Lucas 6:24 - La'qaatqa ñi qota'olec Qota'olec & Qota'olec Novita Na Qomyipi

²⁴ Qam 'xoraiquipiolec qamiri ma' qamiri nesallaxanqaipi, ma' mashic 'uo' da ra'maxahi.

Lucas 6:24 Iomraidhean Croise

Proverbios 1:32

Ná'maq se retanaxanac, ca' ileuapeguem ma'le quiyim qaica ca letanaxanaxac, chaqai ná'maq se ra'deenataxan, na'laxatañi dá'maq quiyim qaica ca ỹa'den;

Hageo 2:9

Najo co'uaataxanaxaic no'ueenaxanaxaqui paguec loyac ma'le queso 'auaxaic. Ca ma'le, ca' novi' nqaishin ca no'daxa quenajo. Ỹim na'gaxala' sqaica lqalanec, se'taxajñi da ỹa'qaatec. (2.10-14 Ñi qota'olec retaxaỹa so lalamaxareteripi se na'xaỹaxan.)

Mateo 6:16

Ca ma' ỹovita quiyim nqopaaqachichii, qam se re'oq nqai'ñii quiyim ỹaviguiñi na qashiigui, 'nejem dá'maq 'ne'tegue quen ná'maq chi nachaxanta qomyipi. Ma' na'maxare 'ne'tegue dajo, ma' ỹahotaque qaỹa'den quiyim nqopaaqachitetac. Ca' ỹim shinac caqamiri quiyim na'maxare shi'gue 'ue da nishiuetenaxac.

Mateo 6:2

Ca' vichiguiño' quiyim tauañii cá'maq 'ue ca louenaxanaxa, qam sqai 'deenaxanaxañiigue ná'ogue na qomyipi, 'nejem dá'maq 'ne'tegue quen ná'maq 'neetapigui lauel quiyim huagaxaraiquipi, nachaxanta quiyim hueetaugui ana lapoxoqui na judioipi chaqai quena nayiquipi. Dajo 'ne'tegue, ma' ỹahotaque quiyim qaimaqachin quena qomyipi. Qam ỹim shinac quedajo 'ne'tegue, chaqa'ma' shi'gue 'ue da nishiuetenaxac.

Mateo 6:5

Chaqai ma' qamiri nqouagaxaiñii, 'neeto' lotqai 'ñiita ná'maq 'neetapigui lauel huagaxaraic, nachaxanta quena' nqouagaxain cana lapoxoqui na judioipi chaqai quenaua lasoguel na nayiquipi, qaiyi qaỹa'ajantac quena qom. Ca' ỹaatqajam llic da shinac caqamiri, ca' quedá'maq dajo quiyim 'ne'tegue, ca chaqa'ma' 'ue ca nishiue'.

Lucas 6:25

Chaqai 'xoraiquipiolec qamiri ma' se rqopachii nagui, ma' 'uo' ma'le ca rqopaaxahi. Chaqai 'xoraiquipiolec qamiri ỹalliguiritagui nagui, ma' ỹaatqajam noỹeñitapeguem ma'le ca rachicoxohi.

1 Timoteo 6:17

Chaqai ná'maq mashic ỹovita quiyim mashic nesallaxanec, ca' 'ñirapega quiyim se nemaqajnaxai, chaqai sqai hueetagui nqai'en ca naquitaxac da lesallaxa, ma' da'maxare sqai 'neetari'. Ta'ta'a quiyim illo'ot da naquitaxac ñi qota'a, ma' nca'leetauec ñi'maxare, chaqai ỹaanema qomi' ná'ogue ná'maq qarouenec, qam ỹapacauec nqai'en, ca lotqai ñitoonqata'pegue.

Santiago 2:6

Qam qamiri viitaque na layiloxo na 'xoraiquipi. ¿Peeta'a mesqaino' na nesallaxanqaipi ná'maq ỹa'ue da re'xoriguii? ¿Mesqaino' ná'maq ỹahoglentau'alo qamiri na nashillipi?