Lucas 6:48 - La'qaatqa ñi qota'olec Qota'olec & Qota'olec Novita Na Qomyipi

⁴⁸ ca'maxare 'nejem ca ỹale quiyim ỹo'uet ca lauo', ca' 'au quiyim ri'ỹaxan, ỹaatqajam qoỹoqochi'ñigui nqai'en ca li'ỹac. Ime, ca' pa'xanañi ca qa', ca' no'xonshiguim ca 'imec. Ca co'na' ỹovita nqo'ñishiguim aso lachiugue, ca' anac na huaxaỹaq ỹaatqajam quesaxan na lo'paxa quiyim ỹouaxanot cajo 'imec. Qam se ishit idaxanac, ma' so 'imec no'xontalec nqohin so qa'.

Lucas 6:48 Iomraidhean Croise

2 Samuel 23:3

Ñi qota'olec quena llaalqaipi so Israel retaqa; ñí'maq quepaqataxanteguelec na llaalqaipi so Israel 'naapiguiỹa': Ca nashi quiyim reloxoi'a na liỹaripi, ca ỹaatqajam 'maxaraic ca la'deenataxanaxac, ca ỹale quiyim reloxoi'a na liỹaripi, qam ỹaatqajam no'cha'a ñi qota'olec,

Salmos 32:6

Vichiguiño' quena' 'ue da neuogoxo, ca ỹaualqot qami' ná'maq queetalec qami', chaqai no'm 'xoic ca huaxaỹaq, ca i'paxanlec, qam se ỹovitoto caua'maxare.

Salmos 95:1

Nahiquena, so'ueenaxanqatalec ñi qara'gaxala', ñitoonqatac; so'ueenaxanqatalec ñí'maq quepaqataxanteguelgoto qomi' chaqai qarca'laxaqui.

Isaías 28:16

Vichiguiño' ñi qara'gaxala' 'naac: Sa'ue ma'le ca qa' sella'ñi yi na'a' Sión, cajo qa' ỹaatqajam nca'acsec, 'xoic lesega'a, ca'maxare qaỹa'auaxanñi qa', ca ỹa'maqachiguiñi quiyim qanoqojshiguim qaỹo'xon. Ca cá'maq pi'ỹa'a ma'le, ca' qaica huapigui lauel i'maqatapeuc.

Isaías 59:19

Ná'ogue na qomyipi neetalec najo 'laua, queda lqodoigue chaqai da lauashiguim, lediỹalec ma'le ñi qara'gaxala' ma' iuana da lecaic quiyim nashi, ma' ñi'maxare ma' nac, ca 'ec aca lachiugue nqo'ñishiguim na huaxaỹaq, qaidaxan queca nonot lodegaxat.

Lucas 6:47

Nagui aỹim sa'xatema qamiri ca 'nejem ca qom quiyim nau'a aỹim quiyim na'xaỹaxañiua', ca' ỹaatqajam ỹo'uet ca shinapega:

Lucas 6:49

Qam cá'maq na'xaỹaxantapega aỹim, qam se ỹo'uet cá'maq shintapega, ca' ca'maxare 'nejem ca ỹale quiyim chi ỹa'da'ñiyi ca lauo', qam se ỹa'ue ca lo'xonaxala' nqai'en. Ca co'na' ỹovita nqo'ñishiguim aso lachiugue, ca' anac na huaxaỹaq ỹaatqajam quesaxan na lo'paxa quiyim ỹouaxanot so'maxare, ca' ishit quiyim 'guiñi, ca' ỹaatqajam na'laañi so 'imec.

Juan 16:33

Dá'ogue dajo shinac caqamiri, qaiyi 'ue ca ra'maxahi quiyim na'yiitau'a ỹim. 'Ue da re'xoriguii ma'le quena viitalec 'laua. Qam 'neeto' reualliñi, ma' ỹim mashic shi'gue ỹoxonec da 'ueenataxac hueetalec na 'laua.

Hechos 14:22

Ca' saua'maxare ỹa'ñaxatesac sauá'maq neesalec yi 'laua so mashic icoñiguit da na'qaatec quiyim na'ñaxate'tegue da lpi'ỹaxac. Chaqai 'neraco' quiyim ỹouen 'xoic le'xoric ca qom, ca' qaigueme inoxoneu'a da lo'ueenataxanaxac ñi qota'a ma' ỹoiquentac ná'ogue najo.

Efesios 2:20

Qamiri 'ñiitari' ca 'imec, ca' qaillijlec qamiri só'maq no'xonaxanaxala' ỹa'auaxanyiñi saua lelaatqa so Jesús chaqai so letaxaỹaxanqajanqaipi ñi qota'a. Ca' chaqaiso só'maq Jesús 'eco' ca qa' nolliitañi cajo 'imec.

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

2 Pedro 1:10

Vichiguiño' qamiri ỹaqaỹa', mashic ime quiyim roỹaxanalo chaqai nca'au'alo qamiri ñi qota'a, ca nquipichiỹa'pegue' quiyim dajo ỹaatqajam 'chichiguiñi nqai'ñii caqamiri. Ca no'm 'ñii'tegue dajo, ca' tot qaica ma'le ca huaañi.

1 Juan 2:28

Ca' nagui qamiri ỹaalqolqa, quiitalec quiyim na'yiitau'a so Cristo, qaiyi 'ue ca qarpe'e ma' ỹovita quiyim nachaxan, chaqai qaica ca qarayiloxo ma' novi' so'maxare.

Judas 1:24

Ñí'maq qota'olec qaiñiita chaqai qaica 'nejem da la'deenaxanaxa, ñí'maq qarca'laxaqui, 'ue da lquesaxanaxa quiyim cochiỹalo qamiri, qaiyi qaica ca huaañi. Qaca aca lete nqai'ne' qamiri, ca 'xoic ca netoonaxaguii nqai'en, ma' nachaalataxana'alo qamiri yí'maq chalego lauaq hueete'e ñi'maxare. Ca' ñi'maxare chaqai 'neetari' se neme da lauaq, da lecaic, da lquesaxanaxa, chaqai quiyim 'ue nqai 'negue nqohin ñi'maxare, chicqochigui so qara'gaxala' Jesucristo, chicqotañi nallaaqo', chaqai nagui, chaqai sqaica lqodoc. Ajá'a, ca' chaqaida 'neeta dajo.

1 Samuel 2:2

¡Qaica ca co'teeta 'nejem qami' ỹa'gaxala'! ¡Qaica ca quepaqataxanlec ca qom, 'nejem qami', qami' qota'olec coqomi'! ¡Qaica ca liỹa, chi qaqamite'!