Lucas 7:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Chaqai ¿nega'ỹo' só'maq 'ajnaxañitapegueu'a? ¿Peeta'a ỹaatqajam lo'yaxanqa naua loho só'maq sojo ỹale? Qamiri 'yiiñii queca qom chaqaidaata da no'ueetaxac, chaqai queetalec da chi no'ueenataxac, ca chaqaina na sqai ỹaxanac na la'a' na nashillipi.

Lucas 7:25 Iomraidhean Croise

2 Samuel 19:35

Ma' mashic sovite' yaua ochenta ñaxari. Vichiguiño' ỹaatqajam tot sa'den ca lo'daxa quiyim 'ue ca sa'ic, loqo'm quiyim 'ue ca ñi'chigui, ca' vichiguiño' se sa'den quiyim lo'daxaraic loqo'm se no'uen, chaqai tot ishit quiyim sa'xaỹa ca lo'ueenec na 'ueenaxanaxaiquipi ỹalliripi chaqai na 'aallipi. Ca' ¿chi'negue queta' remi'relec aỹim cochi'sapiguiỹa', qami' ỹashi?

1 Reyes 10:5

chaqai ná'maq loyac na loq, chaqai naua la'aate' so lotauaripi, chaqai da na'maqataxac chaqai da no'ueetaxac na lelaatqaipi, chaqai ná'maq ne'taxaqui lo'ollipi, chaqai na lachitaxanataxanqateripi ỹaantapego caso no'ueenaxanaxaqui, ca' aso'maxare ỹaatqajam 'xoic da le'laxa.

2 Reyes 1:8

Ca saua'maxare 'neraco': —So ỹale isecỹac loshicmaxa saua loho, chaqai loshicmaxa so nosaataxaqui. Ca' so nashi ỹaualaq, ca 'naaco': —¡Chaqaica ca Elías cá'maq na'ñi yi Tisbe!

Ester 1:11

quiyim qaỹavigui'ñi yi reloqota'ñi aso nashi Vasti, ỹantañi nqohin aso nashi nado'o, qaiyi so qomyipi chaqai só'maq liỹa nashillipi ỹa'ajan dá'maq loyac aso nashi, ma' ỹaatqajam lo'yaxana aso'maxare.

Ester 1:3

Ca' quesaua tres ñaxari quiyim nashi so Asuero, ca' ỹo'uet so nemaqachic lodegaxat que'e, lqui'ỹaxaua só'maq lotauaripi nashillipi, chaqai so nouaataxanaq lashillipi na'ñi yi Persia chaqai yi Media, chaqai na na'gaxalateripi chaqai na nashillipi quenaua liỹa' 'lauari.

Ester 4:2

Ca chi ỹovireto'o' ñi lasom ñi 'imec lodegaxat lauo' so nashi, qam se inoxono, ma' se qaỹa'maxaren quiyim inoxono ca qom ỹansañi saua noho ỹansañi so'maxare.

Ester 5:1

Ca co'na' ỹovirerec saua tres na'xata', ca aso Ester ỹañiñi saua loho nashi loho, ca eec inoxonou'a yi nasoxoc so nashi. Ca co'na' ỹovira'a, ca' hua'e quiyi naloote'oga yi nqa'xanqa' so'maxare ma' naloote'oga so lasom.

Ester 8:15

Ca' so Mardoqueo co'na' nenoxonec quiñi 'imec lodegaxat, ỹantañi aso nashi lapooto icolaq chaqai lalagaxai, chaqai ỹantañi aso nashi nado'o 'oro chaqai so nepo' lino naueralec da letogaxa. Ca yá'ogue yi na'a' lodegaxat Susa ỹaualqatagui queda netoonaxac.

Isaías 59:17

No'viichigui da lauegaxanaxac 'ec nqai'en aca lachiima lquepaqataxanqate, ỹañigui na lqahic 'ec nado'o nqai'en da nca'laxa, no'viichigui da quiyim ỹa'ue lovi' 'ec ca napoxoqui, ca lepachigui da lonogoxonaxac 'ec nqai'en ca lapo'.

Mateo 11:8

Ca ¿negue' só'maq 'ajnaxañiu'ga? ¿Peeta'a ỹaatqajam lo'yaxanqa saua loho so ỹale? Qamiri 'yiiñii quiyim ná'maq lo'yaxanqa naua loho ỹañiñi, na'maxare neeta'ñi na la'a' na nashillipi.

Mateo 3:4

Saua loho so Juan no'ueenataxat na nauaanaxanaxa late'e laue, chaqai loshicmaxa so nosaataxaqui, chaqai loqo ana piñai chaqai na rapic li'i quena 'oochi.

Mateo 6:29

Ca' shinapegalo qamiri quiyim vire'ta so nashi Salomón quená'ogue ná'maq chalego loyac no'ueetaxat, qam se nalo'guit da no'ueetaxac nqohin ana'maxare.

Lucas 16:19

'Uo' so ỹale ỹaatqajam nesallaxanec, so'maxare ỹansegueñi naua paguec loyaague' noho, chaqai qaica 'nejme'. Ca' so'maxare ỹo'ueetetac quenaua'que naua na'xata' ca lodegaxat lqui'ỹaxac.

Lucas 7:24

Ca co'na' mashic que' saua lelaatqa so Juan, ca so Jesús ỹa'xatetac so Juan, ra'qaataxantapeguem so qomyipi, 'naaco': —¿Nega'ỹo' só'maq 'ajnaxañitapegueu'a qamiri quiyi 'laua qaica qom? ¿Aca noqola late'e ỹayoctetac na nonot?

Lucas 7:26

Chaqai ¿nega'ỹo' só'maq 'ajnaxañitapegueu'a? ¿La'qaataxanqajanco' ñi qota'a so'maxare? Ajá'a, ỹaatqajam llic, chaqai ỹaatqajam napacalec cá'maq la'qaataxanqajnec ñi qota'a.