Lucas 7:34 - La'qaatqa ñi qota'olec Qota'olec & Qota'olec Novita Na Qomyipi

³⁴ Ime, ca' novi' najo ỹale llaalec ma' ỹa'queetac na na'ic chaqai ne'teetac, ca' qamiri 'ñiỹac quiyim quemaraxauaic chaqai ne'taaxai chaqai nauochaxaua na sauaqhuaiquipi chaqai ná'maq ỹacona'piguit ana nishiuete ñi nashi quiyi Roma.

Lucas 7:34 Iomraidhean Croise

Mateo 11:19

Ime, ca' novi' najo ỹale llaalec. Na'maxare que'e chaqai ne'et. Ca' qamiri 'ñiỹac quemaraxauaic chaqai ne'taaxai, nauochaxaua na sauaqhuaiquipi chaqai ná'maq ỹacona'piguit ana nishiuete ca nashi quiyi Roma. Qam dá'maq la'deenaxanaxa ñi qota'a re'oq dá'maq ñigui.

Mateo 5:46

Ma' no'm qamiri 'xoriñii ná'maq re'xoriñitac, ¿nega'ỹo' cá'maq raviguiguii coñiguit ma'le quedajo? Ma' ná'maq ỹacona'piguit ana nishiuete so nashi quiyi Roma qai'neeta 'ne'tegue dajo.

Mateo 9:11

Qam na ỹalequetaugui na fariseoipi, co'na' iuane'ta dajo, ca inate' saua Jesús lapaxaguinatqa, 'neracsa': —¿Chi'negue ñí'maq ỹapaxaguinta'pe qamiri ishit lqui'ỹaxaua ná'maq ỹacona'piguit ana nishiuete ca nashi chaqai na sauaqhuaiquipi?

Lucas 11:37

Ca co'na' ỹomat da letaxaỹaxac so Jesús, ca 'uo' so fariseo ỹauec so'maxare quiyim lqui'ỹaxaua queca la'a'. Ca' so Jesús inoxono, ca nqa'xanñi, reloqojlec ca nqui'ỹaxala'.

Lucas 14:1

Ca 'uo' so na'xa'a co'mataxaqui, ca' so Jesús quepegue' quiyim lqui'ỹaaqa' yi la'a' so lashi na fariseoipi. Ca' so liỹaripi fariseoipi chi rauaanaxantac, ra'iitapegueu'a so'maxare.

Lucas 15:2

Ca' quedajo, so fariseoipi chaqai ná'maq rapaxaguinataxanta'pegue na naqataxaquipi, queeteguelec se no'uen na ỹa'xatetac queso'maxare, 'naaco': —Dajo ỹale ỹacoñi'chiguit na sauaqhuaiquipi, chaqai lqui'ỹaxauaripi na'maxare.

Lucas 19:7

Ca co'na' qaỹauanchigui dajo, ca chaqa'ma' 'ue na qaỹa'xat, qohinaco': “So Jesús quepegue' yi la'a' so sauaqhuaic.”

Lucas 5:29

Ime, ca' ỹo'uet so lqui'ỹaxac lodegaxat, illa'ñi yi la'a', lqui'ỹaxaua so Jesús. Ca' ỹaatqajam 'xoico' so ỹalequetaho quesó'maq ỹacona'piguit ana nishiuete so nashi quiyi Roma, chaqai 'xoic ná'maq liỹaripi nqa'xantañi, reloqotalec so nqui'ỹaxala'.

Lucas 7:33

Ma' novi'o' so nachilaxanataxanaq Juan ma' se ỹa'ic ca pan chaqai se ni'chigui ca lataxa, qam qamiri 'ñiỹac queso'maxare 'ue ca le'ec lecmaxaic.

Lucas 7:35

Qam da la'deenaxanaxa ñi qota'olec re'oq nqai'en cá'maq 'deenaxanqachaqaiquipi.

Lucas 7:36

Ca 'uo' so 'oonoqui' queso fariseoipi ỹal so Jesús quiyim lqui'ỹaxaua. Ca' so Jesús eec, quepegue' ca la'a' so'maxare. Ca co'na' ỹoviro, ca' nqa'xanñi, reloqotalec yi nqui'ỹaxala'.

Juan 12:2

Ca' qaỹo'uet so na'ic qaique'eelec so Jesús, ca aso Marta imeentapeguec so na'ic. Ca' so Lázaro ỹalequetaho, reloqotalec so nqui'ỹaxala', lqui'ỹaxaua so Jesús.

Juan 2:2

Ca' so Jesús chaqai saua lapaxaguinatqa qai'neeta qoỹale' quiyim ỹalequesaho queso shilaq.