Lucas 6:17 - La'qaatqa ñi qota'olec Qota'olec & Qota'olec Novita Na Qomyipi

¹⁷ Ca' so Jesús co'na' renotec caso qoỹoqoshi'megue 'laua, liỹaata'pe saua'maxare. Co'na' qanoviri'ña so quemarelec, ca so'maxare chaqai saua lapaxaguinatqa huere'e. Chaqai ỹaatqajam 'xoic so qomyipi chicqa'oga yá'ogue yi 'laua Judea, chaqai yi Jerusalén, chaqai na lemanaxa yi Tiro chaqai yi Sidón. Na qomyipi nanac, ma' ỹahotaque na'xaỹaxana so Jesús, chaqai quiyim qaỹomatec na ralolaxa.

Lucas 6:17 Iomraidhean Croise

Salmos 103:3

Chaqaiñi ñí'maq sqai caapeguem ná'ogue na se no'uen so'ueetetac, ñí'maq ỹomaterec naua'que naua i'neete',

Mateo 11:21

—¡Ỹaatqajam chalego re'xoriguii, qamiri ñiỹa'ñi na na'a' Corazín! ¡Chaqai ná'maq neeta'ñi na na'a' Betsaida! Ma' quetqai hua'ño' yi na'a' Tiro chaqai yi Sidón ná'maq qaỹo'uet se qaiuanapega quená'maq qaỹo'uet na'le caqamiri, shi'gue quet ỹaxañiñi naua lanatqa, chaqai nachaxanta queta'le ỹañiñi caua noho nasouaxaqui', chaqai nemeetalta' quena lo.

Mateo 12:15

Ca co'na' ỹa'den dajo so Jesús, ca' ca'e yí'maq hueete'e. Ca 'xoic so qomyipi coỹare'tegue, ca so Jesús ỹomatec ná'ogue na ralolaxaiquipi.

Mateo 14:14

Ca co'na' renotec so Jesús caso lahi', ca iuane'ta so 'xoic qomyipi. Ca 'ue da le'xorenataxanaxa queso'maxare, ca ỹomatec na ralolaxaiquipi qanodou'a so'maxare.

Mateo 15:21

Ca' so Jesús ca'e yí'maq hueete'e, ca' quepegue' yi 'laua huaugui yi Tiro chaqai yi Sidón.

Mateo 5:1

Ca co'na' so Jesús iuane'ta sá'ogue so qomyipi, ca taashi'megue ada qa' ladocai. Ca' nqa'xanñi, ca so lapaxaguinatqaipi lapoỹau'a so'maxare.

Lucas 5:15

Qam da lichoxoric so Jesús ỹaatqajam noquiiquetauec, ca' ỹaatqajam 'xoic na qomyipi quepegue', ma' ỹahotaque quiyim na'xaỹaxana, chaqai ỹahotaque quiyim ỹomatec so'maxare na ralolaxa.

Lucas 6:12

Ca 'uo' so na'xa'a, ca' so Jesús taashi'megue aso qoỹoqoshi'megue 'laua, ca' nqouagaxain, sá'ogue so 'óna pe nqouagaxaintacot ñi qota'a.

Lucas 6:16

Judas só'maq lqaỹa so Jacobo, chaqai so Judas Iscariote só'maq ỹaano' co'na'le so Jesús.

Lucas 6:18

Ca' na qomyipi ná'maq 'ue na le'ec lecmaxaic qai'neeta imeuec.