Lucas 6:21 - La'qaatqa ñi qota'olec Qota'olec & Qota'olec Novita Na Qomyipi

²¹ Chaqai qai'neeta ra'maxaichiguiñi qamiri ma' viitaugui nagui quiyim rqopachii, ma' ỹaatqajam 'ue ma'le ca rquemaraxahi. Chaqai qai'neeta ra'maxaichiguiñi qamiri ma' noỹeñitagui nagui, ma' ỹaatqajam 'ue ma'le ca raỹalliguiriguii.

Lucas 6:21 Iomraidhean Croise

Génesis 17:17

Ca' so Abraham nqai'guiñi, ỹoviraqta'guit na latap na 'laua. Ca' raỹaleguere co'na' ỹa'deene'ta: Ca ỹale ỹovite' caua cien ñaxari, ¿peeta'a ishito' quiyim neta'a? Chaqai añi Sara, ¿ishito' 'ue ca llaalec quiyim mashic ỹovite' noventa ñaxari?

Génesis 21:6

Ca co'na' ra'deenataxantac aso Sara, ca 'naaco': Ñi qota'olec raỹaleguere nqai'en aỹim, chaqai ná'ogue ná'maq ỹa'den quiyim 'ue ñi ỹaalec, qai'neeta raỹaleguere.

Salmos 107:9

Ma' ñi'maxare neme laquip nqai'en cá'maq 'xoic laquip, chaqai ỹaanem quiyim 'xoic ca loq cá'maq qopaaxaic.

Isaías 25:6

Cada qa' ladocai leenaxat Sión ñi qara'gaxala' qaica lqalanec 'ue ca ỹa'maxajñi ma'le quená'ogue na ỹoreta'oguit qomyipi ỹo'uet ca nqui'ỹaxac lodegaxat chalego loyac chaqai na ñaauapec lataxa, chalego lo'daxa na na'ic chaqai ná'maq no'uen lataxa.

Jeremías 31:9

Naqueta nqouagaxainta'guit chaqai noỹenta'guit. Ỹim sauega yi huaxaỹaq ne'paxantashiguim, queso nayic nalo'ojta', ca' qaica ca repoxolaxan. Ma' ỹim leta'a so Israel, chaqai so Efraín só'maq ỹi ỹaalec.

Ezequiel 9:4

Ca 'naapega: Quirougui na na'a' lodegaxat Jerusalén, ca' vite ca retanqui' quena latap cá'maq 'ue ca lachicoxo chaqai da nqui'ic quená'ogue ná'maq qanaqaica'a qaỹo'ueetetac quiyi'maxare.

Mateo 5:4

Ỹaatqajam chalego la'maxa ma'le cá'maq 'ue ca lachicoxo, ma' ñi qota'olec ỹa'maxagui lauel nqai'en ca'maxare.

Mateo 5:6

Ỹaatqajam chalego la'maxa ma'le quecá'maq 'ec 'ue na lqopaaxa chaqai na laquip quiyim ỹahotaque ỹo'uet ná'maq ỹahotaque ñi qota'olec, ma' ñi'maxare ỹotauanegue ma'le ca'maxare, qaiyi ishit ỹo'uet.

Lucas 1:53

Chaqai ná'maq 'xoic ca louenaxanaxa, ca ỹaanem quiyim qaica ca ỹouen nqai'en, qam na nesallaxanqaipi lotqai co'taxachichiguilo naua laua', ca' ilarec.

Lucas 6:20

Ca' so Jesús ỹamataugui so lapaxaguinatqaipi, ca' 'naaco': —Ỹaatqajam ra'maxaichiguiñi qamiri ma' qamiri 'xoraiquipi, ma' ralamaxarichii da lo'ueenataxanaxac ñi qota'olec.

Lucas 6:22

Chaqai qai'neeta ra'maxaichiguiñi ma' qamiri qanoquii'alo quena qomyipi, chaqai ma' qaro'yia'oguiyi, chaqai ma' qoyiga'alo qamiri, chaqai ma' tot qanqo'ta da qadeenaxachii, 'ec chalego la'aaxa, sovitapigui najo ỹale llaalec.

Lucas 6:25

Chaqai 'xoraiquipiolec qamiri ma' se rqopachii nagui, ma' 'uo' ma'le ca rqopaaxahi. Chaqai 'xoraiquipiolec qamiri ỹalliguiritagui nagui, ma' ỹaatqajam noỹeñitapeguem ma'le ca rachicoxohi.

Juan 11:35

Ca' so Jesús noỹen.

Juan 4:10

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

Juan 6:35

Ca' so Jesús 'naaco': —Chaqaỹim ná'maq pan chicqaugui da nca'laxa. Cá'maq nacpegue' aỹim, ca se ỹauanapega quiyim qopat; chaqai cá'maq huelec aỹim, ca se ỹauana ỹalauat laquip.

1 Corintios 4:11

Vire'ta nagui sovirqau'a da qare'xoric quena qarqopaaxa, chaqai na qaraquip, chaqai qaica ca sanaxañi nooỹac, chaqai na qomyipi iualaxainta'pe qomi', chaqai qaica ca qara'a'.

2 Corintios 11:27

Chaqai 'xoic na ỹo'ueenataxanaxac, chaqai da ñanaqataxac. Chaqai 'xoic se seshit quiyim selaq, chaqai 'xoic ỹoqopaaxa chaqai na ỹaquip. Chaqai 'xoic quiyim ñqopaaqachit, chaqai yalauat quen na no'oomaxa, chaqai sentauec qaica ca sanñi.

2 Corintios 12:10

Vichiguiño' ñitoontac quena' qaica ca ỹa'ñaxac, chaqai quena' qayishiuentac, chaqai quena' 'ue da ỹouenaxanaxa, chaqai naua ñocanaxaco, chaqai na i'xoric quenaua ñanaqataxaco, sasouetapigui so Cristo. Ma' quena' paguec qaica ca iquesaxanaxa, ca ñauata'guit quiyim paguec ỹim quesaxanaxaic.

2 Corintios 6:10

'Eno'm sachicoqota, qam ñaqai qara'maqachiguiñi. 'Eno'm se'xorqata, qam 'xoic na 'ue nqaiyi nqaishinaq. 'Eno'm qaica ca yi coqomi', qam qaica cá'maq souenqataque quená'ogue.

Santiago 1:12

Chalego loyac ca qom quiyim 'ue da leualaxavic quena' na'ñaxachiguit ca ne'guenaxac. Ma' ma' ca'laxatauec da ne'guenaxac, ca icoñiguit ca nishiue' 'ec nado'inñi nqohin, da nca'laxa dá'maq shi'gue ỹachaxantac ñi qota'a quená'maq nqo'ta ñi'maxare.

Apocalipsis 21:3

Ca' sa'xaỹaque so na'qaatec ỹaatqajam lam, 'maqot na piguim, 'naac: —Ñaqa 'ajñi', nagui ñi qota'olec ỹalequetaugui na qomyipi, ỹaatqajam lauoraripi. Na'maxare ỹaatqajam lauo' laseripi, chaqai chaqaiñi ñi qota'olec ỹalequetaugui yi'maxare, ca' lalamaxaret ñi qota'olec yi'maxare.

Apocalipsis 7:16

Ca tot ỹoviro'ot ma'le ca nqopaaxa chaqai ca laquip. Chaqai tot qaỹavigaxat cañi ra'aasa, chaqai tot nauata'guit ca npa'ỹaaxa.