Lucas 7:27 - La'qaatqa ñi qota'olec Qota'olec & Qota'olec Novita Na Qomyipi

²⁷ So Juan chaqaiso so qaỹa'xat quenaua nerecse' la'qaatqa ñi qota'a co'na' 'naac: Sela' ma'le ca ỹa'qaataxanqajnec quiyim sa'auaxanta'gue da 'i'sa'gue, qaiyi ỹa'maxatetañi ca nayiqui'.

Lucas 7:27 Iomraidhean Croise

Isaías 40:3

Qara'xaỹaque so naualaxac, 'naac: 'Maxachiñi ca nayic ñi qara'gaxala' quena 'laua qaica qom, lamaxachita ca llic ñi qota'olec coqomi' quiyi 'laua rashivijlec.

Malaquías 3:1

Ñi qara'gaxala' sqaica lqalanec 'naac: Ỹim sela' ma'le ca ilaatec quiyim ỹa'maxajñi ca ñayicyaxac. Ñí'maq na'gaxala', ñí'maq daañitaque, ñi'maxare nquipitaugui inoxonougui ma'le ñi lo'ueenaxanaxaqui. Chaqai mashic novi' ná'maq ỹa'xateta'guit ca 'deenaxac ná'maq repaguitaque qamiri!

Mateo 11:10

Ma' so Juan chaqaiso só'maq ỹa'xateta'guit na'le naua naneresañi la'qaatqa ñi qota'olec, 'neracsa': Ỹim sela' saqatqajanta'gue da 'i'sa'gue ca ỹa'qaataxanqajnec, qaiyi ỹa'maxatetañi ca nayiqui'.

Marcos 1:2

So la'qaataxanqajnec ñi qota'a leenaxat Isaías, shi'co' 'ue da ỹiriñi, 'neetasa': Aỹim qota'a sela' ma'le ca ỹa'qaataxanqajnec, sa'auaxanta'gue da 'iisa'gue, qaiyi ỹa'maxatetañi ca nayicyaxaqui'.

Lucas 1:76

Qam qami' ỹaalcolec, qaỹamata'gue ma'le quiyim qami' letaxaỹaxanqajnec ñí'maq qota'olec ma' sqaica nqai 'nejem da lquesaxanaxa, ma' qaỹaqatqajanta'gue qami' ma'le ca llic ñi qara'gaxala' qaiyi ỹa'maqatañi ca llicyaxac,

Lucas 7:26

Chaqai ¿nega'ỹo' só'maq 'ajnaxañitapegueu'a? ¿La'qaataxanqajanco' ñi qota'a so'maxare? Ajá'a, ỹaatqajam llic, chaqai ỹaatqajam napacalec cá'maq la'qaataxanqajnec ñi qota'a.

Lucas 7:28

Qamiri shiñiỹapegaxaua', quená'ogue na qomyipi qaica ca 'nejem lecaic la'qaataxanqajnec ñi qota'a queso Juan só'maq nachilaxanataxanaq. Qam ná'maq ỹapaguec cocho'qui' queda lo'ueenataxanaxac ñi qota'a, paguec lecaic queso'maxare.

Juan 1:23

Ca' so Juan 'naaco': —Aỹim ná'maq ỹim lavillaxac ca ỹaualaq, 'maqateguelec yi 'laua qaica qom, qam da laualaxac 'neetasa': “Huachigue lamaxachita ca nayic, llic ma'le ca qara'gaxala'” —ca' chaqaida dá'maq 'naaco' na'le so la'qaataxanqajnec ñi qota'a leenaxat Isaías.