỹaxaqui 'ñiichiquio' lauel: —Ñi ña'co' ỹaxanetec quiyim pil so Naamán só'maq na'ñi yi Siria, qaica ca icoñiguit quesá'ogue só'maq nodoota so'maxare. Saanot ñi qara'gaxala' da ỹa'qaatec quiyim ỹim sco'uaategue so'maxare, ca nega'ỹo' cá'maq ñaqat queso'maxare quiyim nañaañim.

Proverbios 23:7

ma' 'ec ca qoue cañi noqosote: ca'maxare roỹaxañiraxaua' quiyim qui'i' chaqai ni'chi', qam chi ri'guiñi'sac;

Mateo 20:16

Ca' chaqaida 'neeta ma'le, quená'maq co'uaataxanta nagui, ca' 'aueta ma'le, chaqai ná'maq 'auaxaic nagui, ca' co'uaataxanta ma'le. Ma' 'xoic ná'maq noỹaxanaxat, qam sqo vito'olqai' cauá'maq nca'acse'.

Mateo 21:11

Ca' so qomyipi 'naaco': —Sojo só'maq Jesús só'maq letaxaỹaxanqajnec ñi qota'a, chicqa'gue da Nazaret huaugui yi 'laua Galilea.

Marcos 7:21

Ma' añí'maq le'taxanata ca qom, ñí'maq chicqa'ña ná'maq se no'uen na'deenataxanaxac, chaqai quiyim nocachite'e' aca se loua, chaqai na dequenaxac, chaqai na nalauataxanaxac,

Lucas 12:17

Ca' so nesallaxanec ra'deenataxantac, 'naaco': “¿Nega'ỹo' ca shi'ntegue nagui? Ma' ỹim qaica ca sella'gue quiyim sa'maxat ma' ñaqat ana la na ỹanecsec.”

Lucas 15:2

Ca' quedajo, so fariseoipi chaqai ná'maq rapaxaguinataxanta'pegue na naqataxaquipi, queeteguelec se no'uen na ỹa'xatetac queso'maxare, 'naaco': —Dajo ỹale ỹacoñi'chiguit na sauaqhuaiquipi, chaqai lqui'ỹaxauaripi na'maxare.

Lucas 16:3

Ca' sojo neloxoỹaq queso na'a' ra'deenataxantac, 'naaco': “¿Negue' ca shinto' nagui, ma' ñi ña'co' tot ỹa'ue ca ỹo'ueenatec? Ma' ỹim qaica ca iquesaxanaxa quiyim so'ueenataxan quena 'laua. Chaqai 'xoic da ipocoxo quiyim saỹaata da ỹashiilaxanaxac.

Lucas 18:4

Qam sojo ỹale ỹaatqajam 'vio' saua na'xata' quiyim se na'xaỹaxana aso'maxare. Qam co'na' shi'gom, ca so'maxare ra'deenataxantaco', ca 'naaco': “Aỹim 'eno' sqaica ca sauaaque ñi qota'a chaqai ná'ogue na qomyipi.

Lucas 3:8

Ỹaatqajam na'maxachito' ma'le, qaiyi re'oq quiyim ỹaatqajam lachii' naua no'ueenataxagohi, chaqai sqai hueetapiguilo qavilyi quiyim 'ñiỹac: “Qomi' chaqaiqomi' llaalqa so Abraham”. Vichiguiño' shinapegalo qamiri nagui quiyim ñi qota'olec ishit quiyim ỹachigoxotaugui najo qa' ca llaalqaipi so Abraham.

Lucas 7:16

Ca co'na' qaỹauanchigui dajo, ca sá'ogue so qomyipi ỹaatqajam 'uo' da lqolonaxa. Ca imaqachintac ñi qota'a, 'naaco': —'Uo' so chalego lecaic so la'qaataxanqajnec ñi qota'a chicqochiguinguilo qomi'. Chaqai qohine'tegueyi da na'qaatec: —Ñi qota'olec novi', ỹahotaque quiyim ỹotauan ná'maq lalamqateripi.

Lucas 7:37

Ca 'uo' aso 'aalo qaỹa'deenta nanatqa lo'o' na'ñi yi na'a'. Ca co'na' 'ue ca la'xaỹaxac queso Jesús neeta'ñi yi la'a' so fariseo quiyim lqui'ỹaaqa', ca aso'maxare eec, ỹachita aso no'ueenata qa' leenaxat alabastro, no'qaatagui queso coraxat.

Lucas 7:38

Ca noỹentac quena lichil so Jesús, ca' quiỹota'pe, quiỹoxonalo naua lachi'. Ime, ca' ỹashiviaqte' naua lichil so'maxare, ỹahote'e na laue. Ca qo'goqota'pe chaqai ỹocorelgoto queso coraxat lo'daxaraic lahita.

Lucas 7:40

Ca' so Jesús 'naapego' so fariseo, 'naaco': —Shimoñi', 'uo' da shim sa'xatem qami'. Ca' so fariseo 'naaco': —Ajá'a, 'xachi', qami' napaxaguinataxanaq.

Juan 4:19

Ca co'na' 'xaỹa dajo aso 'aalo, ca 'naaco': —Qami' ỹa'gaxala', re'oq nqaishin quiyim ỹaatqajam llic qami' la'qaataxanqajnec ñi qota'a.

Juan 7:12

Ca' quesó'maq qomyipi 'xoico' só'maq retaqatapigui so'maxare. 'Uo' quen na 'naac: “Ỹaatqajam huagaxaraic ỹale.” Qam 'uo' quen na 'naac: “Sqai huagaxaraic, ma' ỹayintac na qom.”

Juan 9:24

Ca so judioipi lotqai liỹa roỹaxane'oga so ỹale qai'laqo' na'le, ca qohinaco': —Ñaqai 'qaataxañitalo qomi' quecá'maq lliqueta, nagui ỹauanchiguilo qomi' ñi qota'olec; ma' qomi' sa'deenqata quiyim sojo ỹale sauaqhuaic.