Lucas 6:45 - La'qaatqa ñi qota'olec Qota'olec & Qota'olec Novita Na Qomyipi

⁴⁵ Ca' da 'neeta ca no'uen ỹale quiyim retaqa, ca' no'uen cá'maq la'qaatec, ma' dá'maq ỹa'maqachiguiñi hueetagui añi le'taxanata. Chaqai 'nejem ca se no'uen qom quiyim retaqa, chaqa'ma' se no'uen ca la'qaatec, ma' dá'maq se no'uen hueetagui añi le'taxanata. Ma' ná'maq qodap ishit ỹa'xat cá'maq hueetagui añi qare'taxanata.

Lucas 6:45 Iomraidhean Croise

Juan 7:38

Ma' 'nerac yaua nerecse' na'qaatqa: cá'maq huelec aỹim, ca 'ec huaxaỹaq ne'paxantashiguim ca chicqotapougui añi le'taxanata.

Hechos 5:3

Qam so Pedro 'naaco': —Ananías, ¿chi'neco' ma' inoxono' so na'ỹaapec cañi re'taxanata'e' quiyim ỹo'uet quiyim na'majñitot so Espíritu Santo, ca sectaqchirigui aca laseuete so na'lauahi?

Efesios 3:8

Ma' ỹim qaica quet cá'maq shinegue, ma' paguec ỹim cocho'qui' quená'ogue ná'maq lalamaxaret ñi qota'a. Qam ñi'maxare queda lqouagaxa, ca' pataxailec quiyim sa'xat da na'qaatec quena mesqai judioipi quedá'maq qaica 'nejem lesallaxa so Cristo.

Efesios 4:29

Sqai 'xachii' naua se no'viiñi na'qaatqa, ta'ta'a quiyim no'ueenaxachii' naua ra'qaataxahi, qaiyi noquiicshiguim nqai'en chaqai ỹa'ue ca la'maxa cá'maq na'xaỹaxantapegalo qamiri.

Efesios 5:19

Chaqai quiñi 'óna quiyim retaxaỹa'pegue' ca liỹa, qam ỹahote'e quená'maq ỹoreta'oguit no'ueenaxanaxaquipi chicqo'ot so Espíritu. Chaqai machiỹauec ñá'ogue añi re'taxanatahi quiyim 'ueenaxañitac chaqai maqachiñitac so qara'gaxala'.

Colosenses 3:16

Chaqai da lapaxaguinataxanaxac so Cristo no'qaachiguilo nqai'ne' naua re'taxanatahi. Napaxaguiñita'ta' chaqai ỹaatqajam 'yiiñii quiyim na'ñaxachita'ta'. Chaqai no'm 'ueenaxañii, qam 'viiñii ná'ogue na ỹoreta'oguit no'ueenqaipi chicqo'ot so Espíritu Santo. Chaqai chicqochigui nqai'ñii añi re'taxanatahi quiyim 'ỹaañitacot da na'aachicyaxaguii ñi qota'a.

Colosenses 4:6

Daañiỹaque quiyim se neme qanqo'talo chaqai qaimaqachinta'pe naua ra'qaataxahi, chaqai quiyim 'yiiñii cá'maq ỹaatqajam 'maxaraic leloxoỹaxac quiyim taxaiỹa'pegue' ca liỹa.

Hebreos 8:10

Cá'maq ña'maqataxac so'uet ma'le quena llaalqaipi so Israel ma' ime'ueque cauajo na'xata', 'neetasa' ma'le 'naac ñi qara'gaxala': Sellaagui ma'le yi la'deenataxanaxac na ỹaqataxaquipi, chaqai serelgoto ma'le añi le'taxanata. Ca ma'le, ca' ỹim qota'olec quena'maxare, chaqai na'maxare, ca ỹalamaxareteripi.

Judas 1:15

quiyim imit ná'ogue na qomyipi, ca' ỹa'ue ca nouaxanaxaset ná'ogue ná'maq hualoxonyipi quená'ogue ná'maq se no'uen ỹo'ueetetac, chaqai quená'ogue na la'qaatec chalego la'aaxa qohinapega ñi'maxare quená'maq hualoxonyipi chaqai na sauaqhuaiquipi.”