Lucas 6:29 - La'qaatqa ñi qota'olec Qota'olec & Qota'olec Novita Na Qomyipi

²⁹ Chaqai no'm 'ue ca ỹouaxañigui na lahi na qashiiqui', ca' 'ỹaañitem na liỹa lahi na qashiiqui', chaqai no'm 'ue ca ỹacona ca nesaaco'e', 'ỹaañitem quiyim i'xat ca nelamaxaqui'i'.

Lucas 6:29 Iomraidhean Croise

2 Samuel 19:30

Qam so Mefi-boset 'naaco': —Paguec la'maxa quiyim ỹomata'ta' ca Siba yaua 'lauari. Ma' caỹim dá'maq ỹapacauec nqaishin quiyim rapillira'a na ra'aachi', qam ro'viiñite', sqaicanqaida.

Isaías 50:6

Saandec naua ỹapalatetari quiyim qaỹouaxanlgoto chaqai ñañaanta quiyim qano'tegue' naua ỹaqareue. Se lloỹoote'oga na ỹashic quená'maq yi'neetac chaqai natoqotapiguiỹot.

Miqueas 5:1

Qam nagui, qami' na'a' Jerusalén, 'maxachiriñi cá'maq chi rquepaqataxanaxachi', ma' nagui qanahiquinchiguiñi qami' chaqai qaỹa'ue da nouaxanaxaset ñi nashi quena Israel.

Mateo 26:67

Co'na'le, ca' qanatoxogui na lashic so'maxare, chaqai qaỹouaxan. Chaqai saua liỹa', ca ỹouaxanyigui na lashic so'maxare.

Lucas 22:64

Ca qaỹapoguilo naua nqote' so'maxare, ca' qaỹouaxañigui na lashic, ca' qohinac: —¡Ñaqa 'xachi' negue' ca rouaxañi'!

Lucas 6:30

Chaqai no'm 'ue ca rashiila'e', ca' 'ỹaañitem ca ỹahotaque, chaqai no'm 'ue ca rouootaxana'gue ca qatooỹaqui', sqai paquira'pegue'.

Juan 18:22

Ca co'na' so Jesús 'naaco' dajo, ca' so nouaataxanaq le'ec ỹalequetaho ma' neloxoỹaq cañi no'ueenaxanaxaqui, ỹouaxañigui na lashic so Jesús. Ca 'naaco': —¿Dajo 'ñirac quiyim pilaxachichiguit da la'qaatec ñi lashi na netaxaỹaxanqajanqaipi?

Hechos 23:2

Ca' so lashi na netaxaỹaxanqajanqaipi, leenaxat Ananías, 'naapegalo saua huaqase'e' so Pablo quiyim qaỹouaxanougui na lap.

1 Corintios 4:11

Vire'ta nagui sovirqau'a da qare'xoric quena qarqopaaxa, chaqai na qaraquip, chaqai qaica ca sanaxañi nooỹac, chaqai na qomyipi iualaxainta'pe qomi', chaqai qaica ca qara'a'.

1 Corintios 6:7

'Nesa ma' llic quiyim qaidaata quiyim se neuojñiỹata', chaqa'ma' re'oq quiyim 'xoic la'aaxa da hueetanguilo qamiri. ¿Chi'negue ma' se na'ñaxachiiguit da se no'uen? ¿Chi'negue ma' sqai 'xañiỹac quiyim liyi qarocachiỹoto qamiri?

2 Corintios 11:20

Ma' qamiri na'ñaxachiiguit ná'maq ỹo'uet quiyim qamiri lelaatqa, loqo'm que'eetapiguilo qamiri, chaqai 'ec qamiri lalamaxarete', chaqai qaica ca ỹauaapigui qamiri, chaqai ỹouaxantapiguilo naua rashigori.

Hebreos 10:34

Chaqai qamiri 'ue da re'xorenataxanaxahi quená'maq qaicoñiretari', chaqai vire'ta quiyim 'ue da netoonaxaguii quiyim na'ñaxachiiguit quiyim qarouootaxanegue ca roviñiguii, ma' qamiri 'yiiñita quiyim 'ue ca hueeta'gue da piguim roviñiguii paguec loyac chaqai sqaica lqodoc.