Lucas 7:2 - La'qaatqa ñi qota'olec Qota'olec & Qota'olec Novita Na Qomyipi

² Ca' hua'ñi yi'maxare, ca 'uo' so nouaataxanaq lashi le'ec yi Roma. So'maxare 'uo' so lelaatec ỹaatqajam lauochaxat, qam so'maxare ralolaxaic, chaqai mashic ileuetac.

Lucas 7:2 Iomraidhean Croise

Génesis 24:27

'Naaco' so'maxare: —¡Ỹaatqajam qaimaqachin ma'le ñi qara'gaxala', ñí'maq qota'olec quiñi ña'co' Abraham! Ma' se napacalec ca la'qaatec chaqai ỹaatqajam lqouagaxat ñi ña'co'. Ca yachaxanchi'nquio' na nayic natenta'a na la'a' na lauo' laseripi ñi ña'co'.

Génesis 35:8

Chaqai qai'neeta hua'ño' yi na'le na' ileu aso Débora; sojo 'aalo reloqoto'o' quen na'le aso Rebeca. Ca' qaishiñi'ñoto' na'le aca qo'paq leenaxat encina quiyi sqoỹoqaque yi Betel. Ca' so Jacob ỹanco' leenaxat yijo 'laua Ada encina hua'ñi yi oỹenqa'.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Lucas 23:47

Ca' co'na' iuanchigui dajo so lashi so nouaataxanaq, ca' imaqachin ñi qota'olec, 'naaco': —Ỹaatqajam llic ñijo ỹale qaica ca lasauaxaset.

Lucas 7:1

Ca' so Jesús co'na' ỹomat ỹa'xatem dajo so qomyipi, ca' eec, quepegue' yi Capernaum.

Lucas 7:3

Sojo lashi na nouaataxanaq co'na' 'xaiguelec so Jesús, ca ỹo'ueete' saua ilate' quená'maq qo'xoiquipi quena judioipi, quiyim ne'xoresene'tot so Jesús quiyim nanac, ca' ỹomatec so lelaatec.

Lucas 8:42

Ma' so'maxare 'uo' aso 'oono'lli' llaale. Aso'maxare mashic ỹovite' doce ñaxari, chaqai aso'maxare mashic ileuetac. Ca co'na' eec so Jesús, ca ỹaatqajam 'xoic na coỹaretaho, ca vire'ta quiyim qanpataxagui.

Hechos 10:1

'Uo' so ỹale leenaxat Cornelio na'ñi yi Cesarea. So'maxare nouaataxanaq lashi, reloqota'a so cien nouaataxanaq qaỹamata'gue Italia laseripi.

Hechos 10:7

Ca co'na' eec so qota'a lelaatec retaqata'pegue', ca' so Cornelio roỹaxanalo saua dos lelaatqa chaqai so nouaataxanaq le'ec. Sojo ỹale mashic shi'gom icoñiguit da na'qaatec chaqai npe'eet ma' qamaxaraic.

Hechos 22:26

Ca co'na' 'xaỹa dajo so lotaua so nouaataxanaq lashi, ca quepegue' so lashi, ca 'naaco': —Rovichirari'o' queda sham 'viichi', ma' ñijo ỹale romano le'ec.

Hechos 23:17

Ca co'na' ỹa'den dajo so Pablo, ca roỹaxana so lotaua so nouaataxanaq lashi, ca 'naaco': —Viquira'a ca nouaataxanaq lashi najo ne'nec, ma' 'ue da la'qaataxanaxac.

Hechos 27:1

Ca co'na' ỹovita ca laloqo' qailateguelo qomi' da Italia, ca so Pablo chaqai so liỹa ncoñiitecseripi qoỹaanem so nouaataxanaq lashi, leenaxat Julio. Sojo leloxoiqatecsec sá'ogue so nouaataxanaq só'maq qoỹanegue leenaxat nalliripi so Augusto.

Hechos 27:3

Ca queso liỹa nete'e, ca sovitaxa yi ñigaxasom leenaxat Sidón. Ca' hua'ñi, ca' so Julio huaguiguit so Pablo. Vichiguiño' qaỹasene'tem so Pablo quiyim quepegue' so leuanatqaipi chaqai quiyim qaiquelolliguit quesaua'maxare.

Hechos 27:43

Qam so lashi so nouaataxanaq, ma' ỹahotaque quiyim nca'leetauec so Pablo, ca se ỹa'maxaren quiyim qohine'tegue dajo. Ta'ta'a quiyim chinlataxan quiyim cá'maq ỹa'den lo'xonaxac, ca 'au taañigui yi huaxaỹaq, 'au ỹo'xonta'ta'a yi 'laua,

Colosenses 3:22

Chaqai qamiri ma' qamiri nelaatqaipi, ỹaatqajam na'xaỹaxañii'ta quecanchaqai 'naac ca na'coori quenajo 'laua. Mesqaidaata quiyim ỹa'ajanta'pe qamiri, ca' raqamaxaita, ma' viitaque nqo'talo qamiri. Ta'ta'a quiyim raqamaxaita, richilliỹañi quiñi qota'a.