Lucas 6:49 - La'qaatqa ñi qota'olec Qota'olec & Qota'olec Novita Na Qomyipi

⁴⁹ Qam cá'maq na'xaỹaxantapega aỹim, qam se ỹo'uet cá'maq shintapega, ca' ca'maxare 'nejem ca ỹale quiyim chi ỹa'da'ñiyi ca lauo', qam se ỹa'ue ca lo'xonaxala' nqai'en. Ca co'na' ỹovita nqo'ñishiguim aso lachiugue, ca' anac na huaxaỹaq ỹaatqajam quesaxan na lo'paxa quiyim ỹouaxanot so'maxare, ca' ishit quiyim 'guiñi, ca' ỹaatqajam na'laañi so 'imec.

Lucas 6:49 Iomraidhean Croise

Mateo 23:3

Ca' vichiguiño' ỹaatqajam na'xaỹaxañii'talo qamiri chaqai 'viichii ná'ogue ná'maq ỹapaxaguinque qamiri. Qam sqai quii'uegue dá'maq 'neetari', ma' na'maxare 'ue quen dá'maq ỹa'xat, qam ỹoqa'a quen dá'maq ỹo'uet.

Mateo 24:10

Ca' quecauajo na'xata' 'xoic ca na'laxatañi ma'le da lpi'ỹaxac, chaqai quiñi 'óna noquii'a ca liỹa, chaqai ỹaañiguit ca liỹa ca se no'uen.

Marcos 4:17

Qam sqoỹoxo'ñiguilo naua lpa'yii, ca' sqoỹoxouec da lquesaxanaxa, ma' quena' novi' da le'xoric, loqo'm da nocanaxac souetapigui da na'qaatec, ca' qoshiiuec.

Lucas 12:47

Qam ca nelaatec quiyim ỹa'den ca ỹahotaque ca na'co', qam se na'maxatetañi, chaqai se na'xaỹaxan, ca' ca'maxare ỹaatqajam 'xoic ca nouaxanaxac ma'le.

Lucas 19:14

Qam so qomyipi chi la'a' sojo 'laua ỹaatqajam ro'ỹa so'maxare. Ca' qaỹa'vio' saua qailate' coỹaresalec so'maxare quiyim qohinac: “Qomi' se sa'maxarenaq quiyim qarashi najo ỹale.”

Lucas 19:27

Qam ná'maq ñpa'guenaxauaripi ná'maq se ỹa'maxaren quiyim aỹim nashi, ca' naviguiu'a aỹim, ca' lauachii ma'le quena seloqota'ñi.”

Lucas 6:46

Qamiri quena' ỹim ỹaxañiỹa, ca' 'ñiita'gue, “Qami' maq ỹaatqajam qami' qara'gaxala'”, qam ¿chi'neco' ma' sqo 'viichii quena' 'ue da shinac?

Lucas 6:48

ca'maxare 'nejem ca ỹale quiyim ỹo'uet ca lauo', ca' 'au quiyim ri'ỹaxan, ỹaatqajam qoỹoqochi'ñigui nqai'en ca li'ỹac. Ime, ca' pa'xanañi ca qa', ca' no'xonshiguim ca 'imec. Ca co'na' ỹovita nqo'ñishiguim aso lachiugue, ca' anac na huaxaỹaq ỹaatqajam quesaxan na lo'paxa quiyim ỹouaxanot cajo 'imec. Qam se ishit idaxanac, ma' so 'imec no'xontalec nqohin so qa'.

Lucas 7:1

Ca' so Jesús co'na' ỹomat ỹa'xatem dajo so qomyipi, ca' eec, quepegue' yi Capernaum.

Juan 15:2

Ñi'maxare ichaxauec acanchaqaca quená'maq ỹasotellipi no'm sqaca aca la, chaqai no'ueenaxategue chaqai co'taxat acá'maq lasote 'ue aca la, qaiyi paguec aca la.

Hechos 20:29

Ma' sa'den quiyim ma' ime sqoshiilec najo, ca novite' caua liỹa', ỹahosaque iuagaxaterac na mashic icoñiguit da na'qaatec, 'nejem ca ỹa'cac ana qagreta quiyim ỹovirougui ca qagretaipi se ỹa'maxatac, ca retoxoñigui.

Hechos 26:11

Chaqai 'xoic quiyim ỹim souaxantac, ma' sahotaque ỹaxanñi da lpi'ỹaxac. Da shinta'gue quen quená'ogue na lapoxoqui na judioipi. Ma' ỹaatqajam 'xoic ỹoquiiaxa quena'maxare, vire'ta socanaxañigui quena ỹoqa'a na'aateripi.

1 Tesalonicenses 3:5

Vichiguiño' ỹim, ma' mashic tot yalo'guit dajo, ca' sela' so Timoteo quiyim renataxanalo qamiri negue' ca 'neetari' ca rpi'ỹaxaguii, ma' mashic 'ue da itelaxa quiyim so na'ỹaapec ỹayine' qamiri queca se no'uen chaqai quiyim qaica ca ñigui nqai'en da qaro'ueenataxanaxac.

2 Pedro 2:20

Ma' ná'maq mashic iuana so qara'gaxala' chaqai qarca'laxaqui Jesucristo, ca' chaqaida ñiichigui quiyim qohitauec quena se no'uen quena 'laua, ime, ca no'm liỹa lepateta'piguita naua se no'viiñi, ca no'm liỹa ỹapacqajandauec que'ueque, ca' da no'ueenataxac ca'maxare paguec la'aaxa quecá'maq 'auaxaic.

1 Juan 2:19

Saua'maxare inoxondec chicqotouguilo qomi', qam llic quiyim mesqai ỹaatqajam qariỹa'. Ma' quetqai ỹaatqajam qariỹa', ca' se noỹooterec quet coqomi'. Qam dajo 'neeta, qaiyi ỹaatqajam re'qoota quiyim ná'ogue mesqai qariỹaripi.