Lucas 6:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca co'na' mashic richiguiñi, ca' roỹaxana so lapaxaguinatqaipi. Ime, ca' nca'au'alo saua doce quesaua'maxare ỹauaapigui lelaatqa.

Lucas 6:13 Iomraidhean Croise

Mateo 10:2

Ca' nauajo nauá'maq leenqate' sauá'maq doce lelaatqa: Simón, ca' da liỹa leenaxat Pedro; chaqai so lqaỹa Andrés; Jacobo chaqai so lqaỹa Juan, llaalqa so Zebedeo;

Mateo 19:28

Ca' so Jesús 'naaco' quesaua'maxare: —Ỹaatqajam llic da shinac caqamiri, quecajo na'xa'a ma' ná'ogue qano'viishiguim dalaxaic nqohin, ma' najo ỹale llaalec nqa'xanñigui aca 'ue lauaq qa'xanaxaqui quiyim nashi, ca' qamiri ma' quiita'pegue' aỹim, ca' qamiri qai'neeta nqa'xañiñiguilo caua doce nashi nqa'xanaxaqui', ca michii na llaalqaipi saua doce llaalqa so Israel.

Mateo 9:36

Ca na' iuana so qomyipi, ca 'ue da le'xorenataxanaxa queso'maxare. Ma' 'ue da le'xoric chaqai qaica ca la'ñaxac, 'ec ana qagreta qaica ca reloxoỹa'a.

Marcos 6:30

Ca co'na' ime dajo, ca' saua nelaatqa lapoirau'a so Jesús. Ca' qara'qaataxanem quená'ogue ná'maq qaỹo'uet, chaqai ná'maq rapaxaguinataxansa'pegue.

Marcos 6:7

Ca co'na'le, ca roỹaxanalo' saua doce lapaxaguinatqa, ca ilate' dooseta'pe nqai'ne', ca ỹaanema da lquesaxanaxa quiyim ỹo'derauec na ne'equipi lecmaxaiquipi.

Lucas 11:49

Vichiguiño' ñi qota'olec queda la'deenaxanaxa 'naac: “Selata ma'le na ỹa'qaataxanqajanqaipi chaqai ca ilaatqaipi, ca 'uo' ma'le ca qaỹalauat, chaqai ca liỹaripi, ca' qaỹocantac.”

Lucas 22:30

qaiyi qui'ii chaqai ni'chii queca iqui'ỹaxala' ma' seuetaugui ca ỹo'ueenataxanaxac, chaqai nqa'xañingui caua nashi nqa'xanaxaqui', ca' michii na llaalqaipi so doce llaalqaipi so Israel.

Lucas 6:14

Ca saua'maxare 'ena na leenqateripi: Simón só'maq ỹanegue leenaxat Pedro, chaqai so Andrés só'maq lqaỹa so Simón, chaqai so Jacobo, chaqai so Juan, Felipe, chaqai so Bartolomé,

Juan 4:33

Ca' so lapaxaguinatqaipi chi nenatetecta', ca 'neraco': —¿'Uo' ca nodou'a ca loq da'maxare?

Hechos 1:13

Ca co'na' ỹovirera'a yi na'a' lodegaxat, ca tarishi'ma ca pa'aashiguim 'imec cá'maq chaqai'eno' quen neesaugui. Ca quesaua'maxare ỹalequesaho' saua Pedro, Jacobo, Juan, Andrés, Felipe, Tomás, Bartolomé, Mateo, chaqai so Jacobo, Alfeo llaalec, chaqai so Simón só'maq ỹalequetaugui na cananistaipi, chaqai so Judas, Jacobo lqaỹa.

Efesios 2:20

Qamiri 'ñiitari' ca 'imec, ca' qaillijlec qamiri só'maq no'xonaxanaxala' ỹa'auaxanyiñi saua lelaatqa so Jesús chaqai so letaxaỹaxanqajanqaipi ñi qota'a. Ca' chaqaiso só'maq Jesús 'eco' ca qa' nolliitañi cajo 'imec.

Efesios 4:11

Ca' ỹa'ue na ỹaanem quiñi 'óna, 'ue na ỹaanem quiyim lelaatec so'maxare, chaqai 'ue na letaxaỹaxaquiripi nqai'en ñi qota'a, chaqai na liỹa ca' ỹa'xatetac da na'qaatec chicqaugui da nca'laxa, chaqai 'ue ná'maq la'gaxala' ná'maq mashic icoñiguit da na'qaatec, chaqai na napaxaguinataxanaq.

Hebreos 3:1

Vichiguiño' qamiri ỹaqaỹa', ma' mashic qamiri lca'acse' ñi qota'a chaqai roỹaxanalo qamiri quiyim qamiri lalamqate', ca ỹaatqajam ra'ijlec so Cristo Jesús só'maq nelaatec quiyim qara'gaxala' quiyim retaxaỹa'pegue' ñi qota'a chicqochigui quiyim seuaqlec da na'qaatec.

2 Pedro 3:2

Se couahi'e dá'maq la'qaategue' quesom sauá'maq letaxaỹaxanqajanqa ñi qota'a, chaqai da laqataxac so qara'gaxala' chaqai qarca'laxaqui Jesús dá'maq ỹapaxaguinque qamiri sauá'maq lelaatqa so'maxare.

Apocalipsis 12:1

Na'le, ca' lotqai re'oq so chalego lecaic netanec hueeto'ot na piguim, 'neetasa': 'Ue aso 'aalo 'ec neloxoqui añi ra'aasa lepatetagui, chaqai co'ueetalec ñi shiraigo. Chaqai aso'maxare ỹantañi aso nashi nado'o neesagui saua doce huaqajñi ana roto.

Apocalipsis 18:20

Qam qami' piguim, chaqai qamiri lelaatqa so Jesús, chaqai ná'maq letaxaỹaxaquiripi ñi qota'a, chaqai ná'ogue ná'maq lalamaxareteripi ñi'maxare, netooñigue yijo na'a' lodegaxat, ma' ñi qota'a ỹo'uet da nouaxanaxaset yi'maxare, ma' sougui dá'maq 'ne'teguelo qamiri.

Apocalipsis 21:14

Ca' so napoxonaxat queso na'a' lodegaxat qaỹo'xontalgoto saua doce qari, qoỹeretalgoto saua leenqate' saua doce lelaatqa so 'ec qagreta llaalec.