Lucas 6:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Chaqai 'xoraiquipiolec qamiri ma' se rqopachii nagui, ma' 'uo' ma'le ca rqopaaxahi. Chaqai 'xoraiquipiolec qamiri ỹalliguiritagui nagui, ma' ỹaatqajam noỹeñitapeguem ma'le ca rachicoxohi.

Lucas 6:25 Iomraidhean Croise

Eclesiastés 2:2

Ca' sa'den quiyim da naỹalliguiric hualoxonqaishic chaqai da nqo'iitaxanqachic qaica ca 'negue.

Isaías 28:7

Chaqai 'ue na liỹa rapaqategueri' nqohin quena lataxa, chaqai 'ue na qoñicqojlec sauaxat da lquesaxanaxa na lataxa: na netaxaỹaxanqajanqaipi chaqai na letaxaỹaxaquiripi ñi qota'olec rapaqatajlec sauaxat da lquesaxanaxa ná'maq ne'teetapigui, na'laxatañi yi la'deenataxanaxac sauaxat na lataxa; huaañi sauaxat da lquesaxanaxa na ne'teetapigui, chi rapaqategueri' ỹit quena' 'ue da leuanaxanaxac, se nachiñigui ca llicyaxac ca 'neeta quena' imit ca nasauaxaset.

Amós 8:10

Na remaqachiguipi ñigui nqaishin ca ỹenaxac sauaxat na leuaxaiquipi, chaqai na ro'ueenaxanaxaguipi ñigui nqaishin ca ỹenaxac quena' 'ue yi qaishinñi; so'uet quiyim qamiri ñiiñi caua noho nachicoxoqui', chaqai selaxachilgoto naua rqahigori netanec nqai'ñii caqamiri quiyim 'xoic da nqui'ic. Ca' noỹiñii ma'le 'ec cá'maq qom na'laañi ca 'oonoqui' llaalec, ca ma' ime dajo, qam no'ueenashiguim ca 'xoic nachicoxo.

Lucas 12:20

Qam ñi qota'olec 'naapego': “Qami' ỹale ỹaatqajam qaico' ca 'yiiñiraque, quena pe qami' rillivi', ca' ná'ogue ná'maq 'maxachi'sac, ¿negue' cá'maq taalec ma'le?”

Lucas 13:28

Ca' quiyi hua'ñi, ca' nohiñitac chaqai quishquintecta' naua rovii quena qavillii, ma' daañiỹau'a ca Abraham, Isaac, Jacob, chaqai ná'ogue na letaxaỹaxaquiripi ñi qota'a, qoyinta'ñi ca lo'ueenataxanqa' ñi'maxare, qam qamiri, ca' qaro'yiỹauec.

Lucas 6:24

Qam 'xoraiquipiolec qamiri ma' qamiri nesallaxanqaipi, ma' mashic 'uo' da ra'maxahi.

Lucas 6:26

Chaqai 'xoraiquipiolec qamiri, ma' no'uen cá'ogue ca na'qaataxaguii, ma' chaqaida dá'maq 'neeta só'maq 'auaxaic leta'allipi na qomyipi, só'maq chaqai 'naac letaxaỹaxanqajnec ñi qota'a.

Lucas 8:53

Qam chaqai qai'neetac so'maxare, ma' qaỹa'den quiyim mashic ileu aso'maxare.

Efesios 5:4

Chaqai sqai 'xachii' naua na'qaatqa ỹo'ueete' ca nayiloxo chaqai ná'maq qaica ca 'negue, loqo'm cá'maq ỹo'uet ca naỹalliguiric. Ma' nauajo se ỹa'machiñi. Ta'ta'a quiyim qoỹaanot da 'aachicyaxac ñi qota'a.

1 Tesalonicenses 5:3

Ma' na qomyipi 'ne'teguesa' da la'qaatec: “Quená'ogue sqaicanqaida chaqai sqaica ca qaỹouetaque”, ca' novita ma'le ca nouaxanaxaset chalego lecaic chi ne'laqataxanto, 'nejem ca nqui'ic caca 'aalo quiyim ỹovita ca laloqo' quiyim co'o. Ca' qaica ca qohit.

Santiago 4:9

Ỹaatqajam chigoita, chaqai nohiñii chaqai naualaxaiñii. Sqa ỹalliguiritac, ta'ta'a quiyim niñitesañi naua rachiri. Chaqai sqai huaguichiguiñi, ta'ta'a quiyim chigoita.

Apocalipsis 3:17

Ma' 'ñirac qami' nesallaxanec chaqai quiyim ra'maqaichiriñi chaqai quiyim tot qaica ca viñi'. Qam sqai huañita quiyim sqaica ca ra'maqachi'. Qami' 'xoraic, qaicanqaiyi, qami' qai'laq chaqai ñi'sauec.

1 Samuel 2:5

ná'maq 'au qaica na'le ca ỹouentaque, qam nagui ro'ueenataxanteguelec ca loq; qam ná'maq 'ue na'le na lqopaaxa, qam nagui, ca' qaica ca ỹouentaque. Chaqai aná'maq 'aalo qaica quen ca llaalec, qam siete co'o nqai'en; qam aná'maq 'xoic na'le na llaalqaipi, ca' nagui ỹaatqajam 'ec ỹaso nqai'en.