Lucas 6:23 - La'qaatqa ñi qota'olec Qota'olec & Qota'olec Novita Na Qomyipi

²³ Ỹaatqajam 'xoic ca raỹaaguii chaqai ỹaatqajam netooñitagui ma'le queca na'xa'a, ma' ỹaatqajam lodegaxat ma'le ca nishiuetenaxaguii queda piguim. Ma' chaqaida da 'neeta so 'auaxaic leta'allipi najo qomyipi 'xoic lqa'viic quesó'maq 'auaxaic letaxaỹaxaquiripi ñi qota'a.

Lucas 6:23 Iomraidhean Croise

2 Samuel 6:16

Ca' aso lahite' saua naqataxaco co'na' ỹovira'a yi na'a' neeta'ñi so David, ca' aso Mical só'maq llaale so Saúl ra'ỹauco' caso nqote so lauo'. Ca co'na' idaana'a so David nenotetashiguim chaqai rasotetacot ñi qara'gaxala', ca' aso'maxare ỹaatqajam ra'aguelec so'maxare.

1 Reyes 18:4

Chaqai co'na' aso nashi Jezabel relaataxanlec quiyim qaỹalauat na lca'acsec letaxaỹaxaquiripi ñi qota'olec, ca so'maxare ỹoxojñi so cien qomyipi, ca ỹasectaxajñigui na lavinñi, ca' dos nqai'ne' naua lapooqote', nañoxotouguilo nqai'en saua dos lauaco. Ime, ca' ỹaante'em na loq.

1 Reyes 19:10

Ca so'maxare 'naaco': —Ỹaatqajam paguec da ỹauochaxa caqami', qami' ỹa'gaxala', qami' qota'olec qaica qalañirac, ma' na llaalqaipi so Israel totqai quelec da na'maqataxaqui', chaqai nopoxoỹaxajñi ana ncopatoxonaxalate quiyim qanqouagaxainot qami', chaqai qaỹahote'e na lecat quiyim qanalauajñi na retaxaỹaxaqui'i'ipi. Ca mashic qaỹimetam yo'ueenañi, qam nagui qaimitetaque aỹim qaỹahotaque qayalauat.

1 Reyes 19:14

Ca so Elías 'naaco': —Ỹim ỹaatqajam chalego da ỹauochaxa caqami', qami' ỹa'gaxala', qami' qota'olec qaica ca qalañirac, ma' na llaalqaipi so Israel totqai quelec da na'maqataxaqui', chaqai qai'guenaxajñi ana ncopatoxonaxalate quena' qanqouagaxainot qami', chaqai qaỹahote'e na lecat quiyim qanalauajñi so retaxaỹaxaqui'i'ipi. Ca' qaỹimetam yo'ueenañi, qam qaimitetaque aỹim qaỹahotaque qayalauat.

1 Reyes 19:2

Ca' aso Jezabel ỹa'uo' so lelaatec quiyim 'naapega so Elías: —¡No'm qami' Elías, qam ỹim, ỹim Jezabel! Ca' na qarashiilqaipi nqolaquipi ỹa'ue ca ñouaxanaxaset lodegaxat, no'm nete'e ma' 'nejem nagui sqai shi'ntegue qami' dá'maq 'ñitetegue so lauachi' netaxaỹaxaquiripi.

1 Reyes 21:20

Ca' so Acab 'naaco' queso Elías: —¿Ca' nachiriua', qami' ñpa'guenaxaua? —Ajá'a, sanata qami' —'naaco' so Elías—. Ma' qainaata na se no'uen 'viichi'sac quiñi qara'gaxala'.

1 Reyes 22:27

'Ñiỹapegalo quiyim ỹim shinac quiyim qoỹanaugui añi ncoñiitaxanaxaqui, chaqai sqailligueme' qaiqui'ỹaxan, qainaata na pan chaqai na huaxaỹaq, toco' ma' yapil yo'ueenta.

1 Reyes 22:8

Ca' so nashi quiyi Israel 'naaco' queso Josafat: —Ajá'a, ñaqa 'ue ñi 'oonoqui', 'maxaraic quiyim senataq quecá'maq 'naac ñi qara'gaxala'. Ñi'maxare leenaxat Micaías, llaalec so Imla. Qam ỹoquiiaxat ñi'maxare, ma' se ỹauanapega quet quiyim no'uen ca taalec nqai'en aỹim, ta'ta'a na se no'uen. Qam so Josafat 'naaco': —Sqai 'ñirac dajo.

