Lucas 7:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca co'na' mashic qaipalatau'a so na'a', ca' qaỹauañi'chiguit quiyim mashic qaỹodouec so mashic sou. So'maxare qaisoota llaalec aso pa'ỹe. Chaqai ỹaatqajam 'xoic so qomyipi chicqaugui yi na'a' quiyim co'uaate'ogue so'maxare.

Lucas 7:12 Iomraidhean Croise

Génesis 22:12

Ca' so nelaatec piguim le'ec 'naaco' queso'maxare: —Totaxan vite ca 'ñitetegue na noctoqui', ma' mashic sa'den quiyim 'ue da rqolonaxa'e' quiñi qota'olec, ma' qainaatam na qachaalqui', qam sqo lli'rapiguim.

Génesis 22:2

Ca' ñi qota'olec 'naaco' queso'maxare: —Coñita ñí'maq 'oonoqui' qachaalqui' Isaac, ñí'maq paguec rqo'itaxachi'. Ca' quirepegue' yi 'laua leenaxat Moriah. Ca ma' vichita yi'maxare, ca 'ỹaañiro quiyim vigaxachi' vite rachitaxanataxanaxachi', lli'ralec adá'maq quemaralec ladocai sachaxanem qami' ma'le.

1 Reyes 17:12

Ca aso'maxare 'naaco': —Da ỹa'qaatec 'qaachigui ñi qara'gaxala' qota'olec quiyim qaica ca pan ratooxoic. Chaqai ỹaatqajam cocho'qui' yi ñi'aríña lichooqui' hueetagui añi lahi', chaqai da cocho'qui' 'aceitoqui'. Ca' nagui llapoonta'pe naua qo'parolqai'. Ca' so'uet aca ỹaqaulata, qaiyi que'e ñi ỹaalec chaqai aỹim. Ca ma' ime, ca' qareleu ma'le quena qarqopaaxa.

1 Reyes 17:18

Ca co'na'le, ca' aso pa'ỹe 'naaco' queso Elías: —¿Negue' cá'maq shinto' caqami', qami' nale ñi qota'olec? ¿Qa' novichi'o' quiyim yo'leentaxanaxañi' quena ỹasauaxaset, chaqai quiyim 'viichi' ileu yi ỹaalec?

1 Reyes 17:23

Ca' so Elías chaqa'ma' iconot so noctoqui', ỹodo'ña so 'imec pa'ỹaañi, ỹopilaxatot aso late'e. Ca 'naaco': —¡'Ajñi', na qachaalqui' liỹa nca'leuec!

1 Reyes 17:9

—Ne'laxachirishiguim, ca' quirepegue' yi na'a' Sarepta, huaugui yi 'laua Sidón. Ca chaqa'ma' ñira'ñi yi'maxare, ma' ỹim shi'gue saqatqajantari' añi pa'ỹe quiyim ỹaanem qami' ma'le ca qanoqe'.

2 Reyes 4:16

Ca co'na'le, ca' so Eliseo 'naaco' caso'maxare: —Quena liỹa ñaaxa, ca' 'ue ca qachaalqui' ma' ỹovire'oga najo na'xa'a. Ca aso'maxare 'naaco': —'E', qami' ỹa'gaxala', se yayiñi', ma' qami' nale ñi qota'olec.

2 Reyes 4:20

Ca só'maq lelaatec ỹauega'a ca neeta'ñi aca late'e, ca' nqa'xanlgoto nqai'en naua loteletari, chi ỹovireta'a so na'xa'a lavinñi. Ca co'na'le, ca' so noctoqui' ileu.

Lucas 7:11

Ca' co'na' mashic ime dajo, ca' so Jesús quepegue' so na'a' leenaxat Naín. Nauequeta'pegue' so lapaxaguinatqaipi, chaqai 'xoic so liỹa qomyipi.

Lucas 7:13

Ca so Jesús co'na' iuana aso'maxare, ca' ỹaatqajam 'ue da le'xorenataxanaxa, ca' 'naapega, 'naaco': —Se ỹa'maxañi quiyim nohiñi'sac.

Lucas 8:42

Ma' so'maxare 'uo' aso 'oono'lli' llaale. Aso'maxare mashic ỹovite' doce ñaxari, chaqai aso'maxare mashic ileuetac. Ca co'na' eec so Jesús, ca ỹaatqajam 'xoic na coỹaretaho, ca vire'ta quiyim qanpataxagui.

Lucas 8:52

Ca sá'ogue so qomyipi noỹentagui chaqai naualqategueñi caso'maxare. Qam so Jesús 'naaco': —Se nohiñii. Ma' yi nequetegaxai se ileu. Ayi'maxare chaqai laqata.

Juan 11:19

Ca 'xoico' so judioipi neeta'ñi yi la'aate' saua Marta chaqai aso María lo'daxatesapigui lauele' saua'maxare, sauaxat quiyim mashic sou so lqaỹa'.

Hechos 9:39

Ca' so Pedro queguelo saua'maxare. Ca co'na' ỹoviro, ca qaỹavicshi'ma cá'maq shi'co' qaillaugui pa'aashiguim 'imec. Ca sá'ogue so pa'ỹellipi noỹentagui, lapoỹaho, ca qaỹachaxantapeguem na loxoquiripi chaqai na lamaxaquiripi ná'maq lo'ueenatqaipio' aso Dorcas co'na' ñaq nca'leetauec.

Hechos 9:41

Ca' so'maxare ỹacona ana laua, ca navicshiguim. Ime, ca roỹaxane'oga so nqaỹaripi chaqai so pa'ỹellipi, ca ỹachaxanem, qam mashic nca'leetauec aso'maxare.

Santiago 1:27

Ma' dá'maq 'ueenataxac ỹaatqajam co'teeta chaqai qaica ca hueetaugui nasauaxaset ra'ijlec ñi qota'olec, 'neetasa': ca qom ỹotauan ca na'peloq chaqai aca pa'ỹe hueetaugui ca ne'guenaxac, chaqai ỹaatqajam noyinguit ná'ogue na se no'uen huelec na 'laua.