Lucas 7:38 - La'qaatqa ñi qota'olec Qota'olec & Qota'olec Novita Na Qomyipi

³⁸ Ca noỹentac quena lichil so Jesús, ca' quiỹota'pe, quiỹoxonalo naua lachi'. Ime, ca' ỹashiviaqte' naua lichil so'maxare, ỹahote'e na laue. Ca qo'goqota'pe chaqai ỹocorelgoto queso coraxat lo'daxaraic lahita.

Lucas 7:38 Iomraidhean Croise

Génesis 18:4

No'm 'maxariñite', ca' sashiilaxanaque ca huaxaỹaq, qaiyi quiỹohi' naua qapiaachiri. Ime, ca' nco'machiuec quena la'al ada qo'paq.

Esdras 10:1

Ca' so Esdras co'na' ñaq nqouagaxaintac, ỹaatqajam noỹenta'ueguelo naua la'qaatqa, ỹa'deesañi naua le'cootal cañi lo'ueenaxanaxaqui ñi qota'olec, ca' qoyicpegue' queso llaalqaipi so Israel, ỹalliripi, 'aallipi chaqai ñaaqaipioqui', ỹaatqajam chalego noỹenaxac lapoỹau'a so'maxare.

Salmos 51:17

Aca nachitaxanataxanqate quiñi qota'olec chaqaica ca na'deenataxanaxac 'xoic da nqui'ic; ¡qami' qota'olec se liỹoqoira'piguit aca ne'taxanata neneequesenta!

Eclesiastés 9:8

Se neme ñi'segueñi na nooỹac lalagaxaic, chaqai vite ca lishilaxat na rqahiqui'.

Cantares 1:3

lo'daxaqui'chiguit da lahita na nocoraxachi', da qadeenaxachi' coraxat corauec lo'daxaraic lahita. ¡Vichiguiño' qanqo'ta qami' quena 'aallipi!

Isaías 61:3

ca' 'ue ca saanem na noỹentagui quiyi Sión: da lachicoxo ñigui nqaishin da netoonaxac, da oỹenaxac ñigui nqaishin da naỹaac, da lachitachic ñigui nqaishin da no'ueenaxanaxac. Na'maxare 'neetari' ana qo'paq lanecse ñi qara'gaxala' qota'olec, ma' ỹahotaque ỹachaxan da lquesaxanaxa.

Jeremías 31:9

Naqueta nqouagaxainta'guit chaqai noỹenta'guit. Ỹim sauega yi huaxaỹaq ne'paxantashiguim, queso nayic nalo'ojta', ca' qaica ca repoxolaxan. Ma' ỹim leta'a so Israel, chaqai so Efraín só'maq ỹi ỹaalec.

Joel 2:12

Qam nagui ỹim na'gaxala' se'taxajñi da ỹa'qaatec, shinac: Rapilliu'a aỹim cañá'ogue añi re'taxanatahi. ¡Nqopaaqachichii, raualaxahi chaqai noỹiñii!

Mateo 5:4

Ỹaatqajam chalego la'maxa ma'le cá'maq 'ue ca lachicoxo, ma' ñi qota'olec ỹa'maxagui lauel nqai'en ca'maxare.

Lucas 22:62

Ca' quiyi, ca inoxonec so Pedro, ca' ỹaatqajam 'xoic da noỹenaxac.

Lucas 6:21

Chaqai qai'neeta ra'maxaichiguiñi qamiri ma' viitaugui nagui quiyim rqopachii, ma' ỹaatqajam 'ue ma'le ca rquemaraxahi. Chaqai qai'neeta ra'maxaichiguiñi qamiri ma' noỹeñitagui nagui, ma' ỹaatqajam 'ue ma'le ca raỹalliguiriguii.

Lucas 7:37

Ca 'uo' aso 'aalo qaỹa'deenta nanatqa lo'o' na'ñi yi na'a'. Ca co'na' 'ue ca la'xaỹaxac queso Jesús neeta'ñi yi la'a' so fariseo quiyim lqui'ỹaaqa', ca aso'maxare eec, ỹachita aso no'ueenata qa' leenaxat alabastro, no'qaatagui queso coraxat.

Lucas 7:39

Ca co'na' ỹauanchigui dajo so fariseo só'maq lalecsec so Jesús quiyim lqui'ỹaxaua, ca' ra'deenataxantac, 'naaco': “Ñijo ỹale quiyim ỹaatqajam llic la'qaataxanqajnec ñi qota'a, ca' ishit ỹa'den añi 'aalo ipooteta'pe naua lichil, ma' añi'maxare nanatqa lo'o'.”

Juan 11:2

Ca' aso María lqaỹo' so Lázaro só'maq ralolaxaic, chaqaso' asó'maq ỹocorelgoto' na'le naua lapiaate' so Jesús queso coraxat lo'daxaraic lahita, ca rashiviaqataxana na laue.

Santiago 4:9

Ỹaatqajam chigoita, chaqai nohiñii chaqai naualaxaiñii. Sqa ỹalliguiritac, ta'ta'a quiyim niñitesañi naua rachiri. Chaqai sqai huaguichiguiñi, ta'ta'a quiyim chigoita.