Isaías 35:6

ca' na se ra'ñiiguelo naua lichil nenojshiguim 'ec ca re'xone', chaqai na qaicaua caua la'qaatqa, ca ỹaualaq. Quiyi rashivijlec 'laua qaica qom, ca' ne'paxantashiguim ma'le ca quesaxan huaxaỹaq.

Malaquías 4:1

Ñi qara'gaxala' sqaica lqalanec 'naac: Tot qoỹoxoguit na na'xa'a ỹaviquetaugui, 'ec ca nqatelaxanaxaqui. Ca ná'ogue ná'maq nemaqajnaxairipi chaqai na hualoxonyipi ỹavigougui ma'le, 'ec na 'uaqapi quena norec lauaq. Ca cá'maq cajo na'xa'a naata ỹavigaxat ná'ogue, ca' qaica ca no'ueenashiguim nqai'en.

Mateo 5:12

Ca' ỹaatqajam ra'maxaichiguiñi, netooñitac, ma' qamiri coñiguit ca chalego lecaic nishivichii ma'le queda piguim. Ma' chaqaida qohine'teco' na'le da nocanaxac só'maq 'au letaxaỹaxaquiripi ñi qota'a na' saqa'lecaua qamiri.

Lucas 1:41

Ca' aso Elisabet co'na' 'xaỹaque da niquinaxanaxac, ca' so noctoqui' mashic hueetagui na lauel redaalec, ca' aso'maxare ỹaatqajam no'qaachigui queso Espíritu Santo.

Lucas 1:44

Ma' cana' sa'xaỹaque da riquinaxanaxaqui', ca' idaxanac da netoonaxac yi noctoqui' mashic hueetaugui na iuel.

Lucas 6:35

Qalaxam qamiri 'xoriñii cá'maq pa'guenta'pe qamiri, chaqai 'maxachi'tegue na qom, 'ỹaañiuec ca na'ualec. Qam se ỹa'maxañi quiyim 'ue ca naquichita'a, qaiyi ỹaatqajam lodegaxat ca nishiuetenaxaguii, chaqai ỹaatqajam qamiri llaalqa ñi qota'olec ñí'maq paguec lecaic. Ma' ñi'maxare ỹaatqajam 'xorenataxanaxaic, i'xoren ná'maq se ỹa'deena'a da na'agaxa chaqai ná'maq nocqaiquipi.

Hechos 14:10

Ca' so'maxare nelamaxaren, 'naapego': —Nachaachichiriñi, co'ỹaxañiriñi naua richilli'. Ca' so ỹale nenojshiguim, nachajñi, ca chaqa'ma' ỹouoiguiri'.

Hechos 3:8

Ca chaqa'ma' ỹouoiguiri', ca liỹaasaho saua'maxare quiñi no'ueenaxanaxaqui, qauaata chaqai nenotetashiguim, imaqachintac ñi qota'olec.

Hechos 5:41

Qam ỹaatqajam 'xoic da netoonaxague' saua lelaatqa so Jesús co'na' que', chicqoterougui so nashillipi, ma' ñi qota'a ỹoviraqta'alo da ne'naxague' souesapigui da leenaxat so Jesús.

Romanos 5:3

Chaqai mesqaidaata dajo, ma' qai'neeta ñitoonqatac quiyim 'ue da qare'xoric; ma' sa'deenaq quiyim da qare'xoric ỹo'uet ca qareualaxavic,

2 Corintios 12:10

Vichiguiño' ñitoontac quena' qaica ca ỹa'ñaxac, chaqai quena' qayishiuentac, chaqai quena' 'ue da ỹouenaxanaxa, chaqai naua ñocanaxaco, chaqai na i'xoric quenaua ñanaqataxaco, sasouetapigui so Cristo. Ma' quena' paguec qaica ca iquesaxanaxa, ca ñauata'guit quiyim paguec ỹim quesaxanaxaic.

Colosenses 1:24

Ca' nagui, ca ñitoontac, ma' qamiri nauá'maq 'em quiyim 'ue da i'xoric, ma' quedajo, ca' nalogoñi nqaishin quená'maq chi ỹoshicmaxa dá'maq saqa' ỹovira'a na'le le'xoric so Cristo, quená'maq mashic icoñiguit da na'qaatec ma' chi loshicmaxa.

