Lucas 6:27 - La'qaatqa ñi qota'olec Qota'olec & Qota'olec Novita Na Qomyipi

²⁷ Ca' qamiri mashic na'xaỹaxañitapiguiỹa', ca shiñiỹapegaxaua' quiyim 'xoriñii cá'maq rpa'guiñitac, chaqai ỹaatqajam 'maxachi'tegue cá'maq noquiaitapegaxaua',

Lucas 6:27 Iomraidhean Croise

Proverbios 24:17

Mesqai netooñitegue chaqai 'xoic lemaqachic nqai'ñi' quiyim repoxolaxan chaqai quiyim huaañi ca npa'guenaxaua'e',

Proverbios 25:2

Da lecaic ñi qota'olec hueetagui nqai'en ca se re'xogui, chaqai nemaqajnataxanaxa quena nashillipi quecá'maq ỹovirau'a ỹa'xat ca'maxare.

Marcos 4:24

Qai'neeta 'naac so Jesús: —Ỹaatqajam na'ijñii'tegue dá'maq na'xaỹaxanaxaguii. Ma' cá'maq raloqojnaxanaxaguii quiyim 'ue ca 'ỹaañiuec, ca chaqaca ipaquichigui nqai'en ñi qota'olec, ma' 'ue ca ỹaanem qamiri. Qam ỹaatqajam paguec nqai'en cá'maq ỹaanema qamiri, ma' qamiri na'xaỹaxañitac.

Lucas 23:34

Ca co'na' ñaq qaipatentapego, ca' so Jesús 'naaco': —Qami' qota'olec, 'xoriñi' na qomyipi, ma' se ỹa'den da ỹo'ueetetac. Ca' so nouaataxanyipi nallitetapiguilo saua loho so Jesús quiyim negue' ca taalgoto saua'maxare.

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Lucas 8:15

Qam asó'maq nanecse tajlec yi lo'yaxanec 'laua, ca 'nejem ca qom lo'yaxana aca le'taxanata, ca ỹa'maxate'tegue da na'xaỹaxanaxac, chaqai huelec da na'qaatec, chaqai quejlec. Se qoshiiuec, ca' ỹaatqajam 'ue da loquigaxac da laỹaxac.

Lucas 8:18

Vichiguiño' ỹaatqajam na'xaỹaxañita, ma' cá'maq 'ue ca hueeto'ot, ca qanoquigaxatec ca qoỹaanem; qam cá'maq qaica ca hueeto'ot, ca' qanouora'gue vire'ta cá'maq 'neetapigui lauel quiyim hueeto'ot.

Lucas 8:8

Ca' aso liỹa nanecse tajlec yi ỹaatqajam lo'yaxanec 'laua. Ca co'na' ñaxat, ca ỹaatqajam 'xoic ana la. 'Uo' ana ỹovi' cien ana la co'na' qanaqat. Ca co'na' ime da la'qaatec so Jesús, ca' ỹaatqajam nelamaxaren, 'naaco': —No'm qamiri 'vii caua rque'lahi lauaco, ca' 'xaiỹo'.

Hechos 10:38

Chaqai 'yiiñita quiyim ñi qota'olec ỹaanem so Jesús Nazaret le'ec da lquesaxanaxa so Espíritu Santo, chaqai ỹo'ueetetac da no'uen, chaqai ỹomatec ná'ogue na 'xoic na le'xoric qaipataqatañi queda lquesaxanaxa so na'ỹaapec. Dajo ishit ỹo'uet so Jesús, ma' ñi qota'olec liỹaatac so'maxare.

Hechos 16:28

Qam so Pablo ỹaualaxalec, ca 'naaco': —Se na'yiralta', ma' qomá'ogue seuqate'e najo.

Hechos 7:60

Co'na' ime, ca ỹa'yi'iñi naua le'cootal, ca ỹaualaq, nelamaxaren, 'naaco': —Qami' ỹa'gaxala', mesqo 'lliinchirapega da lasauaxaset na qomyipi. Ca co'na' copaachigui 'naac dajo, ca ileu.

Gálatas 6:10

Vichiguiño' quiyim 'ue ca seshitaq so'ueetaq, ca 'ue ca so'ueetaq ỹa'maqachiguiñi quená'ogue na qomyipi, qam paguec quená'maq chi qarpi'ỹaxauaripi.

1 Tesalonicenses 5:15

Chaqai richilliỹa'ta' quiyim qaica ca ỹopilaxajlec ca se no'uen ca liỹa. Ta'ta'a quiyim 'viichii ca ỹa'maqachiguiñi quiñi 'óna caqamiri chaqai quená'ogue na liỹa qomyipi.

3 Juan 1:11

Qami' ñauochaxaua ỹaqaỹa, 'neeto' lotqai quire'uegue da se no'uen 'ueenataxac. Ta'ta'a dá'maq ỹaatqajam no'uen. Cá'maq ỹo'uet ca ỹa'maqachiguiñi, ca'maxare lalamaxaret ñi qota'a, qam cá'maq ỹo'uet ca se no'uen, ca' se iuana ñi qota'a.