Lucas 6:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Qam ¿chi'neco' ra'iisapega ca lichooqui' hueeta'ñigui añi nqote ca rqaỹa'e', qam sqa 'ajñi' añí'maq loỹo neeta'ñigui aná'maq nqochi'i'?

Lucas 6:41 Iomraidhean Croise

Salmos 36:2

'Neetapega quiyim ỹaatqajam qaimaqachin, se ỹa'den quiyim qanaqaiquetapega ná'maq ỹo'ueetetac se no'uen.

Ezequiel 18:28

Qam no'm ỹa'deena'uegue dá'maq se no'uen ỹo'ueetetac, ca' dá'ogue ỹaxanñi, ca' ỹaatqajam llic nca'leuec, se ileu.

Mateo 7:1

'Neeto' lotqai michitac ca riỹahi queca lasauaxaset, qaiyi se imite' qamiri ñi qota'olec queca rasauaxashichii.

Marcos 8:7

Qai'neeta 'vio' saua nalliñirolqai'. Ca so Jesús nqouagaxainlgoto saua'maxare, ca relaataxanlgoto quiyim qaimeendec.

Lucas 6:40

Qaica ca chi napaxaguinatec napacalec ca napaxaguinatqo'. Qam no'm ỹomateta cá'maq napaxaguinataxac, ca' vire'ta 'nejem ca napaxaguinatqo'.

Lucas 6:42

Qam no'm sqa 'yiiñira'a añi loỹo neeta'ñigui ana nqochi'i', ¿chi'neco' shichi' 'ñirapega ca rqaỹa'e': “Ỹaqaỹa, ñaq yayaxañirac ñaq ñaqat yi lichooqui' hueeta'ñigui ana nqochi'i'”? ¡Ma' qami' 'ñiisapega qami' 'maxaraic! 'auaxañi' naqachi' añí'maq loỹo neeta'ñigui ana nqochi'i', qaiyi ỹaatqajam huañiterelec quiyim naqachi' cá'maq lichooqui' hueeta'ñigui aca nqote ca rqaỹa'e'.

Juan 8:7

Qam só'maq qomyipi mashic se neme renataxantac. Ca co'na' nalamaxajñi so Jesús, ca 'naaco' queso qomyipi: —No'm 'ue ca 'óna caqamiri quiyim qaica ca lasauaxaset, ca' chaqaica cá'maq 'au inaq ada'maxare queca qa'.

Romanos 2:1

Vichiguiño' qaica quet cá'maq 'neeta quiyim sqaica quet ca rasauaxashichi', qami' quiyim ra'iisapigui ca lasauaxaset ca liỹa, 'eno'm canchaqai 'ñiite'. Ma' quiyim ra'iisapigui ca nasauaxaset, ca vi'saque cá'maq chi nouaxanaxashichi', ma' dá'maq ra'iisapigui chaqaida dá'maq qami' 'viichi'sac.

Santiago 1:24

Ca iuana da lashicyaxac. Ime, ca' eec, qam chita'gue, ca' coua'e dá'maq 'neetari'.