2 Timoteo 2:12

quiyim 'ue ca qare'xoric, ca' qai'neeta salecqau'a ma'le ma' ỹoiquentac ná'ogue najo. Qam no'm shinqac se sa'deenaq so'maxare, ca' so'maxare qai'neeta 'naac se ỹauanapegalo qomi'.

Hebreos 11:26

Chaqai 'ec paguec lesallaxa nqai'en quiyim 'ue da le'xoric se qaỹa'maxata'gue soualec so Cristo, sqai quiyim hueeto'ot yá'ogue yi lesallaxa yi Egipto, ma' ra'iitagui da lishiuetenaxanaxac ma'le ñi qota'a.

Hebreos 11:6

Qam qaica quet cá'maq qaỹa'maxarenta quiñi qota'a no'm qaica ca lpi'ỹaxac. Ma' quiyim qanqo'neu'a ñi'maxare, ca' ca qom huelec quiyim 'ue ñi qota'a chaqai quiyim ñi'maxare ishiueten cá'maq nimitaque ñi'maxare.

Santiago 1:2

Qamiri ỹaqaỹa', ỹaatqajam necoñiỹaque da netoonaxaguii quena' viitaugui canchaqaica quena ỹoreta'oguit ne'guenaxaguii.

1 Pedro 4:13

Ta'ta'a quiyim 'ue ca netoonaxaguii quiyim mashic nouañiỹau'a da le'xoric so Cristo, qaiyi qai'neeta 'xoic ma'le ca netoonaxaguii ma' daañiỹa'guit ca lauaq cá'maq loviraxac so'maxare.

Apocalipsis 2:17

Cá'maq ỹa'den ca na'xaỹaxanaxac, ca 'maxaraic na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'naacsa': Ca cá'maq rauegaxan, ca' ỹim saanem ma'le quiyim ỹa'ic cá'maq na'ic qoỹoxotetañi chicqo'ot ñi qota'a, leenaxat maná, chaqai qai'neeta saanem ca qa' lalagaxaic. Ca' quecajo qa', ca naneretalec ca dalaxaic leenaxat. Qam qaica ca ỹa'den, ta'ta'a cá'maq icoñiguit, ca' ỹa'den.”

Apocalipsis 2:26

Qam cá'maq rauegaxan, chaqai quiyim queetalec ỹo'ueetetac dá'maq sahotaque quiyim qaỹo'uet, ỹoviraqteta'a ca lqodoc, ca' ca'maxare saanem da lquesaxanaxa quiyim ila' ná'ogue na ỹoreta'oguit qomyipi.

Apocalipsis 2:7

Ca cá'maq ỹa'den ca na'xaỹaxanaxac, ca 'maxaraic quiyim na'xaỹaxana da la'qaatec so Espíritu Santo 'naapega ná'maq mashic icoñiguit da na'qaatec, 'neetasa': Ca cá'maq rauegaxan ma'le, ca saanem quiyim ỹa'ic aca la adá'maq qo'paq chicqaugui da nca'laxa neetañigui na lavinñi yi lanaxanqa' ñi qota'a.”

Apocalipsis 21:7

Ca cá'maq rauegaxan ma'le, ca' icoñiguit ma'le ná'ogue najo, 'ec nishiue' nqohin. Ca' ỹim ỹaatqajam ỹim leta'a qota'olec, chaqai ca'maxare ỹaatqajam ỹalamaxaret ỹaalec ma'le.

Apocalipsis 3:12

Ca cá'maq rauegaxan, ca' ỹim 'ec nqaishin aca nenojnaxa quiyim nolliitañi ñi lauo' ñi qota'olec, ca' totqa nac quiyi'maxare. Ca' quecaua'maxare serelgoto ma'le da leenaxat ñi qota'olec chaqai da leenaxat yi la'a' ñi'maxare, yí'maq dalaxaic Jerusalén chicqa'gue da piguim, chicqo'ot ñi qota'olec. Qai'neeta serelgoto ma'le caua'maxare ca dalaxaic ỹeenaxat.

Apocalipsis 3:5

Ca cá'maq rauegaxan ma'le, ca' ỹañiñi nqohine' caua noho lalagaxaqa. Chaqai se sapalaxat ca leenaxat quiyim qoỹeretañi cayi lere nca'laxalate, ta'ta'a quiyim sa'xat quiñi ita'a chaqai quena lelaatqaipi piguim laseripi.