Lucas 6:38 - La'qaatqa ñi qota'olec Qota'olec & Qota'olec Novita Na Qomyipi

³⁸ 'Viichii ca 'ỹaañim ca riỹahi, qaiyi ñi qota'olec 'ue ca ỹaanema qamiri. Ca ỹaanema qamiri aca qachoxoguii ỹaatqajam no'qaata nqai'en, qaỹochicqochi'ñigui, chaqai qaipataqachigui, no'qajlec nqohin. Ma' ñi qota'olec ipacqajanchigui ca lecaata cá'maq 'ỹaañim ca riỹahi, ca' chaqaiyi yí'maq lecaata ca ỹaanema qamiri.

Lucas 6:38 Iomraidhean Croise

2 Samuel 19:36

Ca' ỹim chaqai chi ñco'uaategue qami' quiyim paquireta ana lachiugue Jordán, qam ¿chi'neco', qami' ỹashi, ma' vi'saque yishivichiñi' quedajo?

Ester 7:10

Ca' chaqaida 'neeto' na'le so Amán na' qaicoñijshi'megue asó'maq chi ỹa'maxatetañi quiyim ỹahotaque coñijshi'megue so Mardoqueo. Ca' queda, ca tauco' so lauel so nashi.

Ester 9:25

Qam co'na' aso Ester ỹovira'a so nashi, ca so'maxare chilnataxanegue quiyim qoỹeretañi dá'ogue dá'maq se no'uen la'deenataxanaxaco' na'le so Amán queso judioipi, ca pa'aalec nqohin so'maxare. Ca chaqaido' da 'neeto' na'le na' so Amán chaqai so llaalqaipi qaicoñirerashiguim.

Job 42:11

Ca co'na'le, ca' qara'piicha queso lqaỹaripi ỹalliripi chaqai so 'aallipi, chaqai so nauochaxauaripi, chaqai sá'ogue so ñaauapec lauanatqaipi. Ca na' queso lapoxoc, ca' qaỹo'uet so nqui'ỹaxac quiyi la'a'. Ca' ỹaatqajam 'ue da nqui'ic, ca' qaỹa'ñaxatetac queso ne'guenaxac na'le qanelata quiñi qara'gaxala'. Ca' quiñi 'óna, ca ỹa'ue ana lame lam queso'maxare, chaqai aso lichicshaqate 'oro.

Éxodo 21:24

Ca cá'maq ỹachipiaxachigui aca nqote ca liỹa, ca ca'maxare qanaqat aca nqote, loqo'm aca loue, loqo'm ca lqai'laxat, loqo'm ca lapia',

Mateo 10:42

Chaqai canchaqaica quiyim ỹaanem 'eno'chaqai 'oono'lli' aca 'taxaqui queca 'oom huaxaỹaq quiñi 'óna quenaua collo'olqai' queesa'pegue' aỹim, ca' ỹaatqajam llicsa 'ue ca nishiue' ma'le.

Mateo 7:2

Ma' ñi qota'olec imite' qamiri, qam naloqojñi'chiguit cá'maq 'ñii'tegue ca rimiitaxanaxaguii queca riỹahi, ca cá'maq 'ñii'tegue quiyim naloqochiñii ca ỹopilaqtejelgoto qamiri.

Marcos 4:24

Qai'neeta 'naac so Jesús: —Ỹaatqajam na'ijñii'tegue dá'maq na'xaỹaxanaxaguii. Ma' cá'maq raloqojnaxanaxaguii quiyim 'ue ca 'ỹaañiuec, ca chaqaca ipaquichigui nqai'en ñi qota'olec, ma' 'ue ca ỹaanem qamiri. Qam ỹaatqajam paguec nqai'en cá'maq ỹaanema qamiri, ma' qamiri na'xaỹaxañitac.

Lucas 6:30

Chaqai no'm 'ue ca rashiila'e', ca' 'ỹaañitem ca ỹahotaque, chaqai no'm 'ue ca rouootaxana'gue ca qatooỹaqui', sqai paquira'pegue'.

Deuteronomio 15:10

Ca' qami' tauañi' ca'maxare, sqai 'miaqchira'guit ma' quiyim 'ñitetegue dajo. Ca ñi qara'gaxala' qota'olec caqami' re'oq ma'le nqai'en ná'ogue na lqouagaxa quená'ogue ná'maq 'viichi'.

Santiago 2:13

Ma' cá'maq se i'xoren ca liỹa, ca' chaqaida qohine'tegue. Ma' qaimit, ca' se qai'xoren. Qam cá'maq 'ue ca le'xorenataxanaxa, ca' qaica ca qohinegue, ma' ỹovita ca na'xa'a quiyim qaimit.