Lucas 6:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam so'maxare shi'gue ỹa'den da la'deenataxanaxac so qomyipi. Ca 'naapego' só'maq ỹale rashivita da lqai'laxat, 'naaco': —Ñirishiguim, ca' 'iriñigui na lavinñi. Ca' so ỹale ne'laxashiguim, ca taañigui na lavinñi so qomyipi.

Lucas 6:8 Iomraidhean Croise

Isaías 42:4

Se nco'matec chaqai se neualñi dá'maq 'neetari', chi ỹovireto'o' ma' ỹa'ue ca na'maxa quena 'laua. Na qomyipi cana delec nauaanta'guit ca lapaxaguinataxanaxac.

Mateo 9:4

Qam ma' so Jesús ỹa'den dá'maq la'deenataxanaxague' saua'maxare, ca 'naaco': —¿Chi'negue ma' se no'uen da ra'deenataxanaxaguii?

Marcos 3:3

Ca' so Jesús 'naapego' só'maq ỹale rashivita so lqai'laxat: —Ne'laxachirishiguim, ca' nachaachiriñi quena lavinñi.

Lucas 13:12

Ca co'na' so Jesús idaana'a, ca roỹaxana, ca' 'naapego': —Qami' 'aalo, nagui mashic souec qami' quena ralolaxa'e'.

Lucas 5:22

Qam so Jesús ỹa'den da la'deenataxanaxac so qomyipi. Ca 'naaco': —¿Chi'neco' ma' ra'deenataxanaxaguii dá'maq dajo?

Lucas 6:9

Ca' so Jesús 'naapego' so liỹaripi, 'naaco': —Ỹim senate' qamiri nagui: ¿Negue' cá'maq qaỹa'maxarenta qaỹo'uet quiyi na'xa'a co'mataxaqui, peeta'a cá'maq lo'yaxanec, loqo'm ca se no'uen? ¿qanca'laxatec, loqo'm qanaqat ca nachaalataxac?

Juan 2:25

Se ipaquetaque quiyim 'ue ca ra'qaataxanem so'maxare quedá'maq 'neeta ná'maq qomyipi, ma' so'maxare ỹa'den ná'ogue na la'deenataxanaxac na qomyipi.

Juan 21:17

Ca lotqai liỹa renataxan, 'naaco': —Qami' Shimoñi', qami' llaalec so Jonás, ¿rqo'chiriua'? Ca ỹaatqajam 'ue da lachicoxo so Pedro, ma' mashic tres qainat quiyim nqo'ta so'maxare. Ca 'naaco': —Qami' ỹa'gaxala', qami' ná'ogue 'yiiñi'. Qami' 'yiiñi' quiyim yqo'chiraxaua'. Ca' so Jesús 'naaco': —Cha'regue cochi'ta ana iloipi qagretaipi.

Juan 9:4

Nagui ma' ñaqa 'ue na na'xa'a, ca so'uet dá'maq lo'ueenatec ñí'maq yila'; ma' naata ca pe, ca ma'le, ca' qaica ca ishit ro'ueenataxan.

Hechos 20:24

Qam quedajo qaica ca ñqovilga; vire'ta da chi ñachaalataxac qaica ca 'negue nqaishin caỹim. Qaidaata yishiitaque quiyim 'xoic ca ñitoonaxac quiyim somateta da ỹo'ueenataxanaxac, chaqai yipaquejlec da laqataxac nañaañim ñi qara'gaxala' Jesús, quiyim saanec da no'uen na'xaỹaxac queda le'xorenataxanaxa ñi qota'a.

Hechos 26:26

Najo hueete'e ỹalequetauguilo qomi' ñi qarashi Agripa. Ñi'maxare ỹaatqajam ỹa'deenta dá'maq sa'xatetac. Vichiguiño' qaica ca youetaque, ca se lliyaqajnauec da ỹa'qaatec. Ma' ñi'maxare ỹaatqajam ỹa'deenta dá'ogue dá'maq sa'xatetac, ma' da'maxare se qoỹoxotetañi.

Filipenses 1:28

qaiyi se rqo'ỹoqochichii ná'maq pa'guenta'pe qamiri. Ca' dajo, ca' ỹaatqajam re'qoota quiyim na'maxare tai'a quiyim na'laañi, qam qai'neeta ichoxot dá'maq rca'laxahi. Qam dajo chicqo'ot ñi qota'a.

Hebreos 4:13

Qaica quet cá'maq ishit nañoxotetegueñi quiñi qota'a quená'maq lo'ueenatqaipi ñi'maxare. Ma' ná'ogue na'maxare re'qoota chaqai ỹanetec nqai'en ñí'maq ra'iitalec na'maxare, ñí'maq 'ue ca na'xa'a, ca ñachaataxau'a quiyim sa'xataq ca qaro'ueenataxanaxac.

1 Pedro 4:1

Ca' vichiguiño' quedá'maq 'neeto' na'le da le'xoric so Cristo quena loshicmaxa, ca' qamiri qai'neeta na'maxachitañi quiyim 'ue ca re'xoriguii. Ma' cá'maq ỹovirau'a ca le'xoric quena loshicmaxa, ca ỹalat na nasauaxaset,

Apocalipsis 2:23

Chaqai salauat ma'le ná'ogue na llaalqaipi, qaiyi ỹa'den ma'le ná'ogue ná'maq mashic icoñiguit da na'qaatec quiyim ỹim sa'den ná'maq qoỹoqochi'ña na'deenataxanaxac chaqai da namaanaxanqachic, chaqai quiñi 'óna caqamiri icoñiguit ma'le cá'maq laseue' cá'maq ỹo'ueetetac.