Lucas 6:42 - La'qaatqa ñi qota'olec Qota'olec & Qota'olec Novita Na Qomyipi

⁴² Qam no'm sqa 'yiiñira'a añi loỹo neeta'ñigui ana nqochi'i', ¿chi'neco' shichi' 'ñirapega ca rqaỹa'e': “Ỹaqaỹa, ñaq yayaxañirac ñaq ñaqat yi lichooqui' hueeta'ñigui ana nqochi'i'”? ¡Ma' qami' 'ñiisapega qami' 'maxaraic! 'auaxañi' naqachi' añí'maq loỹo neeta'ñigui ana nqochi'i', qaiyi ỹaatqajam huañiterelec quiyim naqachi' cá'maq lichooqui' hueeta'ñigui aca nqote ca rqaỹa'e'.

Lucas 6:42 Iomraidhean Croise

Mateo 26:75

Co'na'le, ca' so Pedro ỹo'leente'te dá'maq 'naaco' na'le so Jesús: “Ma' saqa' noỹen ca huaqa'e, ca' qami' tres noqollicchitegue aỹim.” Ca' so Pedro ta'oguiyi, ca ỹaatqajam noỹen.

Mateo 7:3

Ca ¿negue' cá'maq 'neeto' quiyim shichii huañiỹa ca lichooqui' hueetagui añi nqote ca rqaỹahi, qam sqai huañiỹa añí'maq loỹo neeta'ñigui ana nqochii?

Mateo 7:4

Ca no'm hueeta'ñigui ana nqochii aca qo'paq loỹo late'ogue', ca ¿negue' quet cá'maq 'neeta quiyim 'ñirapega quet ca rqaỹa'e': “Ñaq yayaxañirac quiyim ñaqat yi lichooqui' hueeta'ñigui añi nqochi'i'”?

Lucas 13:15

Ca' so qara'gaxala' saat, 'naaco': —Qamiri mashic 'ñiitapega quiyim qamiri 'maxaraqa, ¿peeta'a sqaica canchaqaica caqamiri ỹosouec ca lalo ñii'lola, loqo'm aca lalo 'ashina queca na'xa'a co'mataxaqui quiyim ỹauegaxasom, ne'taxan queca huaxaỹaq?

Lucas 22:32

qam aỹim ñqouagaxainteguelec qami', qaiyi sqo viñire'e ca rpi'ỹaxaqui'. Qam qami' ma' ỹovita quiyim rapillita ỹim, tauañi'o' na rqaỹachi'ipi, qaiyi qaidaata 'neetari' da lpi'ỹaxac.

Lucas 6:41

Qam ¿chi'neco' ra'iisapega ca lichooqui' hueeta'ñigui añi nqote ca rqaỹa'e', qam sqa 'ajñi' añí'maq loỹo neeta'ñigui aná'maq nqochi'i'?

Lucas 6:43

Qaca qo'paq quiyim no'uen 'ue aca la se no'uen, chaqaca qo'paq se no'uen quiyim 'ue aca la lo'yaxana.

Hechos 13:10

Ca 'naapego': —¡Qami' 'maatqaic chaqai qami' hualoxonaq, qami' na'ỹaapec llaalec, chaqai npa'guenaxaua ná'ogue na lo'yaxanec! ¿Chi'neco' ma' naxachisa'piguit dá'maq no'uen llicyaxac ñi qara'gaxala'?

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Hechos 8:21

Caqami' sqaica quet cá'maq 'neeta quiyim vichirau'a dajo no'ueenataxanaxac, ma' ñi re'taxanata'e' se nachiñiguit da lo'ueenataxanaxac ñi qota'olec.

Romanos 2:1

Vichiguiño' qaica quet cá'maq 'neeta quiyim sqaica quet ca rasauaxashichi', qami' quiyim ra'iisapigui ca lasauaxaset ca liỹa, 'eno'm canchaqai 'ñiite'. Ma' quiyim ra'iisapigui ca nasauaxaset, ca vi'saque cá'maq chi nouaxanaxashichi', ma' dá'maq ra'iisapigui chaqaida dá'maq qami' 'viichi'sac.

2 Corintios 5:18

Ca' dá'ogue dajo chi ỹo'uet ñi qota'a ñí'maq chicqochigui nqai'en so Cristo quiyim seuacqa'chiguit ñi'maxare, chaqai ỹa'ue da laqataxac coqomi' quiyim ná'ogue na qomyipi huaqui'chiguit nqaishinaq ñi'maxare.

2 Timoteo 2:21

Ca no'm 'ue ca ỹahotaque ta'chiguit quiyim qaỹouenaxana queso qara'gaxala', ca' no'uen quiyim nco'taxat quená'ogue na se no'uen, qaiyi ishit qarouenaxana quecanchaqaica no'uen.

2 Pedro 1:9

Qam quecá'maq sqaicaua dauajo, ca 'neetari' ca qai'laq, loqo'm 'ec sqailligueme' neuanñi. Coua'e quiyim qanco'taxajñi ca 'auaxaic lasauaxaseteripi.