Lucas 6:36 - La'qaatqa ñi qota'olec Qota'olec & Qota'olec Novita Na Qomyipi

³⁶ Chaqai ỹaatqajam qamiri qouagaxanqachaqaiquipi ma'le, qaiyi 'ñiitam ñi qota'olec caqamiri ỹaatqajam qouagaxanqachaqaic.

Lucas 6:36 Iomraidhean Croise

Mateo 5:48

Ca' ỹaatqajam 'maxaraic nqai'ñii ca no'ueenataxaguii, qaiyi 'ñiitari' ñi qota'a ñí'maq viilec neeta'gue da piguim ỹaatqajam 'maxaraic naloochiguiñi da no'ueenataxac.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Lucas 6:37

Sqai michiỹaque ca lasauaxaset ca riỹahi, qaiyi ñi qota'olec se imite' qamiri. Chaqai sqo 'viichii ca nouaxanaxaset ca riỹahi, qaiyi ñi'maxare se ỹa'ue ca nouaxanaxashichii. Qam 'xorenataxaño', qaiyi ñi qota'olec i'xorene' qamiri.

Efesios 4:31

Ca 'xañiñi dá'ogue da roquiiaxahi queca riỹahi, ná'ogue na nonogoxonaxac, chaqai quiyim ỹaualqatalec ca liỹa, loqo'm rishiuenaxantac, chaqai quiyim queetapegueu'a ca liỹa, chaqai ná'ogue na se no'uen 'xañiñi.

Santiago 3:17

Qam quecá'maq hueeto'ot dá'maq na'deenaxanaxa chicqo'ot ñi qota'a, ỹaatqajam 'maxaraic da no'ueenataxac, chaqai hualaqhuaic, 'naxanaxaraic, chaqai 'xaỹaxanqachaqaic, 'xorenataxanaxai, chaqai ỹo'uet na ỹa'maqachiguiñi. Se nañoqotaxai chaqai qamaxaraic.