Lucas 7:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Ca' so Jesús noquiiga'a so'maxare, ca ipootau'a aso lahi'. Ca' sauá'maq ỹodorec so leuaxaic, ca huere'e. Ca so Jesús 'naapega so leuaxaic, 'naac: —Qami' ne'necolec, shinapega qami': ¡Ne'laxachirishiguim!

Lucas 7:14 Iomraidhean Croise

1 Reyes 17:21

Ca' so'maxare chaqa'ma' tres nqa'paxanegue so noctoqui', ca' ỹaatqajam netenegue da laualaxac quiyim ỹaualqot ñi qara'gaxala': —Qami' ỹa'gaxala' qota'olec, ¡ñi'xoresene'tot qami', sashiila'e' quiyim rapilaxachi' ca nachaalataxac najo noctoqui'!

1 Reyes 17:22

Ca' ñi qara'gaxala' na'xaỹaxana da ne'xoresenaxac so Elías, ca chaqaida 'neeta, ca chicqochigui quiyim liỹa nca'leuec so noctoqui'.

Job 14:12

qam quiyim ñaqa 'ue na piguim, qaica ma' 'ue quet ca qom liỹa quet quiyim ne'laxashiguim caca napal lahi', se nelouec queca lelaxac.

Job 14:14

Ca no'm ileu ca qom, ¿peeta'a liỹo' nca'leuec? Ca' ỹim sauaanaxantac queta'le quenaua'que naua na'xata', vire'ta queta' novi' ca lachiguimqa' naua i'xoyaxaco.

Salmos 33:9

Ma' ñi'maxare na' retaqa, ca ná'ogue 'ue; chaqai na' ỹaanec da la'qaatec, ca ỹomat na lo'ueenatqaipi.

Marcos 5:41

Ca' ỹacona na lqai'laxat, ca 'naaco': —Talita, cumi —ca' da leloxoỹaxac dajo na'qaatec 'neetasa': Nocto'lli', shinapega qami', ne'laxachirishiguim.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Lucas 7:15

Ca' só'maq leuaxaic ne'laxashiguim, ca nqa'xanñi, ca retaqa. Ime, ca' so Jesús ỹaanem aso late'e.

Lucas 7:17

Ca' sá'ogue qaỹa'den da ỹo'uet so Jesús quenaua'que naua lahil yi 'laua Judea.

Juan 11:25

Ca' so Jesús 'naaco' caso'maxare: —Chaqaỹim ná'maq ñca'laxatec na leuaxaiquipi, chaqai chaqaỹim ná'maq ỹim nca'laxa. Cá'maq huelec aỹim, 'eno'm ileu, qam nca'leuec.

Juan 5:21

Ma' quiyim ñí'maq leta'a ishit quiyim liỹa nca'leuec nqai'en cá'maq mashic ileu ỹaanem da lca'laxa, ca qai'neeta ná'maq llaalec ỹaanem da lca'laxa cá'maq nqo'ta.

Juan 5:25

Ỹaatqajam lliqueta dá'maq shinac caqamiri, quiyim 'ue ca laloqo', ca' chaqaina ná'maq nagui ỹovita quiyim ma' ná'maq leuaxaiquipi 'xaỹaque da lavillaxac na llaalec ñi qota'a; ca ná'maq na'xaỹaxanta, ca nca'leuec.

Romanos 4:17

quiñi qota'a, ma' so'maxare qai'neeta huelec ñi'maxare. Ma' 'nerac naua naneresañi na'qaatqa: “Aỹim so'uet quiyim qami' leta'a na 'xoic ỹoreta'oguit qomyipi.” Ma' ñi qota'olec ỹa'ue da lca'laxa ná'maq mashic ileu, chaqai re'oq nqai'en ná'maq saqa' re'oq.

Efesios 5:12

Ma' ỹo'uet da nayiloxo quiyim chi qaỹa'xat dá'maq ỹo'ueetetac ỹoxotetañi na'maxare.