Lucas 6:22 - La'qaatqa ñi qota'olec Qota'olec & Qota'olec Novita Na Qomyipi

²² Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Lucas 6:22 Iomraidhean Croise

Mateo 10:18

Ca vire'to' ma' viriỹau'a ná'maq reloqota'alo naua 'lauari chaqai ná'maq lashillipi na'maxare, ma' qamiri ỹalamaxarete', qaiyi shichii ya'xachitac quena'maxare chaqai quena sqai judioipi.

Mateo 10:22

Ná'ogue na qomyipi noquii'alo qamiri ma'le ma' 'xachitac da ỹeenaxat. Qam cá'maq na'ñaxachichiguiñi, chi ỹovireta'a ca lqodoc aca lqauaxaqui, ca' chaqaica cá'maq qanca'laxatec.

Mateo 10:39

Ca cá'maq ỹahotaque nca'laxatec dá'maq chi nachaalataxac, ca na'laxatañi. Qam cá'maq na'laxatañi da nachaalataxac soualec quiyim queeta'pegue' aỹim, ca' chaqaica cá'maq qanca'laxatec ma'le.

Lucas 20:15

Ca qaỹauegue'oguiyi queso nanaxanqa'. Ca' ime, ca qaỹalauat. Ca' so Jesús renataxan, 'naaco': —¿Negue' ca 'ne'tegue ma'le so qomyipi só'maq ỹaatqajam lanaxanqa' yi 'laua?

Lucas 21:17

Chaqai ná'ogue na qom hueetalec na 'laua noquii'alo qamiri, sovitapigui aỹim.

Lucas 6:21

Chaqai qai'neeta ra'maxaichiguiñi qamiri ma' viitaugui nagui quiyim rqopachii, ma' ỹaatqajam 'ue ma'le ca rquemaraxahi. Chaqai qai'neeta ra'maxaichiguiñi qamiri ma' noỹeñitagui nagui, ma' ỹaatqajam 'ue ma'le ca raỹalliguiriguii.

Juan 12:42

Qam qaiyiita 'xoico' so judioipi huelec so Jesús, vire'ta ná'maq 'ue nqai'negue. Qam se nichoxoteta quena qom, ma' no'cha'a so fariseoipi, qaiyi se qaỹo'daauec cañi lapoxoqui.

Juan 16:2

Qamiri qaro'yiỹauec ma'le cañi lapoxoqui na judioipi, chi ỹovireta'a quiyim canchaqaica 'ue ca ỹalauat caqamiri, ca 'neetapigui lauel quiyim 'maxaraic da ỹo'uet quiñi qota'olec.

Juan 17:14

Ỹim saanema naua'maxare da ra'qaachiqui', qam ná'maq qomyipi hueetalec na 'laua noquii'alo naua'maxare, ma' naua'maxare tot ỹo'ueete' na loic na 'laua, ma' 'neete'm aỹim sqa saỹapegueu'a na loic na 'laua.

Juan 7:7

Quená'maq qomyipi hueetalec na 'laua se ishit quiyim noquii'alo quet qamiri. Qam aỹim qanoquii'a, ma' ỹim ỹaatqajam sechoxote'tem quiyim dá'maq ỹo'ueetetac se no'uen.

Juan 9:34

Ca qohinaco' queso'maxare: —Qami' na' chi ne'qa'iriñi chaqa'ma' no'qaachigui qami' quena nasauaxaset, qam ¿chi'neco' ma' viisaque qarapaxaguiñi'? Ca' quiyi, ca qaỹo'daauec so'maxare caso lapoxoqui na judioipi.

Hechos 22:22

Ca' quiyi, ñaq qana'xaỹaxantapega so Pablo. Qam na'le, ca' ỹaualqagui so qomyipi, ca 'naaco': —¡'Maxaraic qaỹalauat da ỹale! ¡Se ỹa'maxañi quiyim nca'leetauec!

Hechos 24:5

Ma' qomi' sa'deenqata quiyim dajo ỹale ỹaatqajam se ralamqataxan quenaua'que naua lahil na 'laua. Ma' 'ue yi na'xa'a ỹora'chi nqai'en na qomyipi, ma' da'maxare lashi na na'deetau'a so Nazaret le'ec.

Hechos 9:16

Ỹim sachaxanem ma'le ñi'maxare quiyim ỹovirau'a 'xoic ca le'xoric souetapigui aỹim.

Santiago 1:12

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

1 Pedro 3:14

Qam 'eno'm 'ue ca re'xoriguii, qam quiyim 'maxachii'tegue da nachaalataxaguii, ca' 'ue ca ra'maxahi. Qaica ca ro'chiỹaque, chaqai sqaica ca rqo'ỹoqochichii.